బంగ్లాదేశ్-శ్రీలంక మ్యాచ్లో ఏంజెలో మాథ్యూస్ టైమ్డ్ ఔట్ అయ్యాడు. ఇన్నేళ్ల ఇంటర్నేషనల్ క్రికెట్ హిస్టరీలో ఒక బ్యాటర్ ఇలా పెవిలియన్కు చేరడం ఇదే ఫస్ట్ టైమ్.
బంగ్లాదేశ్-శ్రీలంక మ్యాచ్లో ఏంజెలో మాథ్యూస్ టైమ్డ్ ఔట్ అయ్యాడు. ఇన్నేళ్ల ఇంటర్నేషనల్ క్రికెట్ హిస్టరీలో ఒక బ్యాటర్ ఇలా పెవిలియన్కు చేరడం ఇదే ఫస్ట్ టైమ్.
వన్డే వరల్డ్ కప్-2023లో పొరుగు దేశం శ్రీలంక కథ ముగిసింది. ఇప్పటిదాకా టెక్నికల్గానైనా సెమీఫైనల్ రేసులో ఉన్న ఆ టీమ్.. బంగ్లాదేశ్ చేతిలో ఓటమితో టోర్నీ నుంచి నిష్క్రమించింది. సోమవారం ఈ రెండు జట్ల మధ్య జరిగిన మ్యాచ్లో బంగ్లా 7 వికెట్ల తేడాతో విజయం సాధించింది. ఫస్ట్ బ్యాటింగ్కు దిగిన లంకకు మంచి స్టార్ట్ దొరకలేదు. మొదటి ఓవర్లోనే కుశాల్ పెరీరా (4) ఔటయ్యాడు. అయితే నిశాంక (41), కుశాల్ మెండిస్ (19) చక్కటి పార్ట్నర్షిప్ నెలకొల్పారు. వీళ్లిద్దరూ వెంటవెంటనే ఔటైనా అసలంక (108), సమరవిక్రమ (41) టీమ్ను ఆదుకున్నారు. ఆ తర్వాత సమరవిక్రమ ఔటవ్వడం, వెంటనే మాథ్యూస్ టైమ్డ్ ఔట్ అవ్వడంతో లంక ఇన్నింగ్స్ కుదుపునకు గురైంది. ధనంజయ (34), తీక్షణ (21) అండతో ఆఖరి వరకు పోరాడాడు అసలంక.
లంక ఇన్నింగ్స్లో అసలంక ఆటే హైలైట్ అని చెప్పొచ్చు. ఛేజింగ్కు దిగిన బంగ్లాకు కూడా గొప్ప స్టార్ట్ దొరకలేదు. 41 రన్స్కే తంజిద్ (9), లిటన్ దాస్ (23) పెవిలియన్కు చేరుకున్నారు. షంటో మాత్రం వీలైనప్పుడల్లా బౌండరీలు కొడుతూ పోయాడు. అయితే బాగా ఆడుతున్న షకీబల్ హసన్ (82), సెంచరీ దిశగా దూసుకెళ్తున్న షంటో (90)ను మాథ్యూస్ వరుస ఓవర్లలో వెనక్కి పంపాడు. కానీ మహ్మదుల్లా (22), హృదోయ్ (15 నాటౌట్) బంగ్లాను విజయతీరాలకు చేర్చారు. ఇక, బంగ్లా-లంక మ్యాచ్లో మాథ్యూస్ టైమ్డ్ ఔట్ విషయం వివాదాస్పదంగా మారింది. బ్యాటింగ్కు రావాల్సిన మాథ్యూస్ నిర్ణీత సమయం (2 నిమిషాలు)లోగా క్రీజులోకి వచ్చి బాల్ను ఫేస్ చేయకపోవడంతో అతడ్ని టైమ్డ్ ఔట్గా ప్రకటించారు.
అప్పీల్ను వెనక్కి తీసుకోవాల్సిందిగా బంగ్లా కెప్టెన్ షకీబ్ను మాథ్యూస్ కోరినప్పటికీ అతడు వినలేదు. తన హెల్మెట్ పట్టీ తెగిపోయిందని చూపించినప్పటికీ షకీబ్ నిర్ణయాన్ని మార్చుకోలేదు. దీంతో అతడు పెవిలియన్కు చేరక తప్పలేదు. అయితే అదే మ్యాచ్లో బంగ్లా ఇన్నింగ్స్లో షకీబ్ను ఔట్ చేశాడు మాథ్యూస్. ఔటై వెళ్తున్న సమయంలో షకీబ్కు తన చేతిని చూపిస్తూ టైమ్ ఔట్కు రీవేంజ్ ఇది అనేలా సైగ చేశాడు మాథ్యూస్. సోషల్ మీడియాలో వైరల్ అవుతున్న ఈ వీడియో చూసిన నెటిజన్స్.. కాలం ఎవర్నీ వదలదని, కర్మఫలం అంటే ఇదేనంటూ కామెంట్స్ చేస్తున్నారు. మరి.. షకీబ్-మాథ్యూస్ కాంట్రవర్సీపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: VIDEO: రోహిత్ కు తలనొప్పిగా మారిన కోహ్లీ ఫ్యాన్స్.. అస్సలు వదలట్లేదు!
View this post on Instagram
