iDreamPost

APలోని ఆ శాఖలో ఉద్యోగాలు.. కాంపిటీషన్ తక్కువ.. ఈ అర్హతలుంటే చాలు జాబ్ పక్కా

ఏపీలోని నిరుద్యోగులకు గుడ్ న్యూస్. ఆ శాఖలో పలు ఖాళీల భర్తీ కోసం నోటిఫికేషన్ రిలీజ్ అయ్యింది. పోటీ తక్కువగా ఉండే ఈ ఉద్యోగాలకు ఈ అర్హతలున్న వారు అప్లై చేసుకుని జాబ్ కొట్టొచ్చు.

ఏపీలోని నిరుద్యోగులకు గుడ్ న్యూస్. ఆ శాఖలో పలు ఖాళీల భర్తీ కోసం నోటిఫికేషన్ రిలీజ్ అయ్యింది. పోటీ తక్కువగా ఉండే ఈ ఉద్యోగాలకు ఈ అర్హతలున్న వారు అప్లై చేసుకుని జాబ్ కొట్టొచ్చు.

APలోని ఆ శాఖలో ఉద్యోగాలు.. కాంపిటీషన్ తక్కువ.. ఈ అర్హతలుంటే చాలు జాబ్ పక్కా

ఆంధ్రప్రదేశ్ లోని నిరుద్యోగులకు గుడ్ న్యూస్. ఇటీవల రాష్ట్రంలో గ్రూప్ 1,2 తో పాటుగా డీఎస్సీకి సంబంధించిన ఉద్యోగాల భర్తీ ప్రక్రియ కొనసాగుతోంది. ఆశావాహులు ఈసారి ఎలాగైనా జాబ్ కొట్టాలనే కసితో పుస్తకాలతో కుస్తీ పడుతున్నారు. ఈ క్రమంలో తాజాగా ఏపీలో ఆ శాఖ నుంచి మరో జాబ్ నోటిఫికేషన్ రిలీజ్ అయ్యింది. ప్రభుత్వ ఉద్యోగాలే లక్ష్యంగా సన్నద్ధమయ్యే వారికి ఇది గోల్డెన్ ఛాన్స్. ప్రభుత్వ మెడికల్ కాలేజీల్లో పలు ఉద్యోగాల భర్తీకి డైరెక్టరేట్ ఆఫ్ మెడికల్ ఎడ్యుకేషన్ నోటిఫికేషన్ ను రిలీజ్ చేసింది. ఈ ఉద్యోగాలకు కాంపిటీషన్ తక్కువగానే ఉంటుంది. ఈ అర్హతలున్న వారు అప్లై చేసుకోవచ్చు.

ఏపీ డైరెక్టరేట్ ఆఫ్ మెడికల్ ఎడ్యుకేషన్ డైరెక్ట్ ఎంట్రీ, లేటరల్ ఎంట్రీ ద్వారా కొత్తగా ఏర్పాటుచేసిన ప్రభుత్వ మెడికల్ కాలేజీల్లో అసిస్టెంట్ ప్రొఫెసర్ పోస్టుల భర్తీకి నోటిఫికేషన్ విడుదల చేసింది. ఈ రిక్రూట్ మెంట్ ద్వారా మొత్తం 29 పోస్టులను భర్తీచేయనున్నారు. ఈ ఉద్యోగాలకు పోటీపడే అభ్యర్థులు మెడికల్‌ పీజీ డిగ్రీ, పీహెచ్ డీ అర్హతతోపాటు పని అనుభవం ఉన్నవారు దరఖాస్తు చేసుకోవడానికి అర్హులు. అర్హత, ఆసక్తి ఉన్నవారు మే 27 వరకు దరఖాస్తు చేసుకోవచ్చు. ఈ ఉద్యోగాలకు అకడమిక్ మెరిట్, పని అనుభవం, రూల్ ఆఫ్‌ రిజర్వేషన్ తదితరాల ఆధారంగా అభ్యర్థులను ఎంపిక చేస్తారు. పూర్తి సమాచారం కోసం ఈ లింక్ పై క్లిక్ చేయండి.

