OTT లోకి కోర్డ్ రూమ్ కామెడీ సిరీస్! డేట్ గుర్తుపెట్టుకొని మరీ చూడండి!

ఓటీటీలో ప్రేక్షకులను ఎంటర్టైన్ చేయడానికి ఎన్నో సినిమాలు, సిరీస్ లు వస్తూనే ఉన్నాయి, ఈ క్రమంలో డైరెక్ట్ గా ఓటీటీ ప్లాట్ ఫార్మ్ లో విడుదలైన సిరీస్ లు సూపర్ సక్సెస్ సాధించడంతో ఆయా సిరీస్ లకు సిక్వెల్స్ ను ప్రకటిస్తున్నారు మేకర్స్. ఈ క్రమంలోనే.. ఈ మధ్య కాలంలో నెట్ ఫ్లిక్స్ లో వచ్చిన ఒక కోర్టు రూమ్ కామెడీ డ్రామా సిరీస్ “మామ్లా లీగల్ హై”. మార్చి 1నుంచి ఈ సిరీస్ ప్రముఖ ఓటీటీ ప్లాట్ ఫార్మ్ నెట్ ఫ్లిక్స్ లో స్ట్రీమింగ్ అవుతోంది. అల్లు అర్జున్ నటించిన “రేసుగుర్రం” సినిమాలో మద్దాలి శివారెడ్డి క్యారక్టర్ తో ప్రేక్షకులను మెప్పించిన రవి కిషన్ ఈ సినిమాలో లీడ్ రోల్ లో నటించాడు. ఆయనతో పాటు.. నిధి బిష్త్, యశ్‌పాల్ శర్మ నటించిన ఈ కోర్టు రూమ్ డ్రామా ప్రేక్షకులను ఆకట్టుకుంది. దీనితో ఈ సిరీస్ కు రెండవ సీజన్ ను ప్లాన్ చేస్తున్నట్లుగా ప్రకటించారు మేకర్స్. దీనికి సంబంధిచిన పూర్తి వివరాలు ఇలా ఉన్నాయి.

మామ్లా లీగల్ హై వెబ్ సిరీస్ కు.. సమీర్ సక్సేనా దర్శకత్వం వహించగా సౌరభ ఖన్నా, కునాల్ అనేజా దీనికి కథ అందించారు. ఈ సినిమాలో మన దేశంలో న్యాయ వ్యవస్థ ఎలా ఉంటుందో సరదాగా చూపించారు. ఈ సిరీస్ లో రవి కిషన్ ఓ సీనియర్ లాయర్ గా నటించాడు. ఆ జిల్లా కోర్టు బార్ అసోసియేషన్ అధ్యక్షుడిగా వ్యవహరిస్తున్న అతను.. ఏకంగా ఢిల్లీ బార్ అసోసియేషన్ అధ్యక్షుడిని కావాలని కలలు కంటూ ఉంటాడు. అంతేకాకుండా.. అటార్నీ జనరల్ ఆఫ్ ఇండియా కావాలనేది తన లక్ష్యం అంటూ అందరికి చెబుతూ ఉంటాడు. ఈ క్రమంలో అతను ఎన్నికల్లో పోటీ పడటానికి సిద్ధపడతాడు. కానీ, అతనికి ఒక బలమైన ప్రత్యర్థి ఎదురౌతాడు. అయితే, అతనిని బోల్తా కొట్టించి.. ఇతను తానూ అనుకున్న పదవిని ఎలా అందుకున్నాడు అనే ప్రక్రియను కాస్త ఫన్నీగా చూపించారు. ఇప్పటివరకు ఈ సిరీస్ ను ఎవరైనా మిస్ అయ్యి ఉంటే కనుక.. వెంటనే చూసేయాల్సిందే.

ఇలా ఈ సిరీస్ అందరిని ఆకట్టుకోవడంతో.. ఈ సిరీస్ కు సిక్వెల్ గా రెండవ సీజన్ ను రూపొందించనున్నట్లు.. ఏప్రిల్ 4న ప్రకటించారు మేకర్స్. కాబట్టి త్వరలో మామ్లా లీగల్ హై సీజన్ 2 అందుబాటులోకి రాబోతుంది. మొదటి సీజన్ కు వచ్చిన రెప్స్పాన్స్ చూసిన దర్శకుడు .. ఆ క్రెడిట్ అంతా కూడా నెట్‌ఫ్లిక్స్ కే ఇచ్చాడు. ఈ క్రమంలో దర్శకుడు మాట్లాడుతూ.. “పెద్ద సంఖ్యలో ప్రేక్షకులకు కనెక్ట్ అయ్యే ఇలాంటి స్టోరీలను నెట్‌ఫ్లిక్స్ తో కలిసి తెరకెక్కించడం చాలా ఉత్సాహాన్ని ఇస్తోంది. రెండో సీజన్ తో పట్పడ్‌గంజ్ జిల్లా కోర్టుకు సంబంధించిన మరిన్ని కేసులను మీ ముందుకు తీసుకొస్తాం” అంటూ చెప్పుకొచ్చాడు. కాబట్టి రెండవ సీజన్ కూడా ప్రేక్షకులను ఎంటర్టైన్ చేయడానికి రెడీ అయిపోతుంది. మరి, మామ్లా లీగల్ హై సీజన్ 2 అప్ డేట్ పై మీ అభిప్రాయాలను కామెంట్స్ రూపంలో తెలియజేయండి.