గోపీచంద్- హర్షా కాంబో భీమా ట్రైలర్ ఎలా ఉందంటే?

మ్యాచోమ్యాన్ గోపీచంద్ కెరీర్ లో ఒక బిగ్గెస్ట్ హిట్ పడబోతున్న సంకేతాలు అయితే గట్టిగానే వస్తున్నాయి. కెరీర్ లో సరైన్ హిట్టు కోసం వెయిట్ చేస్తున్న గోపీచంద్ కు ఏ హర్షా రూపంలో ఆ అవకాశం దక్కినట్లు కనిపిస్తోంది. వీళ్ల కాంబోలో వస్తున్న భీమా మూవీకి సంబంధించి తాజాగా ట్రైలర్ రిలీజ్ చేశారు. ఆ ట్రైలర్ చూస్తే గూస్ బంప్స్ రావాల్సిందే. పురాణాలు, తాంత్రిక శక్తులు, మహాకాళుడు, పరశురాముడు అంటూ ఇతిహాసాలకు పోలీసు స్టోరీని యాడ్ చేసి తెరకెక్కించిన ఈ చిత్రం అభిమానుల్లో అంచనాలను పెంచేస్తున్నాయి. ఒక పెద్ద ఎద్దు మీద గోపీచంద్ ని కూర్చోబెట్టి పోస్టర్ రిలీజ్ చేసినప్పుడే అందరూ ఎంతో ఆశ్చర్యపోయారు. ఇప్పుడు ఈ ట్రైలర్ చూసిన తర్వాత ఆ ఎగ్జైట్మెంట్ మూడింతలు అవుతుంది.

ఈ ట్రైలర్ లో చెప్పిన కథ ఏంటంటే.. మహావిష్ణువు ఆరో అవతారం అయిన పరశురాముడు తన గండ్ర గొడ్డలితో అనంత సాగరాన్ని వెనక్కి పంపి ఒక అద్భుతమైన నేలను సృష్టించాడు. దానిని పరశురాముడి క్షేత్రం అంటారు. అక్కడ సాక్షాత్తు ఆ మహాశివుడే కొలువుదీరాడు. కొందరు రాక్షసులు తమ అహంకారంతో విర్రవీగుతున్నప్పుడు ఆ మహాకాళుడు.. కరుణే చూపని ఒక బ్రహ్మరాక్షసుడిని పంపిస్తాడు. ఆ బ్రహ్మరాక్షసుడే గోపీచంద్. అసలు ఆ గ్రామంలో ఆ రాక్షసులు ఏం చేస్తుంటారు? అక్కడకు గోపీచంద్ పోలీసుగా ఎందుకు వచ్చాడు? అక్కడ పరీష్కారం కాని సమస్యలు ఏమున్నాయి? ఇలాంటి ఇంట్రెస్టింగ్ ప్రశ్నలు అయితే ట్రైలర్ చూసిన తర్వాత మొదలవుతున్నాయి.

ఇంక ఈ ట్రైలర్ లో డైలాగ్స్ గురించి ప్రత్యేకంగా మాట్లాడుకోవాలి. డైలాగ్స్ ఎంతో బలంగా ఉన్నాయి. “ఆ త్రినేత్రుడే కాళనేత్రుడై.. కరుణే చూపని ఓ బ్రహ్మరాక్షసుడిని పంపాడు”.. “నేను ఊచకోత మొదలు పెడితే ఈ ఊరిలో శ్మశానం కూడా సరిపోదు” ఇలాంటి డైలాగ్స్ సినిమాపై అంచనాలను పెచేస్తున్నాయి. ఓవైపు పోలీసుగా చూపిస్తూనే.. మరోవైపు పంచకట్టులో గోపీచంద్ పోరాటాలు చేస్తున్నట్లు చూపించారు. మొత్తానికి ఈ ట్రైలర్ తో భీమా సినిమాపై అంచనాలు అయితే భారీగా పెరిగిపోయాయి. ట్రైలర్ ఆసక్తిగా, ఎగ్జైటింగ్ గా ఉంది. ఈ భీమా మూవీ మహాశివరాత్రి సందర్భంగా మార్చి 8న వరల్డ్ వైడ్ గా థియేటర్లలో విడుదల కానుంది. మరి.. భీమా ట్రైలర్ మీద మీ అభిప్రాయాలను కామెంట్స్ రూపంలో తెలియజేయండి.