ఒకే ఒక్క సినిమాతో ఓవర్నైట్ స్టార్డమ్ తెచ్చుకున్నారు అందాల భామ వైష్ణవి చైతన్య. యూట్యూబ్ వీడియోలు చేసుకుంటూ మంచి టాలెంట్ ఉందనే పేరు సంపాదించిన వైష్ణవి.. ‘బేబీ’ మూవీతో సెన్సేషన్ సృష్టించారు. ఇటీవల విడుదలైన ఈ చిత్రం డబుల్ బ్లాక్బస్టర్గా నిలిచింది. ఈ సినిమాలో అద్భుతమైన నటనతో యూత్ ఆడియెన్స్లో మంచి క్రేజ్ సంపాదించారు వైష్ణవి. అయితే ‘బేబీ’ అంత పెద్ద హిట్గా నిలిచినా ఆమెకు ఆఫర్లు రావడం లేదని అంతా అనుకున్నారు. కానీ వైష్ణవికి మంచి ఆపర్లు వస్తున్నాయని సమాచారం. అందులో భాగంగానే ఒక క్రేజీ ఆఫర్ ఆమెను వెతుక్కుంటూ వచ్చిందట.
టాలీవుడ్లో తక్కువ టైమ్లోనే స్టార్ స్టేటస్ సంపాదించిన హీరో సిద్దు జొన్నలగడ్డ. ‘డీజే టిల్లు’ మూవీతో సిద్ధు యూత్ స్టార్గా మారిపోయాడు. ఈ మూవీలో తెలంగాణ మాండలికంలో ఆయన చెప్పిన డైలాగులకు అందరూ ఫ్యాన్స్గా మారిపోయారు. నటనతో పాటు స్టోరీ, స్క్రీన్ప్లే, డైలాగులు రాసుకోవడంలోనూ ఈ హీరోకు మంచి టాలెంట్ ఉంది. అలాంటి సిద్దు ప్రస్తుతం ‘టిల్లు స్క్వేర్’లో యాక్ట్ చేస్తున్నారు. ఈ మూవీ పూర్తయిన వెంటనే బొమ్మరిల్లు భాస్కర్ తెరకెక్కే మూవీలో సిద్దు జొన్నొలగడ్డ నటించనున్నారని సమాచారం. సితార ఎంటర్టైన్మెంట్స్ బ్యానర్లో రూపొందనున్న ఈ ఫిల్మ్లో సిద్దు సరసన వైష్ణవి చైతన్య హీరోయిన్గా నటించనున్నట్లు వినికిడి.
లవ్ స్టోరీస్ను డీల్ చేసే బొమ్మరిల్లు భాస్కర్తో కొత్త మూవీకి సిద్దు జొన్నలగడ్డ, వైష్ణవి చైతన్య ఓకే చెప్పారని టాక్. గతంలో ‘బొమ్మరిల్లు’, ‘ఆరెంజ్’, ‘ఒంగోలు గిత్త’ అంటూ భాస్కర్ కొన్ని ప్రయోగాలు చేశారు. వీటిలో ‘బొమ్మరిల్లు’ బ్లాక్ బస్టర్ అయింది. ‘ఆరెంజ్’ మ్యూజికల్ హిట్గా నిలవగా.. ‘ఒంగోలు గిత్త’ ఫ్లాప్ అయింది. ఆఖరుగా అఖిల్ అక్కినేని, పూజా హెగ్డేలతో ‘మోస్ట్ ఎలిజబుల్ బ్యాచిలర్’ తీశారు భాస్కర్. ఈ సినిమా మంచి హిట్గా నిలిచింది. ఇక, భాస్కర్, సిద్దు కాంబోలో పట్టాలెక్కనున్న మూవీలో వైష్ణవి చైతన్య పాత్రకు మంచి ఇంపార్టెన్స్ ఉంటుందని సమాచారం. ‘బేబీ’ లాంటి సూపర్ హిట్ వచ్చినా నటనకు ప్రాధాన్యం ఉన్న పాత్రల కోసం ఎదురు చూస్తున్న వైష్ణవికి ఇది గోల్డెన్ ఛాన్స్ అని నెటిజన్స్ అంటున్నారు. అయితే ఈ మూవీకి సంబంధించిన అధికారిక ప్రకటన ఎప్పుడు వస్తుందో చూడాలి.
ఇదీ చదవండి: ‘జవాన్’ కోసం నయన్కు అన్ని రూ.కోట్లు ఇచ్చారా?
