డైరెక్టర్ గా మారబోతున్న నటుడు! ఏకంగా ఆ స్టార్ హీరోతో!

ఎంతో మంది వ్యక్తులు తమ ప్రతిభను నలుగురికి కనబరచాలని.. వారికున్న ఆసక్తితో సినీ ఇండస్ట్రీలో అడుగుపెడతారు. నటులుగా, దర్శకులుగా, క్యారక్టర్ ఆర్టిస్ట్ లుగా, విలన్ లుగా ఇలా ఎటువంటి క్యారక్టర్ నైన చేస్తూ.. ఇదే సినీ ప్రపంచంలో తమ టాలెంట్ ను నిరూపించుకుంటూ ఉంటారు. ఇలా ఇప్పటికే ఎంతో మంది నటీ నటులు తమ ప్రతిభను కనబరుస్తూ ప్రేక్షకుల అభిమానాన్ని పొందుతున్నారు. దర్శకులు అవుదాం అని వచ్చిన వారు హీరోలుగా.. హీరో అవుదాం అని ఇండస్ట్రీలో అడుగుపెట్టిన వారు విల్లన్లుగా ఇలా ఎదో ఒక రకంగా.. రంగుల సినీ ప్రపంచంలోనే వారి జీవితాన్ని గడుపుతున్న వారు ఎంతో మంది ఉన్నారు. అయితే, విలన్ క్యారెక్టర్స్ లో బాగా పేరున్న ఓ నటుడు.. దర్శకుడిగా ఎంట్రీ ఇవ్వనున్నట్లు తాజాగా ఒక వార్త సోషల్ మీడియాలో సందడి చేస్తోంది. మరి ఆ విలన్ పాత్రల చాటున దాగి ఉన్న దర్శకుడు ఎవరో ఏంటో తెలుసుకుందాం.

2005లో దర్శక ధీరుడు రాజమౌళి సృష్టించిన ఓ అద్భుతం.. ప్రభాస్ నటించిన “ఛత్రపతి”. ఇప్పటికి ఈ చిత్రం టీవీలలో వచ్చిందంటే చాలు అందరు టీవీలకు వాళ్ళ కళ్ళు అప్పగించేస్తారు. ఎప్పటికి బోర్ కొట్టించని కథను అందించాడు జక్కన్న. ఈ చిత్రంలో ప్రతి ఒక్కరు వారి క్యారెక్టర్స్ లో జీవించారని చెప్పి తీరాలి. అయితే, ఛత్రపతి సినిమాలో హీరో క్యారక్టర్ కు ఎంత ప్రాముఖ్యత ఉందో.. విలన్ క్యారక్టర్ కు కూడా అంతే ప్రాముఖ్యత ఉంది. ఈ సినిమాలో ఒక విలన్ పాత్రలో నటించిన వ్యక్తి పేరు “సుప్రీత్ రెడ్డి”. ఈ పేరుతో ఎవరు గుర్తుపట్టకపోవచ్చు కానీ.. ఛత్రపతిలో కాట్రాజ్ పాత్ర చేసిన వ్యక్తి అంటే మాత్రం అందరు గుర్తుపట్టేస్తారు. ఎందుకంటే ఆ సినిమాలో ఆయన చూపించిన విలనిజం అలాంటిది. ఆ చిత్రంతో సుప్రీత్ రెడ్డి చాల ఫేమస్ అయిపోయారు. ఆ తర్వాత కూడా పలు సినిమాల్లో విలన్ క్యారెక్టర్స్ చేస్తూ తనకంటూ ప్రత్యేక గుర్తింపును తెచ్చుకున్నారు. కానీ, గత కొంతకాలంగా సుప్రీత్ రెడ్డి సినిమాలకు దూరంగా ఉన్నారు. దానికి కారణం లేకపోలేదు. విలన్ పాత్రల్లో తెర మీద కనిపించే ఈ వ్యక్తి మాటున ఓ దర్శకుడు ఉన్నాడట. ఇప్పుడు కొత్తగా దర్శకుడిగా ఇండస్ట్రీలో తన ప్రయాణాన్ని మొదలుపెట్టనున్నాడట సుప్రీత్.

తాజాగా ఈ వార్త సోషల్ మీడియాలో తెగ తిరిగేస్తోంది. దర్శకులు చెబుతున్నపుడు యాక్టింగ్ చేస్తూ ప్రేక్షకుల అభిమానాన్ని సంపాదించుకుంటారు నటులు. ఇప్పుడు ఏకంగా నటులే దర్శకులైతే ఇక ఆ సినిమాను ఏ రేంజ్ లో చిత్రీకరిస్తారో ప్రత్యేకంగా చెప్పనవసరం లేదు. ఒక కమెడియన్ దర్శకుడిగా మారి సృష్టించిన అద్భుతం “బలగం”. వేణు దర్శకత్వంలో వచ్చిన ఈ సినిమా ఎంత హిట్ అయిందో చూశాము. ఇక ఇప్పుడు సుప్రీత్ రెడ్డి ఎటువంటి అద్భుతాన్ని అందిస్తాడో వేచి చూడాలి. ప్రముఖ నిర్మాత సంస్థ యూవీ క్రియేషన్స్ నిర్మిస్తున్న.. సుప్రీత్ రెడ్డి సినిమాపై.. త్వరలోనే అధికారక ప్రకటన రానుంది. ఇప్పటికే ఈ సినిమా కథకు సంబంధించిన చర్చలు కూడా పూర్తయినట్లు సమాచారం. నటి నటుల ఎంపిక కూడా పూర్తయిందట. ఇక సుప్రీత్ ఈ స్టోరీని న్యాచురల్ స్టార్ నానికి వినిపించాడట. మరి నాని ఈ చిత్రాన్ని చేస్తారా, ఇంకా ఎవరెవరు సుప్రీత్ రెడ్డి దర్శకత్వంలో రాబోతున్న చిత్రంలో నటించనున్నారు. ఇలా అన్ని విషయాలు ఇంకా తెలియాల్సి ఉంది. మరి, దర్శకుడిగా న్యూ టర్న్ తీసుకుంటున్న సుప్రీత్ రెడ్డిపై మీ అభిప్రాయాలను కామెంట్స్ రూపంలో తెలియజేయండి.