ముఖ్యమైన సమాచారం:

అసిస్టెంట్ ప్రొఫెసర్ పోస్టులు ఖాళీల సంఖ్య:

  • 29.

విభాగాలా వారీగా ఖాళీలు:

  • మైక్రోబయాలజీ: 07
  • ఫార్మకాలజీ: 06
  • అనాటమీ: 03
  • బయోకెమిస్ట్రీ: 06
  • ఫిజియాలజీ: 07

అర్హతలు:

  • మైక్రోబయాలజీ అండ్‌ ఫార్మకాలజీ విభాగానికి పీజీ డిగ్రీ(ఎండీ/ఎంఎస్/డీఎన్‌బీ/డీఎం) ఉత్తీర్ణులై ఉండాలి.
  • అనాటమీ విభాగానికి ఎండీ/ఎంఎస్ (అనాటమీ) లేదా ఎంఎస్సీ(మెడికల్ అనాటమీ) తోపాటు పీహెచ్‌డీ (మెడికల్ అనాటమీ)/ ఎంఎస్సీ (మెడికల్ అనాటమీ)తోపాటు డీఎస్సీ (మెడికల్ అనాటమీ) పాసై ఉండాలి.
  • బయోకెమిస్ట్రీ విభాగానికి ఎండీ (బయోకెమిస్ట్రీ) లేదా ఎంఎస్సీ (మెడికల్ బయోకెమిస్ట్రీ)తోపాటు పీహెచ్‌డీ (మెడికల్ బయోకెమిస్ట్రీ)/ ఎంఎస్సీ(మెడికల్ బయోకెమిస్ట్రీ)తోపాటు డీఎస్సీ (మెడికల్ బయోకెమిస్ట్రీ) పాసై ఉండాలి.
  • ఫిజియాలజీ విభాగానికి ఎండీ (ఫిజియాలజీ) లేదా ఎంఎస్సీ (మెడికల్ ఫిజియాలజీ)తోపాటు పీహెచ్‌డీ (మెడికల్ ఫిజియాలజీ)/ ఎంఎస్సీ(మెడికల్ ఫిజియాలజీ)తోపాటు డీఎస్సీ (మెడికల్ ఫిజియాలజీ) పాసై ఉండాలి.

వయోపరిమితి:

  • జనరల్ అభ్యర్థులు 42 సంవత్సరాలకు మించకూడదు. 01.07.1981 తర్వాత జన్మించి ఉండాలి.
  • ఈడబ్ల్యూఎస్, ఎస్సీ, ఎస్టీ, బీసీ అభ్యర్థులు 47 సంవత్సరాలలోపు ఉండాలి. 01.07.1976 తర్వాత జన్మించి ఉండాలి.
  • దివ్యాంగ అభ్యర్థులు 52 సంవత్సరాలలోపు ఉండాలి. 01.07.1971 తర్వాత జన్మించి ఉండాలి.
  • ఎక్స్-సర్వీస్‌మెన్ అభ్యర్థులు 50 సంవత్సరాలలోపు ఉండాలి. 01.07.1973 తర్వాత జన్మించి ఉండాలి.

ఎంపిక విధానం:

  • అకడమిక్ మెరిట్, పని అనుభవం, రూల్ ఆఫ్‌ రిజర్వేషన్ తదితరాల ఆధారంగా ఎంపిక చేస్తారు.

దరఖాస్తు ఫీజు:

  • అభ్యర్థులు రూ.1000 చెల్లించాలి. బీసీ, ఎస్సీ, ఈడబ్ల్యూఎస్, ఎస్టీ, దివ్యాంగులు రూ.500 చెల్లించాలి.

దరఖాస్తు ప్రక్రియ ప్రారంభం:

  • 18-05-2024

దరఖాస్తుకు చివరితేదీ:

  • 27-05-2024

వాట్సాప్ ఛానల్ ని ఫాలో అవ్వండి