యూనివర్సల్ స్టార్ కమల్ హాసన్, సౌత్ స్టార్ డైరెక్టర్ శంకర్ కాంబోలో వస్తున్న సినిమా ‘ఇండియన్ 2’. ‘విక్రమ్’ లాంటి బ్లాక్ బస్టర్ హిట్ తర్వాత కమల్ నటిస్తున్న మూవీ కావడంతో ఈ సినిమాపై భారీ ఎక్స్పెక్టేషన్స్ ఉన్నాయి. కమల్-శంకర్ కలయికలో వచ్చిన సూపర్ హిట్ చిత్రం ‘భారతీయుడు’కు ఇది సీక్వెల్గా తెరెకుక్కుతోంది. భారీ బడ్జెట్తో రూపొందుతున్న ఈ మూవీ నుంచి ఎట్టకేలకు ఒక అప్డేట్ వచ్చింది. సినిమాలో తన డబ్బింగ్ వర్క్ను కమల్ స్టార్ట్ చేసేశారు. ఈ విషయాన్ని ఇంట్రెస్టింగ్ వీడియోతో అందించారు. ఆ వీడియోలో కమల్, శంకర్లు కారు దిగి డబ్బింగ్ స్టూడియోలోకి వెళ్లడం, ఇద్దరూ మాట్లాడుకోవడం కనిపించింది.
కమల్ హాసన్ రిలీజ్ చేసిన వీడియోను బట్టి ‘ఇండియన్ 2’ పోస్ట్ ప్రొడక్షన్ వర్క్ శరవేగంగా జరుగుతున్నట్లు అర్థమవుతోంది. అయితే ఈ మూవీ విడుదల విషయంలో మాత్రం ఇంకా క్లారిటీ రావడం లేదు. కమల్ డబ్బింగ్ స్టార్ట్ చేయడాన్ని బట్టి షూటింగ్ దాదాపు పూర్తి కావొచ్చిందనే అనుకోవాలి. ‘ఇండియన్ 2’లో స్టార్ హీరోయిన్లు కాజల్ అగర్వాల్, రకుల్ ప్రీత్ సింగ్తో పాటు హీరో సిద్ధార్థ్, సముద్ర ఖని, గుల్షన్ గ్రోవర్, యోగ్రాజ్ సింగ్, వెన్నెల కిషోర్, ప్రియా భవానీ శంకర్ లాంటి ప్రముఖ నటులు కీలక పాత్రలు పోషిస్తున్నారు. స్టార్ కంపోజర్ అనిరుధ్ మ్యూజిక్ అందిస్తున్న ‘భారతీయుడు’ సీక్వెల్కు సీనియర్ ఎడిటర్ శ్రీకర్ ప్రసాద్ ఎడిటింగ్ బాధ్యతలు నిర్వర్తిస్తున్నారు. ‘ఇండియన్ 2’ నుంచి సాలిడ్ అప్డేట్ ఇవ్వడంపై మెగా పవర్ స్టార్ రామ్ చరణ్ అభిమానులు సీరియస్ అవుతున్నారు.
అటు కమల్తో ‘ఇండియన్ 2’ తీస్తూనే.. ఇటు చరణ్తో ‘గేమ్ ఛేంజర్’ను కూడా తెరకెక్కిస్తున్నారు శంకర్. ఏకకాలంలో రెండు ప్రాజెక్టులపై ఆయన పనిచేస్తున్నారు. అయితే కమల్ మూవీ నుంచి అప్డేట్ ఇవ్వడం, ఎంత అడిగినా ‘గేమ్ ఛేంజర్’ విషయంలో రెస్పాన్స్ రాకపోవడంతో చెర్రీ ఫ్యాన్స్ శంకర్పై ఫైర్ అవుతున్నారు. రెండేళ్లకు పైనే కావొస్తున్నా ఇప్పటిదాకా టైటిల్ అనౌన్స్మెంట్, ఫస్ట్ లుక్ పోస్టర్ తప్పితే ఇంకా ఎలాంటి సమాచారం ఇవ్వడం లేదని వాపోతున్నారు. చివరికి ఎవరో యూనిట్ మెంబర్ ఓ పాటను లీక్ చేస్తే దాన్ని విని సంబురపడాల్సి వచ్చిందని చెబుతున్నారు. అయితే ఆ సాంగ్ వైరల్ కాకుండా తొలగించడం వేరే సంగతి. ఒకవైపు ‘ఇండియన్ 2’ డబ్బింగ్, పోస్ట్ ప్రొడక్షన్ మొదలైందనే వార్తల నడుమ.. ‘గేమ్ ఛేంజర్’ షూటింగ్ ఎప్పుడు ముగుస్తుందో కూడా తెలియకపోవడంతో చెర్రీ ఫ్యాన్స్ మరింత ఆగ్రహం వ్యక్తం చేస్తున్నారు.
కమల్ ఓకే, చరణ్ మూవీ పరిస్థితి ఏంటని డైరెక్టర్ శంకర్ను అభిమానులు ప్రశ్నిస్తున్నారు. ఇదిలా ఉంటే.. ‘గేమ్ ఛేంజర్’ షూటింగ్ ఇంకా పూర్తి కాలేదని తెలుస్తోంది. మరోవైపు ఆయనతో తీయబోయే సినిమా కోసం ‘ఉప్పెన’ డైరెక్టర్ బుచ్చిబాబు వెయిటింగ్లో ఉన్నారు. శంకర్ చిత్రం పూర్తయితే గానీ బుచ్చిబాబు సినిమాలో చెర్రీ జాయిన్ అయ్యేలా కనిపించడం లేదు. కానీ ‘గేమ్ ఛేంజర్’ షూట్ కంప్లీట్ అయ్యేందుకు మరో మూడ్నాలుగు నెలలు పడుతుందని టాలీవుడ్ టాక్. ఈ విషయంలో చరణ్, శంకర్ల్లో ఎవరో ఒకరైనా ఫ్యాన్స్కు క్లారిటీ ఇస్తారేమో చూడాలి. మరి.. ‘ఇండియన్ 2’ అప్డేట్ ఇచ్చి.. చెర్రీ మూవీ విషయంలో ఏ అప్డేట్ లేకపోవడంపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: ప్రకాశ్ రాజ్‌ను పట్టుకుని ఏడ్చేసిన దిల్ రాజు!
A glimpse of dubbing 🎙️ session from INDIAN-2 🇮🇳 ft. Ulaganayagan @ikamalhaasan 🤗 & Director @shankarshanmugh 🎬
Dubbing in Progress ███░░#Indian2 🇮🇳 @anirudhofficial @dop_ravivarman @LycaProductions #Subaskaran @RedGiantMovies_ @gkmtamilkumaran @MShenbagamoort3 pic.twitter.com/kGlMKbWcC1
— Lyca Productions (@LycaProductions) October 9, 2023
