Nidhan
ఐపీఎల్-2024లో మరో ఇంట్రెస్టింగ్ ఫైట్ కోసం ఆడియెన్స్ ఎదురు చూస్తున్నారు. తొలి మ్యాచ్లో విక్టరీ సాధించి ఊపు మీదున్న రాజస్థాన్, బోణీ కొట్టేందుకు తహతహలాడుతున్న ఢిల్లీ మధ్య మ్యాచ్కు సర్వం సిద్ధమైంది.
ఐపీఎల్-2024లో మరో ఇంట్రెస్టింగ్ ఫైట్ కోసం ఆడియెన్స్ ఎదురు చూస్తున్నారు. తొలి మ్యాచ్లో విక్టరీ సాధించి ఊపు మీదున్న రాజస్థాన్, బోణీ కొట్టేందుకు తహతహలాడుతున్న ఢిల్లీ మధ్య మ్యాచ్కు సర్వం సిద్ధమైంది.
Nidhan
ఐపీఎల్-2024లో మరో ఇంట్రెస్టింగ్ ఫైట్కు అంతా రెడీ అయింది. తొలి మ్యాచ్లో విక్టరీ సాధించి ఊపు మీదున్న రాజస్థాన్ రాయల్స్, బోణీ కొట్టేందుకు తహతహలాడుతున్న ఢిల్లీ క్యాపిటల్స్ మధ్య మ్యాచ్కు సర్వం సిద్ధమైంది. విజయాల జోరును కొనసాగించాలని సంజూ సేన చూస్తోంది. ఈ మ్యాచ్తోనైనా ఖాతా తెరవాలని పంత్ టీమ్ భావిస్తోంది. దీంతో ఈ మ్యాచ్లో టఫ్ కాంపిటీషన్ తప్పేలా కనిపించడం లేదు. సవాయ్ మాన్సింగ్ ఇండోర్ స్టేడియంలో గురువారం జరగనున్న ఈ మ్యాచ్లో ఏయే టీమ్స్ బలాబలాలు ఎలా ఉన్నాయి? ప్లేయింగ్ ఎలెవన్ ఎలా ఉండబోతోంది? ఎవరు గెలిచే అవకాశం ఉందో ఇప్పుడు తెలుసుకుందాం..
లక్నో సూపర్ జెయింట్స్తో జరిగిన తొలి మ్యాచ్లో నెగ్గిన రాజస్థాన్ ఈ సీజన్ను పాజిటివ్గా స్టార్ట్ చేసింది. ఆ మ్యాచ్లో కెప్టెన్ సంజూ శాంసన్ బ్యాట్తో రఫ్ఫాడించాడు. 52 బంతుల్లో 82 పరుగులు చేసి నాటౌట్గా నిలిచాడు. రియాన్ పరాగ్ (29 బంతుల్లో 43) కూడా తన బ్యాట్ పవర్ చూపించాడు. ఓపెనర్ యశస్వి జైస్వాల్ (12 బంతుల్లో 21) క్విక్ స్టార్ట్ అందించాడు. ఆ మ్యాచ్లో ఫెయిలైన మరో ఓపెనర జాస్ బట్లర్, హార్డ్ హిట్టర్ షిమ్రాన్ హిట్మెయిర్ సత్తా చాటేందుకు సిద్ధంగా ఉన్నారు. ఫామ్లో ఉన్న ధృవ్ జురెల్ రూపంలో మరో క్వాలిటీ బ్యాటర్తో రాజస్థాన్ బ్యాటింగ్ దుర్బేధ్యంగా కనిపిస్తోంది. ట్రెంట్ బౌల్ట్, అశ్విన్, చాహల్, సందీప్ శర్మతో కూడిన ఎక్స్పీరియెన్స్డ్ బౌలింగ్ యూనిట్ రాయల్స్కు బిగ్ ప్లస్ అనే చెప్పాలి. అయితే స్పీడ్స్టర్ బర్గర్ ధారాళంగా పరుగులు ఇచ్చుకోవడం, బట్లర్ పూర్ ఫామ్ ఆ టీమ్కు మైనస్గా మారింది.
