Suryakumar Yadav: కొత్త అవతారంలో సూర్యకుమార్​.. గంభీర్ ప్రయోగం వర్కౌట్ అయ్యేనా?

భారత్-శ్రీలంక సిరీస్​కు అంతా రెడీ అయిపోయింది. దాదాపు రెండు వారాల పాటు జరిగే ఈ సిరీస్​కు రేపు జరిగే మొదటి టీ20తో తెరలేవనుంది. మొత్తంగా ఈ సిరీస్​లో మూడు టీ20 మ్యాచులతో పాటు మూడు వన్డేలు ఆడనుంది మెన్ ఇన్ బ్లూ. టీ20 సిరీస్ కోసం భారత జట్టు ముమ్మరంగా సాధన చేస్తోంది. నెట్స్​లో ఆటగాళ్లంతా చెమటలు చిందిస్తున్నారు. బౌలర్లు లాంగ్ స్పెల్స్ బౌలింగ్ వేస్తూ అక్కడి కండీషన్స్​కు అలవాటు పడేందుకు ప్రయత్నిస్తున్నారు. బ్యాటర్లు భారీ షాట్లు సాధన చేస్తున్నారు. అందరూ కలసి స్పెషల్ ఫీల్డింగ్ డ్రిల్​లో కూడా పాల్గొన్నారు. ఫీల్డింగ్ కోచ్ టి. దిలీప్​ పర్యవేక్షణలో ఆటగాళ్లంతా క్యాచ్​లు పట్టుకోవడం, రనౌట్లు చేయడంపై ఫోకస్ పెట్టారు. సంజూ శాంసన్, రిషబ్ పంత్ కీపింగ్ ప్రాక్టీస్ చేస్తూ కనిపించారు.

సిరీస్ మొదలవడానికి ముందు దొరికిన తక్కువ గ్యాప్​ను కూడా ప్రాక్టీస్ కోసం పర్ఫెక్ట్​గా వినియోగించుకుంది భారత్. స్పెషల్ బౌలింగ్, బ్యాటింగ్, ఫీల్డింగ్ సెషన్స్ నిర్వహించి ఆటగాళ్ల టెక్నిక్​ను సరిదిద్దడం, వాళ్ల బెస్ట్​ను బయటకు తీసుకురావడంపై కోచ్ గంభీర్ ఫోకస్ పెట్టాడు. అదే సమయంలో కొత్త కెప్టెన్ సూర్యకుమార్ యాదవ్​తో పాటు స్టార్ ఆల్​రౌండర్ హార్దిక్​ పాండ్యాతో కొత్త అవతారాలు ఎత్తించాడు గౌతీ. పేస్ బౌలర్ అయిన పాండ్యా.. నెట్స్​లో లెగ్ స్పిన్ డెలివరీస్ వేస్తూ కనిపించాడు. సూర్య ఫాస్ట్ బౌలింగ్ ప్రాక్టీస్ చేశాడు. దీంతో అసలు గంభీర్ ప్లాన్ ఏంటి? వీళ్లిద్దరితో కోచ్ ఏ ప్రయోగం చేయబోతున్నాడని అందరూ ఆలోచనల్లో పడ్డారు.

ప్రాక్టీస్ సెషన్​లో సూర్య, హార్దిక్ విషయంలో గంభీర్ ఓ స్ట్రాటజీతో వ్యవహరించాడనే అభిప్రాయాలు వ్యక్తం అవుతున్నాయి. టీ20ల్లో టీమ్​కు అదనపు బౌలర్ అవసరం ఉంది. సిక్స్ బౌలర్​ వచ్చి ఒకట్రెండు ఓవర్లు వేస్తే టీమ్​కు బిగ్ ప్లస్ ​అవుతుంది. అందులో భాగంగానే సూర్యతో గంభీర్ బౌలింగ్ ప్రాక్టీస్ చేయించాడని సమాచారం. అప్పట్లో భారత జట్టులో బ్యాటర్లు కూడా బౌలింగ్ చేసేవారు. కానీ ఇప్పుడు టాప్-5లో ఒక్కరు కూడా చేయి తిప్పడం లేదు. అందుకే బ్యాటర్లతో గౌతీ బౌలింగ్ సాధన చేయిస్తున్నాడని తెలుస్తోంది. మరోవైపు హార్దిక్​ బౌలింగ్​లో మరింత వేరియేషన్స్ తీసుకురావడం కోసం అతడితో లెగ్ స్పిన్ డెలివరీస్ వేయించాడనే అంటున్నారు. ఒకవేళ ఈ ప్రయోగం గనుక సక్సెస్ అయితే మన బౌలింగ్ యూనిట్ మరింత బలోపేతం అవడం గ్యారెంటీ అనే కామెంట్స్ వస్తున్నాయి.

• ఇదీ చదవండి: వీడియో: భయపడుతూనే సాహసం చేసిన KL రాహుల్‌! స్టంట్‌ ప్లేన్‌లో..

Hardik Pandya started bowling leg spin
Suryakumar Yadav started bowling pace

What’s next ?
Truly Gautam Gambhir era has begun pic.twitter.com/r37HNXxuYJ

— Sujeet Suman (@sujeetsuman1991) July 26, 2024