పవర్స్టార్ 25వ చిత్రం ‘అజ్ఞాతవాసి’ ప్రేక్ష‌కుల ముందుకు వ‌చ్చేందుకు ఇక వార‌మే స‌మ‌య‌మున్న నేప‌థ్యంలో ఇప్ప‌టికే పవన్ మేనియా ఊపేస్తోంది. డిసెంబ‌ర్ 31న కొత్త సంవ‌త్స‌రం కానుక‌గా విడుద‌లైన ‘కొడ‌కా… కోటేశ్వ‌ర‌రావు’ పాట విన్నాక మెగాభిమానుల సంతోషానికి అవ‌ధులేలేవ‌ని చెప్పాలి. ఈ పాట‌ను ప‌వ‌న్‌కల్యాణ్ స్వ‌యంగా పాడ‌టం విశేషం. ఇప్పుడు తెలుగు రాష్ట్రాల్లో ఎక్క‌డ చూసినా సెల్‌ఫోన్ల‌లో ఇదేపాట మారుమోగుతోందంటే ఈ పాట యూత్‌లోకి ఎలా వెళ్లిపోయిందో అర్థం చేసుకోవ‌చ్చు.
ఇదిలా ఉండ‌గా పవర్స్టార్, మాటల మాంత్రికుడు త్రివిక్రమ్ క్రేజీ కాంబినేషన్‌లో రూపొందిన ‘అజ్ఞాతవాసి’ సినిమా సెన్సార్ కార్యక్రమాలు పూర్తి చేసుకుంది. దీనికి ‘యూ/ఏ’ సర్టిఫికెట్ జారీచేశారు. సో… జనవరి 10 న పవన్ సంద‌డిని చూసేందుకు ఇక ఏ అడ్డంకులూ లేన‌ట్టేన‌న్న‌మాట. సంక్రాంతి బ‌రిలోకి దిగుతున్న ఈ సినిమాలో పవన్ సరసన కీర్తి సురేష్, అనూ ఇమ్మాన్యుయేల్ నటిస్తుండగా సీనియర్ నటి కుష్బూ ముఖ్యపాత్రలో నటిస్తున్న విష‌యం తెలిసిందే..!
