OTT Movie Suggestion: కత్తి పట్టిన ప్రతివాడు రౌడీ కాదు.. OTTలో ఓ రేంజ్ ఎమోషనల్ సస్పెన్స్ డ్రామా!

ఇప్పుడు ప్రతి వారం ఓటీటీ లలోకి వచ్చే సినిమాలే కాకుండా… ఇంకా ఏమైనా ఇంట్రెస్టింగ్ సినిమాలు ఓటీటీ లో ఉన్నాయేమో అని సెర్చ్ చేసే పనిలో ఉన్నారు ప్రేక్షకులు. ఈ క్రమంలో ఇప్పటివరకు చాలానే ఇంట్రెస్టింగ్ సినిమాల కోసం సెర్చ్ చేస్తూ ఉన్నారు ప్రేక్షకులు. అలాగే ఎన్నో మంచి మంచి సినిమాలు కూడా ఓటీటీ లో ఉన్నాయి. ఇక ఇప్పుడు అందరు ఎక్కువ ఇష్టపడేది.. మిస్టరీ , సస్పెన్స్ థ్రిల్లర్ మూవీస్ ఏ.. ఎందుకంటే అలాంటి సినిమాలలో తర్వాత ఏం జరుగుతుందా అనే ఆసక్తి ఆ సినిమాలను చూసేలా చేస్తుంది. ఇక మిస్టరీ , సస్పెన్స్ థ్రిల్లర్స్ అంటే కేవలం హాలీవుడ్ , బాలీవుడ్ సినిమాలు మాత్రమే కాదు తెలుగులో కూడా ఎన్నో అద్భుతమైన చిత్రాలు ఉన్నాయి. ఇప్పుడు చెప్పుకోబోయేది కూడా అలాంటి ఓ సినిమా గురించే.. మరి ఈ సినిమా ఏంటో ఎక్కడ స్ట్రీమింగ్ అవుతుందో చూసేద్దాం.

ఈ తెలుగు మిస్టరీ డ్రామా కథేంటంటే.. అజయ్ అనే వ్యక్తి ఓ కాంట్రాక్ట్ కిల్లర్.. చదువుకున్న వాళ్లంటే అతనికి చాలా గౌరవం. అయితే అతని చిన్నప్పుడే తల్లి చనిపోవడంతో.. తన తండ్రి తాగుబోతుగా మారతాడు. దీనితో అజయ్ చదువు మానేసి కాంట్రాక్ట్ కిల్లర్ గా మారతాడు. మరో పక్క విజయ్ అనే ఇంకొక వ్యక్తి ఉంటాడు. అతనికి సినిమాలంటే చాలా ఇష్టం.. హీరోల కంటే కూడా.. విలన్స్ అంటేనే ఎక్కువ ఇష్టం. విలన్స్ అందరికి న్యాయం చేయడానికి.. తానే ఓ సినిమా తీయాలని ప్రయత్నం చేస్తాడు. మరో వైపు విజయ్ అజయ్ ను చంపేందుకు.. విజయ్ తన స్నేహితులతో కలిసి తిరుగుతూ ఉంటాడు. అసలు అజయ్ విజయ్ లకు మధ్య సంబంధం ఏంటి ! అజయ్ తల్లి ఎలా చనిపోయింది ! హత్యలు, సెటిల్మెంట్స్ చేస్తూ వచ్చిన డబ్బుతో అజయ్ ఏం చేశాడు ! సొంత తండ్రిని ఎందుకు దూరం పెట్టాడు ! అజయ్ విజయ్ ల బ్యాక్ స్టోరీ ఏంటి ! ఇవన్నీ తెలియాలంటే “రాక్షస కావ్యం” అనే ఈ సినిమాను చూడాల్సిందే.

ఈ సినిమా ప్రస్తుతం ఆహలో స్ట్రీమింగ్ అవుతుంది. ఇప్పటివరకు ఈ సినిమాను చూసి ఉండకపోతే మాత్రం వెంటనే చూసేయండి. ఈ సినిమాలో కొన్ని సన్నివేశాలు రియల్ లైఫ్ కు దగ్గరగా అనిపిస్తూ ఉంటాయి. కామెడీ , ఎమోషన్స్ , డ్రామా , లవ్ ఇలా అన్ని వర్గాల ప్రేక్షకులను ఆకట్టుకునేల ఈ సినిమా ఉంటుంది. ఈ సినిమా చివరి వరకు కూడా.. ఏం జరుగుతుందా అనే సస్పెన్స్ తో అందరిని ఆఖరి వరకు కట్టిపడేస్తుంది. ఏ ప్లాట్ ను ఎక్కడ ఎలా కనెక్ట్ చేశారో తెలియాలంటే ఈ సినిమాను చివరి వరకు చూడాల్సిందే. ఈ సినిమాపై మీ అభిప్రాయాలను కామెంట్స్ రూపంలో తెలియజేయండి.