Sanju Samson: వీడియో: నెట్స్​లో శాంసన్ మెరుపు క్యాచ్.. కోచ్ గంభీర్ మొహంలో నవ్వులు!

టీ20 ఛాంపియన్ టీమిండియా మరో ఇంట్రెస్టింగ్ సిరీస్​కు రెడీ అవుతోంది. పొట్టి ప్రపంచ కప్ ముగిసిన వెంటనే జింబాబ్వే టూర్​కు వెళ్లిన​ భారత్.. ఇప్పుడు శ్రీలంకతో టీ20లు ఆడేందుకు సిద్ధమైంది. రేపు జరిగే మొదటి మ్యాచ్​తో ఈ సిరీస్​కు తెరలేవనుంది. రెండు వారాల పాటు సాగే ఈ టూర్​లో మూడు టీ20లతో పాటు మూడు వన్డేలు ఆడనుంది మెన్ ఇన్ బ్లూ. ఇప్పటికే అక్కడికి చేరుకున్న టీమిండియా ప్రాక్టీస్​ సెషన్​లో బిజీ అయిపోయింది. ఆటగాళ్లంతా నెట్స్​లో తీవ్రంగా శ్రమిస్తున్నారు. లంకను వైట్​వాష్ చేయాలని పట్టుదలతో ఉన్న ప్లేయర్లు.. బ్యాటింగ్, బౌలింగ్​తో పాటు ఫీల్డింగ్​ ప్రాక్టీస్ కూడా చేస్తున్నారు. ఇవాళ స్పెషల్ ఫీల్డింగ్ డ్రిల్ నిర్వహించారు. ఫీల్డింగ్ కోచ్ టి. దిలీప్​తో పాటు హెడ్ కోచ్ గౌతమ్ గంభీర్ పర్యవేక్షణలో ఆటగాళ్లు సాధన చేశారు.

కెప్టెన్ సూర్యకుమార్ యాదవ్, వైస్ కెప్టెన్ శుబ్​మన్ గిల్​తో పాటు మిగిలిన ప్లేయర్లంతా క్యాచ్​లు అందుకోవడం, త్రోలు చేయడంపై ఫోకస్ చేశారు. వికెట్లను టార్గెట్ చేస్తూ దూరం నుంచి త్రోలు విసిరారు. అలాగే రన్నింగ్ క్యాచ్​లు పట్టుకోవడం సాధన చేశారు. అయితే ఈ సెషన్​లో హైలైట్ అంటే సంజూ శాంసన్ పట్టిన క్యాచ్ అనే చెప్పాలి. కుడి వైపునకు డైవ్ చేస్తూ అద్భుతంగా క్యాచ్​ను ఒడిసిపట్టాడు. గాల్లో పక్షిలా ఎగురుతూ క్యాచ్​ను అందుకున్నాడు. ఆ టైమ్​లో అతడి బాడీ గాల్లోనే ఉంది. ఈ క్యాచ్ చూసిన కోచ్ గంభీర్ షాకయ్యాడు. శాంసన్ కళ్లుచెదిరే ఫీల్డింగ్​కు ఫిదా అయిన గౌతీ సంతోషంతో నవ్వుల్లో మునిగిపోయాడు.

ఎప్పుడూ సీరియస్​గా ఉండే గంభీర్​ మొహంలో నవ్వు తెప్పించాడు శాంసన్. అతడితో పాటు పేసర్ మహ్మద్ సిరాజ్ కూడా గాల్లో డైవ్ చేస్తూ ఓ స్టన్నింగ్ క్యాచ్ అందుకున్నాడు. సంజూ ఫీల్డింగ్ ప్రాక్టీస్​తో పాటు కీపింగ్ సాధన కూడా చేశాడు. ఫీల్డింగ్ కోచ్ దిలీప్ ఓ రోలర్​ను పెట్టి అతడికి ఫాస్ట్​గా త్రోలు చేస్తూ కీపింగ్ ప్రాక్టీస్ చేయించాడు. రిషబ్ పంత్​ కూడా కీపింగ్ చేస్తూ కనిపించాడు. అటు బ్యాటర్లతో పాటు ఇటు బౌలర్లతోనూ క్యాచ్​లు, రనౌట్​లు ప్రాక్టీస్ చేయిస్తూ చెమటలు కక్కించారు దిలీప్-గంభీర్. ఆటగాళ్ల నుంచి బెస్ట్ రాబట్టేందుకు ప్రయత్నించారు. ఇంత కష్టపడిన ప్లేయర్లు.. మధ్య మధ్యలో ఒకరిపై ఒకరు జోకులు వేసుకుంటూ ప్రాక్టీస్ సెషన్​ను ఎంజాయ్ చేశారు. మరి.. సంజూ-సిరాజ్ ఫీల్డింగ్ మీకెలా అనిపించిందో కామెంట్ చేయండి.

• ఇదీ చదవండి: IPL 2025: పంజాబ్‌ కింగ్స్‌ హెడ్‌ కోచ్‌గా టీమిండియా మాజీ క్రికెటర్‌? ఫారెన్‌ కోచ్‌ ఇంటికి..

The fielding drills of Team India in Sri Lanka.🇮🇳

– The atmosphere and happiness of every players so beautiful to see. ❤️pic.twitter.com/D2u6uevvwL

— Tanuj Singh (@ImTanujSingh) July 26, 2024