ఓటిటి ప్రేక్షకులకు ప్రతీ వారం పండగే అవుతుంది. ఎప్పటిలాగే ఈ వారం కూడా కొత్త సినిమాలు, వెబ్ సిరీసులు స్ట్రీమింగ్ కి రెడీ అయిపోయాయి. సంఖ్య పరంగా గతవారాల కంటే కాస్త తక్కువ అయినప్పటికీ.. చాలా ఇంటరెస్టింగ్ సినిమాలు, సిరీసులు వస్తున్నాయి. మిమ్మల్ని అలరించడంలో ఏమాత్రం తగ్గకుండా ఓటిటి వేదికలు సిద్ధం అవుతున్నాయి. అయితే.. ఇంతకుముందులా కాకుండా ఓటిటి సినిమాలు ఫ్రై డే రూల్ పాటించకుండా.. మధ్యలోను రిలీజ్ చేస్తున్నాయి. కాబట్టి.. మీరు కోరుకునే ఎంటర్టైన్మెంట్ కి ఎటువంటి భంగం కలిగే ఛాన్స్ లేదు. అలాగని ఫ్రైడే వరకు కొత్త సినిమాల కోసం వెయిట్ చేసే అవసరం మీకు కూడా లేదు.
ఇక ఆల్రెడీ ఉన్న పాపులర్ ఓటిటి వేదికలతో పాటు పలు కొత్త ఓటిటిలు సైతం కొత్త సినిమాలు తీసుకొచ్చే ప్రయత్నం చేస్తున్నాయి. ఈ వారం క్రేజ్ పరంగా ఆడియన్స్ ఎక్కువగా వెయిట్ చేస్తున్న మూవీస్ లో స్పైడర్ మ్యాన్: అక్రాస్ ది స్పైడర్ వరల్డ్.. ఇది యానిమేషన్ మూవీ అయినా.. స్పైడర్ మ్యాన్ సిరీస్ లకు ఉన్న ఫ్యాన్ ఫాలోయింగ్ అలాంటిది. అలాగే క్రేజీ పెయిర్ వరుణ్ ధావన్, జాన్వీ కపూర్ జంటగా నటించిన బవాల్ కూడా ఈ వారమే స్ట్రీమింగ్ కాబోతుంది. ఇక డైరెక్ట్ తెలుగు సినిమాలు అయితే.. డిజిటల్ స్ట్రీమింగ్ కి ఇప్పటికైతే ఖరారు కాలేదు. మరి ఈ వారం ఓటిటిలో సందడి చేయనున్న మూవీస్ ఏంటో చూద్దాం!
