ఈ ఏడాది మూవీ ఆడియెన్స్ ఎంతో ఆతృతగా ఎదురు చూస్తున్న సినిమాల్లో ‘సలార్’ ఒకటి. టాలీవుడ్, బాలీవుడ్ అనే తేడాల్లేకుండా మొత్తం భారతీయ చిత్ర పరిశ్రమ ఎంతో ఆసక్తిగా ఎదురు చూస్తున్న పాన్ ఇండియా మూవీ ఇది. ఈ ప్రాజెక్టుకు ఇంత హైప్ రావడానికి ఇందులో డార్లింగ్ ప్రభాస్ నటిస్తుండటం ఒక కారణమైతే.. మరో కారణం డాషింగ్ డైరెక్టర్ ప్రశాంత్ నీల్ దర్శకత్వం వహిస్తుండటమేనని చెప్పొచ్చు. ‘కేజీఎఫ్’ సిరీస్తో హీరోకు ఎలివేషన్ సీన్లను ఎంత బాగా తీయొచ్చో ప్రశాంత్ నిరూపించారు. రాకింగ్ స్టార్ యష్ను ప్రశాంత్ నీల్ చూపించిన విధానం, యాక్షన్ సీక్వెన్స్లు, డైలాగ్స్, బీజీఎం ఒక రేంజ్లో ఉండి అందర్నీ ఆకట్టుకున్నాయి.
మాస్లో ప్రభాస్కు ఉన్న యాక్షన్ ఇమేజ్తో పాటు హీరోలను స్టైలిష్గా చూపించడంలో, ఎలివేషన్ సీన్లు తీయడంలో ప్రశాంత్ నీల్ పనితనం ‘సలార్’ పై అంచనాలను పెంచేస్తోంది. ఈ మూవీపై ఎక్స్పెక్టేషన్స్ ఆకాశాన్ని తాకుతున్నాయి. ఈ చిత్రం బాక్సాఫీస్ను షేక్ చేయడం పక్కా అని ట్రేడ్ అనలిస్టులు అంటున్నారు. సెప్టెంబర్ 28న ‘సలార్’ బిగ్ స్క్రీన్స్లో విడుదల కానుంది. ఈ సినిమాకు సంబంధించిన అప్డేట్ కోసం ప్రభాస్ ఫ్యాన్స్ ఆసక్తిగా ఎదురు చూస్తున్నారు. ఎట్టకేలకు వారి కోసం క్రేజీ అప్డేట్ వచ్చేస్తోంది. జులై 6న ఉదయం 5 గంటల 12 నిమిషాలకు ‘సలార్’ టీజర్ను రిలీజ్ చేస్తున్నట్లు మేకర్స్ ప్రకటించారు.
‘సలార్’ టీజర్ న్యూస్ ఇప్పుడు సోషల్ మీడియాలో ట్రెండ్ అవుతోంది. అయితే బజ్ను మరింత పెంచడానికి మూవీ యూనిట్ ప్రయత్నిస్తోంది. దీంట్లో భాగంగా ప్రభాస్ ఫ్యాన్స్కు ఒక ఆఫర్ ఇచ్చింది. వారి టాలెంట్కు పరీక్ష పెట్టింది. ‘సలార్’పై స్టన్నింగ్ డిజైన్స్, అద్భుతమైన వీడియో ఎడిట్లు చేసి ప్రతిభను నిరూపించుకోవాలని సూచించింది. మోస్ట్ వయోలెంట్ మేన్ (ప్రభాస్) గురించి ఈ డిజైన్లు, వీడియో ఎడిట్ల ద్వారా మరింత ఎక్కువ మందికి తెలిసేలా చేయాలని చెప్పింది. ఈ పోటీలో ‘సలార్’ టీమ్ను మెప్పించే వారిని మూవీ అధికారిక ట్విట్టర్ అకౌంట్ ద్వారా ప్రజలకు చూపిస్తామని వెల్లడించింది. మరి.. మీలో టాలెంట్ ఉందా? అయితే ఎడిట్లు చేసేందుకు సిద్ధమైపోండి.
𝐂𝐚𝐥𝐥𝐢𝐧𝐠 𝐚𝐥𝐥 𝐒𝐀𝐋𝐀𝐀𝐑 𝐟𝐚𝐧𝐬 📢
We want YOU to be a part of this incredible journey.
Show off your talent by creating stunning designs and mesmerising video edits, capturing the essence of the most violent man and building anticipation among our beloved fans.The… pic.twitter.com/T1lUz0uQSk
— Salaar (@SalaarTheSaga) July 3, 2023