ఢిల్లీ క్యాపిటల్స్ అతిపెద్ద బలం ఆ టీమ్ కెప్టెన్ రిషబ్ పంత్. రెండేళ్ల తర్వాత కమ్బ్యాక్ ఇచ్చిన పంత్.. ఫస్ట్ మ్యాచ్లో 18 పరుగులే చేశాడు. కానీ మంచి టచ్లో కనిపించాడు. కీపింగ్లోనూ అతడి కదలికలు అద్భుతంగా ఉన్నాయి. టీమ్ను నడిపిస్తున్న తీరు కూడా బాగుంది. పంజాబ్తో మ్యాచ్లో ఓడిపోయినా ఢిల్లీ పోరాడిన తీరును మెచ్చుకోవాలి. వార్నర్, మార్ష్ రూపంలో మంచి ఓపెనింగ్ జోడీ ఉండటం ఆ టీమ్కు బిగ్ ప్లస్. పంత్తో పాటు హోప్ కూడా టచ్లో ఉండటం కలిసొచ్చే అంశం. కొత్త కుర్రాడు అభిషేక్ పోరెల్ హార్డ్ హిట్టింగ్తో ప్రత్యర్థులను భయపెడుతున్నాడు. అయితే రికీ భుయ్, స్టబ్స్ ఫామ్లో లేకపోవడం మైనస్ పాయింట్. బిగ్ ఇన్నింగ్స్తో భారీ టార్గెట్ సెట్ చేసే బ్యాటర్ డీసీలో కనిపించడం లేదు. బౌలింగ్లో కుల్దీప్ యాదవ్ తప్ప అందరూ తొలి మ్యాచ్లో తేలిపోయారు. ఖలీల్ అహ్మద్ 2 వికెట్లు తీసినా భారీగా పరుగులు ఇచ్చుకున్నాడు.
రెండు జట్ల బలాబలాలను బట్టి చూస్తే.. ఈ మ్యాచ్లో రాజస్థాన్ విజయం సాధించడం తథ్యం. ఈ ఇరు టీమ్స్ మధ్య ఇప్పటిదాకా 27 మ్యాచ్లు జరిగాయి. 13 మ్యాచుల్లో డీసీ, 14 మ్యాచుల్లో ఆర్ఆర్ నెగ్గాయి. అయితే రాజస్థాన్ మంచి ఊపులో ఉండటం, ఆ టీమ్కు పెద్దగా మైనస్లు లేకపోవడం, హోమ్ గ్రౌండ్లో మ్యాచ్ జరుగుతుండటం, డీసీ టీమ్ ఇంకా సెటిల్ కాకపోవడం దృష్ట్యా ఈ మ్యాచ్లో రాజస్థాన్ గెలవడం ఖాయం.
రాజస్థాన్:
జాస్ బట్లర్, యశస్వి జైస్వాల్, సంజూ శాంసన్ (కెప్టెన్ & వికెట్ కీపర్), రియాన్ పరాగ్, షిమ్రాన్ హెట్మెయిర్, ధృవ్ జురెల్, రవిచంద్రన్ అశ్విన్, ట్రెంట్ బౌల్ట్, సందీప్ శర్మ, అవేష్ ఖాన్, యుజ్వేంద్ర చాహల్.
ఢిల్లీ:
డేవిడ్ వార్నర్, పృథ్వీ షా, మిచెల్ మార్ష్, రిషబ్ పంత్ (కెప్టెన్ & వికెట్ కీపర్), ట్రిస్టన్ స్టబ్స్, అభిషేక్ పోరెల్, అక్షర్ పటేల్, కుల్దీప్ యాదవ్, ముకేశ్ కుమార్, అన్రిచ్ నార్త్జే, ఖలీల్ అహ్మద్.
ఇదీ చదవండి: రోహిత్ నామ స్మరణతో ఊగిపోతున్న ఉప్పల్ స్టేడియం! హార్దిక్ కి మళ్ళీ చుక్కలే!
