ఈ వరల్డ్ కప్​లో భారత్​కు అతడే బిగ్ ప్లస్.. అలాంటోడే కావాలి: భజ్జీ

టీ20 ప్రపంచ కప్​-2024లో టీమిండియా అదరగొడుతోంది. బ్యాక్ టు బ్యాక్ విక్టరీస్​తో ప్రత్యర్థులను భయపెడుతోంది. గ్రూప్ స్టేజ్​లో ఆడిన మూడు మ్యాచుల్లోనూ నెగ్గి సూపర్-8కు చేరుకుంది రోహిత్ సేన. నెక్స్ట్ స్టేజ్​ మ్యాచ్​ల కోసం ఎదురు చూస్తోంది. సూపర్ పోరులో ఆస్ట్రేలియా, ఆఫ్ఘానిస్థాన్​, బంగ్లాదేశ్​ను చిత్తు చేయాలనే పట్టుదలతో ఉంది. ఈ టీమ్స్​ను ఓడించి సెమీస్ బెర్త్​ను కన్ఫర్మ్ చేసుకోవాలని చూస్తోంది. అయితే ఇప్పటిదాకా అమెరికాలోని ట్రిక్కీ పిచ్​లపై ఆడిన మెన్ ఇన్ బ్లూ.. ఇక మీదట కరీబియన్ దీవుల్లో ఆడనుంది. అక్కడి స్లో పిచ్​ల మీద ఆడటం అలవాటైన ఆసీస్, ఆఫ్ఘాన్​ను ఫేస్ చేయడం అంత ఈజీ కాదు. అందుకు సరికొత్త ప్రణాళికలతో రావాల్సి ఉంటుంది. బ్యాటింగ్ విభాగం మరింత ఊపందుకోవాలి.

టీమిండియా బౌలింగ్ యూనిట్ అద్భుతంగా రాణిస్తోంది. ఇదే ఫామ్​ను విండీస్ పిచ్​ల మీదా కంటిన్యూ చేస్తే భారత్​ను ఆపడం ఏ టీమ్ వల్ల కూడా కాదు. జస్​ప్రీత్ బుమ్రాతో పాటు హార్దిక్ పాండ్యా, అర్ష్​దీప్ సింగ్ ఇదే జోరును కొనసాగించాలని అభిమానులు కూడా కోరుకుంటున్నారు. ఈ నేపథ్యంలో భారత స్పిన్ దిగ్గజం హర్భజన్ సింగ్ ఇంట్రెస్టింగ్ కామెంట్స్ చేశాడు. మెగా టోర్నీలో మెన్ ఇన్ బ్లూ ఆడుతున్న తీరు మీద అతడు హర్షం వ్యక్తం చేశాడు. టీమిండియా ఇలాగే ఆడాలని అన్నాడు. ఈ వరల్డ్ కప్​లో భారత్​కు బిగ్ ప్లస్ అంటే హార్దిక్ పాండ్యానే అంటూ ప్రశంసల జల్లులు కురిపించాడు. అలాంటోడే జట్టుకు కావాలని అన్నాడు. విరాట్ కోహ్లీ కంటే పాండ్యానే టీమ్​కు కీలకమని.. అతడు రాణించడం ఎంతో అవసరమని చెప్పాడు.

‘ఈ ప్రపంచ కప్​లో భారత్​కు పెద్ద సానుకూల అంశం అంటే అది హార్దిక్ పాండ్యా బౌలింగ్ అనే చెప్పాలి. బాల్​తో అతడు రాణిస్తున్న తీరు అద్భుతం. హయ్యెస్ట్ వికెట్ టేకర్స్ లిస్ట్​లో అతడు నాలుగో స్థానంలో ఉన్నాడు. పాండ్యా బ్యాట్​తో రాణిస్తాడని అంతా అనుకున్నారు. బౌలింగ్​తో ఫర్వాలేదనేలా పెర్ఫార్మ్ చేసినా చాలని భావించారు. అతడిపై పెద్దగా అంచనాలు లేవు. కానీ అతడు బంతితో మ్యాజిక్ చేస్తున్నాడు. ఇలాంటోడే జట్టుకు కావాలి. హార్దిక్​తో పాటు రిషబ్ పంత్ గురించి కూడా చెప్పాలి. రీఎంట్రీలో ఇంత బాగా ఆడటం మామూలు విషయం కాదు. రెగ్యులర్​గా కోహ్లీ ఆడే మూడో నంబర్​లో దిగుతూ అతడు మ్యాచ్ విన్నింగ్ నాక్స్ ఆడుతున్నాడు. ఆ స్పాట్​లో సంజూ శాంసన్ ఆడతాడని అనుకుంటే ఆ ఛాన్స్​ను పంత్ కొట్టేశాడు. పంత్ ఆ ప్లేస్​లో ఆడటం వల్ల రైట్-లెఫ్ట్ కాంబో కూడా సెట్ అయింది’ అని భజ్జీ చెప్పుకొచ్చాడు.

• ఇదీ చదవండి: హార్దిక్ కాదు.. కెప్టెన్సీలో రోహిత్​ వారసుడు అతడే: మాజీ క్రికెటర్

Harbhajan Singh “The biggest positive is that Hardik Pandya took the wicket. He was the fourth bowler in this tournament. But if you look at his wicket tally, he has done much better than what was expected of him.”pic.twitter.com/iNNOnYE4VM

— Sujeet Suman (@sujeetsuman1991) June 17, 2024