Nidhan
Sandeep Reddy Vanga: డాషింగ్ డైరెక్టర్ సందీప్ రెడ్డి వంగా ‘స్పిరిట్’ మూవీ పనుల్లో బిజీగా ఉన్నారు. పాన్ ఇండియా స్టార్ ప్రభాస్ హీరోగా రూపొందుతున్న ఈ చిత్రంపై సందీప్ అంచనాలు పెంచేశారు.
Sandeep Reddy Vanga: డాషింగ్ డైరెక్టర్ సందీప్ రెడ్డి వంగా ‘స్పిరిట్’ మూవీ పనుల్లో బిజీగా ఉన్నారు. పాన్ ఇండియా స్టార్ ప్రభాస్ హీరోగా రూపొందుతున్న ఈ చిత్రంపై సందీప్ అంచనాలు పెంచేశారు.
Nidhan
పాన్ ఇండియా స్టార్ ప్రభాస్ ఇప్పుడు ఫుల్ జోష్లో ఉన్నారు. ఆయన లేటెస్ట్ ఫిల్మ్ ‘కల్కి 2898 ఏడీ’ బ్లాక్బస్టర్ హిట్ అయింది. ఈ చిత్రంతో రూ.1,000 కోట్ల క్లబ్లోకి అడుగుపెట్టారు ప్రభాస్. ‘బాహుబలి 2’ తర్వాత మళ్లీ ఆ రేంజ్ సక్సెస్ను ‘కల్కి’తో చూశారాయన. వెయ్యి కోట్ల మార్క్ను అందుకోవడం రెబల్ స్టార్ కెరీర్లో ఇది రెండోసారి కావడం విశేషం. ఈ ఫిల్మ్ రిలీజై రెండు వారాలైనా బాక్సాఫీస్ వద్ద ఇంకా హవా అలాగే నడుస్తోంది. నాగ్ అశ్విన్ మేకింగ్, ప్రభాస్తో పాటు అమితాబ్, దీపికా, కమల్ హాసన్ నటన, విజువల్ ఎఫెక్ట్స్, మహాభారతం ఎపిసోడ్స్ సినిమాను మళ్లీ మళ్లీ చూసేలా చేస్తున్నాయి. ‘కల్కి’ ఊహించని విజయం సాధించడంతో నెక్స్ట్ ఫిల్మ్పై ప్రభాస్ ఫోకస్ పెడుతున్నారు.
మారుతి తీస్తున్న ‘రాజాసాబ్’, ప్రశాంత్ నీల్తో ‘సలార్ 2’తో పాటు హను రాఘవపూడితో ఓ సినిమాకు ప్రభాస్ కమిట్ అయ్యారు. అలాగే డాషింగ్ డైరెక్టర్ సందీప్ రెడ్డి వంగాతో ‘స్పిరిట్’ అనే ఫిల్మ్ను కూడా పైప్లైన్లో ఉంచారు రెబల్ స్టార్. ఈ సినిమా పనులతో సందీప్ వంగా బిజీగా ఉన్నారు. ఇందులో ప్రభాస్ను ఢీకొట్టే విలన్ పాత్రలో ప్రముఖ కొరియన్ నటుడు డాంగ్ సూక్ (డాన్ లీ) కనిపించబోతున్నారని సమాచారం. ‘ద ఔట్ లాస్’, ‘ద రౌండప్’ వంటి సూపర్ హిట్స్తో వరల్డ్ వైడ్ క్రేజ్ తెచ్చుకున్న డాన్ లీ గనుక ‘స్పిరిట్’లో నటిస్తే ఈ ప్రాజెక్ట్కు ఇంటర్నేషనల్ వైడ్గా క్రేజ్ రావడం ఖాయమని చెప్పొచ్చు. ఇలా ఎక్స్పెక్టేషన్స్ పెరిగిపోతున్న ‘స్పిరిట్’పై డైరెక్టర్ సందీప్ వంగా మరిన్ని అంచనాలు పెంచేశారు. ఇది తన కెరీర్లో బెస్ట్ ఫిల్మ్ అన్నారు.
‘నా కెరీర్లో ‘యానిమల్’ బెస్ట్ ఫిల్మ్ అని అంతా అంటున్నారు. కానీ నా బెస్ట్ వర్క్ ఏంటో ‘స్పిరిట్’ మూవీతో అందరికీ చూపిస్తా’ అని సందీప్ రెడ్డి వంగా అన్నారు. సందీప్ వంగా చేసిన కామెంట్స్తో ప్రభాస్ సినిమాపై అంచనాలు మరింతగా పెరిగిపోయాయి. ‘అర్జున్ రెడ్డి’తో ఇండస్ట్రీకి పరిచయమైన సందీప్ వంగా మొదటి చిత్రంతోనే బ్లాక్బస్టర్ హిట్ కొట్టారు. ఆ తర్వాత బాలీవుడ్లో అదే మూవీని ‘కబీర్ సింగ్’గా రీమేక్ చేసి మళ్లీ సక్సెస్ను అందుకున్నారు. ఆ తర్వాత హిందీ సూపర్ స్టార్ రణ్బీర్ కపూర్తో ‘యానిమల్’ తీసి సూపర్డూపర్ హిట్ కొట్టారు. దీంతో జోష్లో ఉన్న సందీప్ వంగా ప్రభాస్తో ‘స్పిరిట్’ మూవీ తీస్తున్నారు. భారీగా ఎక్స్పెక్టేషన్స్ ఉన్న ఈ సినిమా తన కెరీర్లో బెస్ట్ అని డైరెక్టర్ అనడంతో ప్రభాస్ ఫ్యాన్స్కు ఫుల్ మీల్స్ అని సోషల్ మీడియాలో నెటిజన్స్ అంటున్నారు. రెబల్ స్టార్కు ఇంకో రూ.1,000 కోట్ల చిత్రం లోడింగ్ అని చెబుతున్నారు. మరి.. ‘స్పిరిట్’ కోసం మీరెంతగా ఎదురు చూస్తున్నారో కామెంట్ చేయండి.
View this post on Instagram
