వన్డే వరల్డ్ కప్-2023లో ఆస్ట్రేలియాకు ఏదీ కలసిరావడం లేదు. ఐదుసార్లు ప్రపంచ ఛాంపియన్ అయిన ఆ టీమ్ను వరుసగా రెండు పరాజయాలు పలకరించాయి. మెగా టోర్నీల్లో ఫేవరెట్స్లో ఒకటిగా బరిలోకి దిగిన కంగారూలను మొదటి మ్యాచ్లో టీమిండియా కంగారు పెట్టింది. భారత బౌలర్ల దెబ్బకు ఆ జట్టు 199 రన్స్కే ఆలౌటైంది. ఛేజింగ్లో ముగ్గురు ఇండియన్ బ్యాట్స్మెన్ను వెంట వెంటనే ఔట్ చేసినా.. విరాట్ కోహ్లీ, కేఎల్ రాహుల్ దెబ్బకు కంగారూలు తోకముడిచారు. ఆ మ్యాచ్లో భారత్ 6 వికెట్ల తేడాతో విజయం సాధించింది. ఫస్ట్ మ్యాచ్లో కాస్త ఫైట్ చేసిన ఆసీస్.. సౌతాఫ్రికాతో మ్యాచ్లోనైతే పూర్తిగా చేతులెత్తేసింది.
సఫారీలతో మ్యాచ్లో ఏకంగా 134 రన్స్ తేడాతో ఆసీస్ ఓటమి పాలైంది. ఆ మ్యాచ్లో బౌలింగ్, బ్యాటింగ్తో పాటు ఫీల్డింగ్లోనూ కమిన్స్ సేన దారుణంగా ఫెయిలైంది. గ్రౌండ్ ఫీల్డింగ్ లోపాలతో పాటు క్యాచింగ్ మిస్టేక్స్ ఆ టీమ్కు శాపంగా మారాయి. ఇక ఈ మ్యాచ్లో ఆసీస్ ఇన్నింగ్స్ టైమ్లో డ్రెస్సింగ్ రూమ్లో గ్లెన్ మ్యాక్స్వెల్ సిగరెట్ తాగుతూ కనిపించిన సీన్స్ నెట్టింట వైరల్ అవుతున్నాయి. ఇదిలా ఉంటే.. వరుసగా రెండు మ్యాచుల్లో ఓడిపోవడంపై ఆసీస్ ప్యాట్ కమిన్స్ తనదైన శైలిలో స్పందించాడు. టాస్తో సంబంధం లేకుండా ఫస్ట్ బ్యాటింగ్ చేసినా లేదా బౌలింగ్ చేసినా గెలిచే మార్గాన్ని త్వరగా కనుగొంటామన్నాడు. రిజల్ట్ గురించి ఎక్కువగా ఆలోచించాల్సిన అవసరం లేదన్నాడు ప్యాట్ కమిన్స్.
గత రెండు మ్యాచుల్లో సరిగ్గా ఆడలేకపోయామని, అందుకు జట్టులోని ప్రతి ఒక్కరూ బాధపడుతున్నారని తెలిపాడు కమిన్స్. నెక్స్ట్ మ్యాచ్కు కొంత రెస్ట్ దొరికిందన్నాడు. మొదటి రెండు మ్యాచుల్లో చేసిన మిస్టేక్స్ను మెరుగుపర్చుకొని నేలకు కొట్టిన బంతిలా పుంజుకుంటామని కమిన్స్ చెప్పుకొచ్చాడు. భారత్, సౌతాఫ్రికాపై భారీ ఓటములకు ఏం సమాధానం చెబుతారని ఒక జర్నలిస్ట్ కమిన్స్ను క్వశ్చన్ చేశాడు. దీంతో ఆసీస్ కెప్టెన్ స్పందిస్తూ.. ‘దీనికి పాకిస్థాన్ భారీ మూల్యం చెల్లించుకుంటుంది’ అని జోక్ చేశాడు. కమిన్స్ జోక్కు అక్కడ ఉన్నవారంతా నవ్వుకున్నారు. నాలుగో మ్యాచ్లో పాక్తో తలపడనుంది ఆసీస్. ఆ మ్యాచ్లో బాబర్ సేనను చిత్తు చేస్తామనే ఉద్దేశంతోనే కమిన్స్ ఈ కామెంట్ చేశాడని సోషల్ మీడియాలో నెటిజన్స్ అంటున్నారు. అయితే పాక్ ఫ్యాన్స్ మాత్రం పరువు తీసేందుకు తమ టీమే దొరికిందా అని సీరియస్ అవుతున్నారు.
ఇదీ చదవండి: ఔటయ్యాక మ్యాక్స్వెల్ వింత పని! వైరల్ అవుతున్న వీడియో!
View this post on Instagram
