Polimera 3: పొలిమేర 3 లో సీనియర్ అర్జున్

పొలిమేర సినిమా పెద్ద హిట్. అందులో నటించిన వాళ్లకు మరిన్ని మంచి అవకాశాలు ఇచ్చింది. పొలిమేర 2 జస్ట్ ఓకె సినిమా. కానీ పొలిమేర 3 విషయంలో మాత్రం నిర్మాతలు చాలా కేర్ తీసుకుంటున్నారు. ఈ సినిమాలో ఓ కీలకపాత్రకు సీనియర్ హీరో అర్జున్ ను తీసుకుంటున్నట్లు తెలుస్తోంది. కీలకపాత్రకు సీనియర్ అర్జున్ ను తీసుకుంటున్నారు అంటే సినిమా లో మిగిలిన కాస్టింగ్ కూడా ఆ లెవెల్ లోనే వుంటుంది కదా. అంటే పొలిమేర 3 మీద కాస్త గట్టిగానే ఖర్చు చేయాలని నిర్మాత వంశీ నందిపాటి డిసైడ్ అయినట్లు కనిపిస్తోంది.

హర్రర్..థ్రిల్లర్ సినిమాలకు ఎప్పుడూ మంచి మార్కెట్ వుంటుంది. రక్తి కట్టేలా వాటిని తీయడం ఒక్కటే దర్శకుడు చేయాల్సింది. పొలిమేర 3 స్క్రిప్ట్ వర్క్ పూర్తయింది. కాస్టింగ్ మీద ఇప్పుడు దృష్టి పెట్టారు. వన్స్ కాస్టింగ్ అంతా ఫైనల్ అయితే అప్పుడు సెట్ మీదకు వెళ్తుంది.

సినిమాను 2027 సమ్మర్ టార్గెట్ గా నిర్మించాలన్నది నిర్మాతల ఆలోచన.