Best Horror Movie In OTT: మనుషుల్ని వెంటాడే నల్లని ఆకారం! ఇలాంటి హార్రర్ మూవీ లైఫ్ లో చూసుండరు!

ఎన్ని సినిమాలు చూసినా కానీ హర్రర్ సినిమాలు చూడనిదే సినిమా చూశామన్నా కిక్ రాదు. ఇప్పుడు చెప్పుకోబోయేది కూడా అలాంటి ఓ సినిమానే. ఈ సినిమాను ఇప్పటివరకు మిస్ అయితే మాత్రం వెంటనే చూసేయండి. హర్రర్ సినిమాలంటే ఇష్టం లేని వాళ్లకు కూడా ఈ సినిమా చూస్తే హర్రర్ స్పీమాలపైన ఇంట్రెస్ట్ కలుగుతుంది. ఆల్రెడీ ఓటీటీ లో బెస్ట్ హర్రర్ మూవీస్ సెర్చ్ లిస్ట్ లో ఈ మూవీ కనిపించేస్తుంది. మరి ఈ సినిమా ఏంటో ఎక్కడ స్ట్రీమింగ్ అవుతుందో.. ఎందుకు ఈ సినిమాను మిస్ చేయకుండా చూడాలి అనే విషయాలను చూసేద్దాం.

ఒక థాయ్ చైనీస్ ఫ్యామిలీ .. 1972 లో సిటీకి దూరంగా ఉన్న కంచనబూరీ అనే ప్రాంతానికి షిఫ్ట్ అవుతుంది. ఆ ఫ్యామిలీలో ముగ్గురు అమ్మాయిలు, ముగ్గురు అబ్బాయిలు ఉంటారు. ఇంటికి పెద్ద కొడుకు అయిన యాక్ మిలిటరీలో పనిచేస్తూ ఉంటాడు. కాబట్టి ఎప్పుడు ఇంటికి దూరంగానే ఉంటాడు. ఇక కొత్త ప్రాంతానికి వెళ్లిన ఆ కుటుంబానికి ఆ ప్రాంతం బాగా నచ్చేస్తుంది. కానీ వారు అక్కడికి వెళ్లిన కొద్దీ రోజుల తర్వాత నుంచి ఆ ఊరిలో కొన్ని అనుమానాస్పద సంఘటనలు జరుగుతాయి. అనుకోని రీతిలో అక్కడ ఓ అమ్మాయి మరణిస్తుంది. కట్ చేస్తే చనిపోయిన ఆ అమ్మాయికి ఎలాంటి పరిస్థితులు ఎదురయ్యాయో.. వీళ్ళ ఫ్యామిలిలో కూడా అలాంటి పరిస్థితులు ఎదురవ్వడం స్టార్ట్ అయ్యాయి.

ఈ కుటుంబంలో రెండవ కూతురు అయినా యామ్ అప్పటినుంచి విచిత్రంగా ప్రవర్తించడం స్టార్ట్ చేస్తుంది. తనకు ఎప్పుడు ఎదో నల్లని ఆకారం కనిపిస్తూ ఉంటుందని చెప్తూ ఉంటుంది. మెల్లగా తనతో పాటు మిగిలిన ఇద్దరు అమ్మాయిలకు కూడా అలాంటి ఆకారమే కనిపిస్తూ ఉంటుంది. ముఖ్యంగా స్కూల్ నుంచి ఇంటికి వచ్చే దారిలో ఈ నల్లని ఆకారం రోజు కనిపిస్తూ ఉంటుందని అందరికి చెప్తూ ఉంటారు. రోజులు గడుస్తున్న కొద్దీ క్రమంగా యామ్ ఆరోగ్యం పాడౌతూ ఉంటుంది. వింతగా ప్రవర్తిస్తూ, గొంతును మార్చి మాట్లాడుతూ ‘టీ యోడ్’ అని గట్టిగా అరుస్తూ ఉంటుంది. దీనితో ఈ విషయాలన్నీ తెలుసుకున్న వారి పెద్ద కొడుకు యాక్ తిరిగి ఇంటికి వచ్చేస్తాడు. ఆ అమ్మాయికి కనిపించిన నల్లని ఆకారం ఎవరిదీ ? అంతకుముందే చనిపోయిన మరో అమ్మాయి ఎవరు ? యాక్ తన కుటుంబాన్ని ఎలా రక్షించుకోగలుగుతాడు ? ఆ నల్లని ఆకారం ఈ కుటుంబంలోని అమ్మాయిలనే ఎందుకు టార్గెట్ చేసింది ? ఇవన్నీ తెలియాలంటే “డెత్ విస్పరర్” అనే ఈ సినిమాను చూడాల్సిందే. ఈ సినిమా ప్రస్తుతం నెట్ ఫ్లిక్స్ లో స్ట్రీమింగ్ అవుతుంది. ఇప్పటివరకు ఈ సినిమాను చూడకపోతే మాత్రం వెంటనే చూసేయండి. మరి ఈ సినిమాపై మీ అభిప్రాయాలను కామెంట్స్ రూపంలో తెలియజేయండి.