రెండు సినిమాలతో మెగా పవర్ స్టార్ రామ్ చరణ్ కెరీర్ నెక్స్ట్ లెవల్కు వెళ్లిపోయింది. ‘రంగస్థలం’, ‘ఆర్ఆర్ఆర్’ సినిమాలు చెర్రీ ఇమేజ్ను ఎంతగానో పెంచాయి. డ్యాన్సులు, ఫైట్లు బాగా చేస్తాడు, డైలాగులు భలేగా చెబుతాడనే పేరున్న చరణ్.. ‘రంగస్థలం’తో మెచ్యూర్డ్ యాక్టర్గా పేరు తెచ్చుకున్నారు. ఆయనలోని అసలైన నటనా పటిమను ఈ సినిమాతో ప్రేక్షక లోకానికి పరిచయం చేశారు. పాత్రలో పరకాయ ప్రవేశం చేసి, అద్భుతంగా నటించే సత్తా తనకు ఉందని ఆయన నిరూపించుకున్నారు. ఇక, ‘ఆర్ఆర్ఆర్’తో తనలోని మరో కోణాన్ని ఆడియెన్స్కు పరిచయం చేశారు చరణ్. సీతారామరాజు క్యారెక్టర్లో చక్కగా ఒదిగిపోయి భావోద్వేగాలను బాగా పలికించారు.
‘ఆర్ఆర్ఆర్’ గ్రాండ్ సక్సెస్ కావడం, ‘నాటు నాటు’ పాటకు ఆస్కార్ అవార్డు రావడంతో చరణ్ గ్లోబల్ స్టార్గా గుర్తింపు తెచ్చుకున్నారు. ప్రస్తుతం ఆయన మెగా డైరెక్టర్ శంకర్ రూపొందిస్తున్న ‘గేమ్ ఛేంజర్’ మూవీలో యాక్ట్ చేస్తున్నారు. రాజకీయ నేపథ్యంలో తెరకెక్కుతున్న ఈ భారీ బడ్జెట్ చిత్రాన్ని టాప్ ప్రొడ్యూసర్ దిల్ రాజు నిర్మిస్తున్నారు. ఈ సినిమా సెట్స్ మీద ఉండగానే ‘ఉప్పెన’ ఫేమ్ బుచ్చిబాబు సాన దర్శకత్వంలో ఒక చిత్రానికి చెర్రీ ఓకే చెప్పారు. ఈ మూవీని ప్రస్తుతం ‘ఆర్సీ16’గా పిలుస్తున్నారు. ప్రీ ప్రొడక్షన్ దశలో ఉన్న ఈ సినిమా గురించి ఆసక్తికర విషయాలు వినిపిస్తున్నాయి. ‘ఆర్సీ16’ కథా చర్చలు, రైటింగ్ పార్ట్ పూర్తయిందని తెలుస్తోంది.
చరణ్తో చేసే చిత్రం కోసం పాన్ ఇండియా స్టార్స్ను రంగంలోకి దింపుతున్నారట దర్శకుడు బుచ్చిబాబు. ఈ సినిమాలో ఓ కీలక పాత్ర కోసం తమిళ స్టార్ నటుడు, మక్కల్ సెల్వన్ విజయ్ సేతుపతిని తీసుకున్నారని సమాచారం. ఆయనతో పాటు ప్రముఖ నటులు జేడీ చక్రవర్తి, సాయిచంద్, సంపత్రాజ్లనూ రంగంలోకి దించుతున్నారట బుచ్చిబాబు. సినిమాలో మరో కీలక పాత్ర కోసం మున్నాభాయ్ను కూడా తీసుకొస్తున్నారట. మున్నాభాయ్ అంటే మరెవరో కాదు.. ‘మీర్జాపూర్’ వెబ్ సిరీస్తో పాపులరైన దివ్యేందు శర్మే. ఈ మూవీకి ఆస్కార్ విన్నింగ్ మ్యూజిక్ డైరెక్టర్ ఏఆర్ రెహమాన్ స్వరాలు సమకూర్చనున్నారని తెలిసింది. ఈ న్యూస్ విన్న చరణ్ ఫ్యాన్స్.. భారీ స్టార్ క్యాస్ట్తో బుచ్చిబాబు పెద్దగానే ప్లాన్ చేశాడని అంటున్నారు.
Story discussion & writing part completed ✅#Vijaysethupathi confirmed for key role #divyendusharma #JDchakravarthi #Sampathraj #Saichand are likely to be roped in for other roles….✅
Shoot starts from January ✅
Music by #ARrehman
Two heroines in the movie ✅… https://t.co/DjgzF6i9uC pic.twitter.com/2rBsHYKbtD
— CineCorn.Com By YoungMantra (@cinecorndotcom) August 24, 2023
