రెండేళ్ల తర్వాత OTT లోకి వచ్చిన ఫీల్ గుడ్ మూవీ.. స్ట్రీమింగ్ ఎక్కడంటే!

ఇప్పుడు ఓటీటీ లకు పెరుగుతున్నా ఆదరణ వలనో ఏమో తెలియదు కానీ.. ఈ మధ్య కాలంలో మాత్రం థియేటర్ లో రిలీజ్ అయినా కొత్త సినిమాలతో పాటు.. కొన్ని నెలలు సంవత్సరాలు క్రితం రిలీజ్ అయినా సినిమాలు కూడా ఓటీటీ లో ఎంట్రీ ఇస్తున్నాయి. ఈ క్రమంలోనే ఓ తెలుగు కామెడీ సినిమా థియేటర్ లో రిలీజ్ అయినా రెండేళ్ల తర్వాత ఓటీటీ లోకి వచ్చింది. ఇక ఈ మధ్య కాలంలో ఓ మంచి కామెడీ సినిమా వచ్చి చాలా కాలమే అయింది కాబట్టి.. ఈ వీకెండ్ ఈ సినిమా బెస్ట్ ఛాయస్ అని చెప్పేయొచ్చు. మరి ఈ సినిమా ఏంటి .. ఎక్కడ స్ట్రీమింగ్ అవుతుంది అనే విషయాలను చూసేద్దాం.

ఈ సినిమా పేరు “విందు భోజనం“. ఈ సినిమాకు కార్తీక్ దర్శకత్వం వహించారు. కాగా ఈ సినిమాలో అఖిల్ రాజ్, ఐశ్వర్య హాళ్ళక్కల్ హీరో హీరోయిన్స్ గా నటించారు. 2022 లో ఈ సినిమా థియేటర్స్ లో అయింది. రిలీజ్ కు ముందు ట్రైలర్, టీజర్ ఈ సినిమాపై ఆసక్తి కలిగించినా కానీ రిలీజ్ తర్వాత మాత్రం ఎందుకో ఈ సినిమా.. కమర్షియల్ గా ఆకట్టుకోలేకపోయింది. మరి అప్పటినుంచి ఇప్పటివరకు ఈ సినిమా ఎందుకు ఓటీటీ లో రిలీజ్ చేయలేదో తెలియదు కానీ.. ఎట్టకేలకు రెండేళ్ల తర్వాత ఈ సినిమా ఓటీటీ లోకి వచ్చేసింది. ఈ సినిమా జూన్ 28 నుంచి ప్రముఖ ఓటీటీ ప్లాట్ ఫార్మ్ ఆహాలో స్ట్రీమింగ్ అవుతుంది. కాబట్టి ఈ వీకెండ్ ఎంచక్కా ఫ్యామిలీతో కలిసి ఈ కామెడీ సినిమాను చూసేయండి.

ఇక ఈ సినిమా కథ విషయానికొస్తే.. ఈ సినిమా అఖిల్ రాజ్ ఓ చెఫ్.. తన తండ్రి కట్టించిన హోటల్ లోనే చెఫ్ గా వర్క్ చేస్తూ ఉంటాడు. అయితే ఆ హోటల్ ను అతని తమ్ముడు అమ్మేయాలని చూస్తూ ఉంటాడు. కానీ అఖిల్ మాత్రం దానికి ఒప్పుకోడు. తన తండ్రి ఇచ్చిన మాటకు కట్టుబడి .. ఆ హోటల్ ను తనే రన్ చేయాలనీ అనుకుంటాడు. మరి వీరిద్దరిలో ఎవరి మాట నెగ్గుతుంది. అన్నదమ్ములు ఇద్దరిలో గెలుపు ఎవరిదీ ! ఈ క్రమంలో హీరో ప్రేమ వ్యవహారం ఎలా మొదలవుతుంది ! ప్రేమలోఅతను గెలుస్తాడా లేదా! ప్రేమతో పాటు అతను హోటల్ ను ఎలా కాపాడుకుంటాడు ! ఇవన్నీ తెలియాలంటే ఈ సినిమాను చూడాల్సిందే. థియేటర్ లో ఈ సినిమా ప్రేక్షకులను మెప్పించలేకపోయినా కూడా.. ఇప్పుడు ఓటీటీ ప్రేక్షకులను మాత్రం ఈజీగా మెప్పించేస్తుందని చెప్పి తీరాలి. మరి ఈ సినిమాపై మీ అభిప్రాయాలను కామెంట్స్ రూపంలో తెలియజేయండి.