భారత క్రికెట్ జట్టులో లెఫ్టాండర్ల కొరత ఎక్కువగా ఉంది. రవీంద్ర జడేజా, రిషబ్ పంత్ తప్ప టీమ్లో నిఖార్సయిన ఎడమ చేతి బ్యాటర్ మరొకరు లేరు. ఇషాన్ కిషాన్ లాంటి యంగ్ ప్లేయర్ ఉన్నా.. అతడు పర్మినెంట్ ప్లేయర్ కాదు. మరింతగా రాటుదేలి, బెస్ట్ పెర్ఫార్మెన్స్ ఇస్తే తప్ప అతడి స్థానం పక్కా అని చెప్పలేం. గాయం నుంచి కోలుకుంటున్న రిషబ్ పంత్ ఎప్పుడు రీఎంట్రీ ఇస్తాడో చెప్పలేని పరిస్థితి. అందుకే మంచి లెఫ్టాండర్ బ్యాటర్ల కోసం సెలెక్టర్లు అన్వేషణ ఆరంభించారు. అలాంటి టైమ్లో వాళ్లకు దొరికిన ఆణిముత్యమే యశస్వి జైస్వాల్. ఫస్ట్క్లాస్ క్రికెట్లో అదరగొట్టిన ఈ యువ సంచలనం.. ఈ ఏడాది ఐపీఎల్లోనూ తన సత్తా చాటాడు.
ఐపీఎల్ పెర్ఫార్మెన్స్తో టీమిండియా తలుపులు తట్టిన జైస్వాల్కు వెస్టిండీస్తో టెస్ట్ సిరీస్లో ఆడే ఛాన్స్ దక్కింది. కరీబియన్ టీమ్తో ముగిసిన ఫస్ట్ టెస్టులో ఓపెనర్గా బరిలోకి దిగిన జైస్వాల్ విజృంభించి ఆడాడు. డెబ్యూ మ్యాచ్లోనే ఏకంగా సెంచరీతో అదరగొట్టి ఔరా అనిపించాడు. అతడి బ్యాటిగ్ స్టైల్, ఓపిక, షాట్ సెలెక్షన్ను అందరూ మెచ్చుకుంటున్నారు. భారత ఫ్యూచర్ స్టార్ జైస్వాల్ అని అంటున్నారు. అలాంటి యశస్వి జైస్వాల్కు సంబంధించి సోషల్ మీడియాలో ఒక వార్త చక్కర్లు కొడుతోంది. ఈ యువ ఓపెనర్ ఒక తెలుగు సినిమాలో నటించాడంటూ మీమ్స్ పెద్ద ఎత్తున వైరల్ అవుతున్నాయి.
టాలీవుడ్ మాస్ మహారాజా రవితేజ యాక్ట్ చేసిన సూపర్ హిట్ మూవీ ‘విక్రమార్కుడు’. స్టార్ డైరెక్టర్ రాజమౌళి రూపొందించిన ఈ మూవీ అప్పట్లో బాక్సాఫీస్ను షేక్ చేసిన విషయం విదితమే. అయితే ఇందులో ఒక సీన్లో అచ్చం యశస్వి జైస్వాల్లాగే ఒక చైల్డ్ ఆర్టిస్ట్ ఉంటాడు. అది కూడా క్రికెట్ ఆడుతున్న సన్నివేశం కావడంతో అందరూ చిన్నప్పటి ఆ సీన్లో ఉన్నది జైస్వాలేనని నెట్టింట వైరల్ చేస్తున్నారు. ‘విక్రమార్కుడు’లోని చైల్డ్ ఆర్టిస్ట్కు, జైస్వాల్కు పోలికలు ఉండటంతో నెటిజన్స్ మీమ్స్ చేస్తున్నారు. ఏ సత్తి బాల్ లోపలికి వచ్చిందా అనే డైలాగ్ చెప్పే పిల్లాడికి జైస్వాల్కు దగ్గరి పోలికలు ఉండటంతో అలా కంపారిజన్ చేస్తున్నారు. వాస్తవానికి ఉత్తరప్రదేశ్కు చెందిన జైస్వాల్ ఏ టాలీవుడ్ సినిమాలోనూ నటించలేదు.
Vikramarkudu lo vunnadhi @ybj_19 e antara #IPL2023 #IPL pic.twitter.com/nqJ8OiCHD4
— Prasad (@PrasadAGVR) May 13, 2023
