వరుస ఓటములతో డీలాపడ్డ పాకిస్థాన్ ఎట్టకేలకు విజయం సాధించింది. ఇవాళ బంగ్లాదేశ్తో ఆడిన మ్యాచ్లో బాబర్ సేన నెగ్గింది. విక్టరీ నేపథ్యంలో పాక్ సెమీస్ ఛాన్సులు ఎలా ఉన్నాయో ఇప్పుడు చూద్దాం..
వరుస ఓటములతో డీలాపడ్డ పాకిస్థాన్ ఎట్టకేలకు విజయం సాధించింది. ఇవాళ బంగ్లాదేశ్తో ఆడిన మ్యాచ్లో బాబర్ సేన నెగ్గింది. విక్టరీ నేపథ్యంలో పాక్ సెమీస్ ఛాన్సులు ఎలా ఉన్నాయో ఇప్పుడు చూద్దాం..
వన్డే వరల్డ్ కప్-2023లో పాకిస్థాన్ టీమ్కు ఏదీ కలసిరావడం లేదు. వరుస ఓటములు, కెప్టెన్ బాబర్ ఆజం వాట్సాప్ చాట్ లీక్ అవ్వడం, చీఫ్ సెలెక్టర్ ఇంజమామ్ ఉల్ హక్ తన పోస్ట్కు రాజీనామా చేయడంతో ఆ దేశ క్రికెట్లో అలజడి రేగింది. పాక్ క్రికెట్ ఎటు వైపు పోతుందో అర్థం కాని పరిస్థితి. వరల్డ్ కప్లో ఆ జట్టు సెమీఫైనల్కు చేరే ఛాన్సులు కూడా అంతంత మాత్రంగానే ఉన్నాయి. దీంతో పాక్ పనైపోయిందని అంతా అనుకున్నారు. ఈ టైమ్లో దాయాది జట్టుకు కాస్త ఊరట లభించింది. ఎట్టకేలకు వరుసగా నాలుగు ఓటముల తర్వాత పాకిస్థాన్ విజయం సాధించింది. కోల్కతా వేదికగా బంగ్లాదేశ్తో జరిగిన మ్యాచ్లో బాబర్ సేన 7 వికెట్ల తేడాతో నెగ్గింది.
బంగ్లాదేశ్ నిర్దేశించిన 205 రన్స్ టార్గెట్ను పాకిస్థాన్ కేవలం 32.3 ఓవర్లలోనే ఛేజ్ చేసింది. ఆ టీమ్ ఓపెనర్లు అబ్దుల్లా షఫీక్ (68), ఫకర్ జమాన్ (81) హాఫ్ సెంచరీలతో చెలరేగారు. దీంతో లక్ష్యం చిన్నబోయింది. డేంజరస్గా మారిన ఈ జోడీని హసన్ మిరాజ్ విడగొట్టాడు. ఫస్ట్ వికెట్కు షఫీక్-జమాన్ కలసి 128 రన్స్ భాగస్వామ్యం నెలకొల్పారు. షఫీక్ ఔటయ్యాక క్రీజులోకి వచ్చిన బాబర్ ఆజం (9) మరోమారు ఫెయిల్ అయ్యాడు. అయితే మహ్మద్ రిజ్వాన్ (26 నాటౌట్), ఇఫ్తికార్ అహ్మద్ (17 నాటౌట్) టార్గెట్ను పూర్తి చేశారు. పాక్ మూడు వికెట్లు మిరాజ్కే దక్కాయి.
అంతకుముందు బంగ్లాదేశ్ ఇన్నింగ్స్లో లిట్టన్ దాస్ (45), మహ్మదుల్లా (56), షకీబల్ హసన్ (43), మెహదీ హసన్ మిరాజ్ (25) రాణించారు. వీళ్లందరికీ మంచి స్టార్ట్ దొరికింది. కానీ వాటిని భారీ స్కోర్లుగా మలచడంలో ఫెయిలయ్యారు. పాక్ బౌలర్లలో షాహీన్ అఫ్రిది, మహ్మద్ వసీం చెరో 3 వికెట్లు తీశారు. ఇక ఈ మ్యాచ్లో విజయంతో పాయింట్స్ టేబుల్లో ఐదో ప్లేస్కు ఎగబాకింది పాకిస్థాన్. సెమీస్కు చేరుకోవాలంటే కీలకమైన రన్రేట్ను కూడా బాబర్ సేన మెరుగుపర్చుకుంది. ఈ ఓటమితో బంగ్లా సెమీస్ రేసు నుంచి తప్పుకుంది.
బంగ్లాదేశ్పై గెలుపుతో జోష్లో ఉన్న పాకిస్థాన్.. నెక్స్ట్ ఆడబోయే మ్యాచుల్లో న్యూజిలాండ్ను, ఇంగ్లండ్ను తప్పక ఓడించాలి. ఈ రెండు మ్యాచుల్లోనూ భారీ రన్రేట్తో గెలవాలి. ఏ ఒక్క మ్యాచ్లో ఓడినా బాబర్ సేన ఇంటికి వెళ్లిపోవాల్సి ఉంటుంది. ఒకవేళ పాక్ అన్ని మ్యాచుల్లోనూ భారీ తేడాతో గెలిచినా.. ఆస్ట్రేలియా, న్యూజిలాండ్ ఆడబోయే మ్యాచ్ల రిజల్ట్ను బట్టే సెమీస్ బెర్త్ డిపెండ్ అవుతుంది. మరి.. సెమీస్లో భారత్తో పాక్ తలపడితే చూడాలని మీరు అనుకుంటే.. మీ అభిప్రాయాలను కామెంట్ల రూపంలో తెలియజేయండి.
ఇదీ చదవండి: లంకతో మ్యాచ్కు ముందు కోహ్లీ ఇంట్రెస్టింగ్ కామెంట్స్.. తన డ్రీమ్ అదేనంటూ..!
Pakistan moves to 5th in the Points Table in World Cup 2023.
– Total domination over 🇧🇩 thanks to the brilliant knock from Fakhar Zaman. pic.twitter.com/5Up779MhXY
— Johns. (@CricCrazyJohns) October 31, 2023
