సిల్వర్స్క్రీన్పై కొన్ని క్రేజీ కాంబినేషన్లను మళ్లీ మళ్లీ చూడాలని అభిమానులు కోరుకుంటారు. తమకు ఇష్టమైన హీరో, హీరోయిన్ మళ్లీ కలసి నటిస్తే చూడాలని అనుకుంటారు. అలా ఫ్యాన్స్ చూడాలని కోరుకునే జంటల్లో రెబల్ స్టార్ ప్రభాస్-లేడీ సూపర్స్టార్ నయనతార ఒకటని చెప్పొచ్చు. వీళ్లు కలసి నటించిన చిత్రం ‘యోగి’. వివి వినాయక్ దర్శకత్వంలో తెరకెక్కిన ఈ మూవీ 2007లో విడుదలైంది. సినిమా అంతగా ఆడకపోయినా నయన్-ప్రభాస్ జంట కెమిస్ట్రీకి మంచి మార్కులు పడ్డాయి. అయితే ‘యోగి’ తర్వాత వీళ్లు మళ్లీ కలసి నటించలేదు. ఎట్టకేలకు వీళ్లు మళ్లీ కలసి వెండితెరపై వినోదాన్ని పంచనున్నారు.
హీరో మంచు విష్ణు డ్రీమ్ ప్రాజెక్ట్గా రానున్న సినిమా ‘కన్నప్ప’. ఈ ఫిల్మ్కు సంబంధించిన పనులు శరవేగంగా జరుగుతున్నాయి. స్టార్ ప్లస్ ఛానల్లో ప్రసారమైన ‘మహా భారత్’ సిరీస్ను తెరకెక్కించిన ముఖేష్ కుమార్ సింగ్ ‘కన్నప్ప’ను డైరెక్ట్ చేయనున్నారు. ఈ చిత్రంలో ప్రభాస్ శివుడిగా కనిపించనున్నారు. ఈ విషయాన్ని మంచు విష్ణు ఇప్పటికే పరోక్షంగా కన్ఫర్మ్ చేశారు. అయితే ఈ భారీ ప్రాజెక్ట్లో స్టార్ హీరోయిన్ నయనతార కూడా భాగం కానున్నారని తెలిసింది. వరుస చిత్రాలతో అలరిస్తున్న నయన్ ‘కన్నప్ప’ మూవీలో ఒక కీలకపాత్రలో కనిపించనున్నారట. ఇందులో నయనతార నటిస్తున్నారనే విషయాన్ని సీనియర్ నటి మధుబాల కన్ఫర్మ్ చేశారు.
‘నేను త్వరలోనే ‘కన్నప్ప’ మూవీ చేయనున్నాను. ఈ సినిమాలో ప్రభాస్, నయనతార కూడా ఉన్నారు’ అని ఒక వీడియోలో మధుబాలు చెప్పుకొచ్చారు. దీంతో 16 ఏళ్ల భారీ గ్యాప్ తర్వాత ఈ జోడీ మరోమారు తెర మీద కనిపించనుందని ఫ్యాన్స్ సంతోషిస్తున్నారు. ‘కన్నప్ప’లో ప్రభాస్, నయన్లు శివపార్వతులుగా కనిపించనున్నారని టాక్. ఈ మూవీలో హీరోయిన్గా తొలుత నుపుర్ సనన్ను సెలెక్ట్ చేశారు. కానీ డేట్స్ సర్దుబాటు కాకపోవడంతో ఆమె ఈ ప్రాజెక్ట్ నుంచి వైదొలిగారు. ఈ మూవీ షూటింగ్ మొత్తం న్యూజిలాండ్లోనే జరపనున్నారు. సింగిల్ షెడ్యూల్లో దీన్ని పూర్తి చేయనున్నట్లు మంచు విష్ణు ఇప్పటికే ప్రకటించారు. భారీ బడ్జెట్తో పాన్ ఇండియా లెవల్లో రానున్న ఈ సినిమాను ప్రముఖ నటుడు మోహన్ బాబు నిర్మిస్తున్నారు.
ఇదీ చదవండి: కంగనా గన్మెన్స్పై లారెన్స్ ఇంట్రెస్టింగ్ కామెంట్స్!
Actress Madhubala confirms Prabhas and Nayanthara being part of #Kannappa ❤
We’re gonna witness this pair after 16 years 🛐#Nayanthara #Prabhas pic.twitter.com/BsID28kYEI
— N’cafe 💫 (@NayanCafe) September 23, 2023
