దేశంలో కొందరు దుర్మార్గులు రెచ్చిపోయి ప్రవర్తిస్తున్నారు. అభం శుభం తెలియని చిన్నారులపై దారుణాలకు పాల్పడుతున్నారు. అత్యాచారం చేయడం, ఆపై హత్య చేయడం వంటి ఘటనలు మనం రోజూ చూస్తూనే ఉన్నాం. ఇదిలా ఉంటే.. ఉత్తర్ ప్రదేశ్ లో ఓ యువకుడు దారుణానికి ఒడిగట్టాడు. ఏ పాపం ఎరుగని ఓ 5 ఏళ్ల చిన్నారిని ఆ దుండగుడు నేలకేసి కొట్టాడు. ఈ ఘటనలో ఆ బాలుడు అక్కడికక్కడే కొట్టుమిట్టాడుతు ప్రాణాలు కోల్పోయాడు. తాజాగా వెలుగు చూసిన ఈ ఘటన స్థానికంగా సంచలనంగా మారింది. అనంతరం ఈ ఘటనపై కేసు నమోదు చేసుకున్న పోలీసులు నిందితుడిని అరెస్ట్ చేశారు.
పోలీసుల కథనం ప్రకారం.. ఉత్తర్ ప్రదేశ్ మధుర జిల్లా గోవర్థన్ పరిధిలోని గోపాల్ ఘట్ ప్రాంతం. ఇక్కడే ఓ 5 ఏళ్ల బాలుడు సోమవారం తన స్నేహితులతో కలిసి ఆడుకుంటూ కనిపించాడు. ఇదే సమయంలో ఓ గుర్తు తెలియని వ్యక్తి సాధువు వేశంలో అక్కడికి వచ్చి ఆ బాలుడితో మాట్లాడాడు. ఈ క్రమంలోనే ఆ వ్యక్తి కోపంతో ఊగిపోయి ఆ చిన్నారిని బలంగా నేలకేసి కొట్టాడు. ఈ దాడిలో ఆ బాలుడు అక్కడికక్కడే ప్రాణాలు కోల్పోయాడు.
దీంతో స్థానికులు అప్రమత్తమై వెంటనే పోలీసులకు సమాచారం అందించారు. హుటాహుటిన ఘటనా స్థలానికి చేరుకున్న పోలీసులు మరణించిన ఆ చిన్నారి మృతదేహాన్ని స్వాధీనం చేసుకున్నారు. ఇక ఈ విషయం తెలుసుకున్నఆ చిన్నారి తల్లిదండ్రులు గుండెలు పగిలేలా ఏడ్చారు. ఆ తర్వాత మృతుని తల్లిదండ్రుల ఫిర్యాదు మేరకు కేసు నమోదు చేసుకున్న పోలీసులు ఎట్టకేలకు నిందితుడిని అరెస్ట్ చేశారు. తాజాగా వెలుగు చూసిన ఈ ఘటన స్థానికంగా సంచలనంగా మారుతోంది. ఈ ఘటన కారణంగా అక్కడ ఎలాంటి అవాంచనీయ ఘటనలు జరగకుండా పోలీసులు కట్టుదిట్టం చేశారు.
ఇది కూడా చదవండి: ఇన్‌స్టాగ్రామ్‌లో ప్రేమ.. చివరకు విషాదంగా..
