ఈ వారం థియేటర్స్.. ఓటీటీలో సందడి చేయనున్న సినిమాలు ఇవే..!

ఈ వారం పలు స్టార్‌ హీరోల సినిమాలు థియేటర్లలో.. ఓటీటీల్లో సందడి చేయనున్నాయి. నెల్సన్‌ దిలీప్‌ దర్శకత్వంలో సూపర్‌ స్టార్‌ రజినీకాంత్‌ హీరోగా తెరకెక్కిన ‘జైలర్‌’ ఆగస్టు 10న ప్రేక్షకుల ముందుకు రానుంది. వరుస ప్లాపులతో ఉన్న రజినీకి ‘జైలర్‌’ విజయాన్ని తెచ్చి పెడుతుందని భావిస్తున్నారు. ఇక, మెగాస్టార్‌ చిరంజీవి ‘భోళా శంకర్‌’గా ప్రేక్షకుల ముందుకు రానున్నారు. మెహర్‌ రమేష్‌ దర్శకత్వం వహించిన ఈ సినిమా ఆగస్టు 11న థియేటర్లలో సందడి చేయనుంది.

ఈ రెండు పెద్ద సినిమాలతో పాటు శ్రీసింహ, కావ్యా కల్యాణ్‌రామ్‌ హీరో, హీరోయిన్లుగా తెరకెక్కిన ‘ఉస్తాద్‌’ కూడా ప్రేక్షకుల ముందుకు రానుంది. తెలుగు సినిమాలతో పాటు పలు బాలీవుడ్‌ సినిమాలు కూడా ఈ వారంలోనే విడుదలకు సిద్ధం అయ్యాయి. గదర్‌ సీక్వెల్‌గా తెరకెక్కిన ‘గదర్‌ 2’ఆగస్టు 11న విడుదల కానుంది. ఓ మై గాడ్‌కు సీక్వెల్‌గా తెరకెక్కిన ‘ఓ మై గాడ్ 2’కూడా ఆగస్టు 11నే ప్రేక్షకుల ముందుకు రానుంది. ఈ రెండు సినిమాలపై భారీ అంచనాలు ఉన్నాయి. అయితే, ఈ రెండు సినిమాలు ఒకే రోజు థియేటర్లలోకి రావటంతో వసూళ్లకు గండిపడే అవకాశం ఉంది.

ఈ వారం ఓటీటీలోకి రానున్న సినిమాలు

• గబ్బీస్‌ డాల్‌ హౌస్‌ ( సినిమా) నెట్‌ఫ్లిక్స్‌.. ఆగస్టు 7.
• జాంబీవేర్స్‌ (కొరియన్‌, సినిమా) నెట్‌ఫ్లిక్స్‌.. ఆగస్టు 08.
• హార్ట్‌ ఆప్‌ స్టోన్‌ (సినిమా) నెట్‌ఫ్లిక్స్‌.. ఆగస్టు 11.
• ఇన్‌ అనదర్‌ వరల్డ్‌ విత్‌ మై స్మార్ట్‌ ఫోన్‌ ( సినిమా) నెట్‌ఫ్లిక్స్‌.. ఆగస్టు 11
• పెండింగ్‌ ట్రైన్‌ ( సినిమా) నెట్‌ఫ్లిక్స్‌.. ఆగస్టు 11.
• ది కశ్మీర్‌ ఫైల్స్‌ అన్‌ రిపోర్టెడ్‌ ( జీ ఒరిజినల్‌) జీ5.. ఆగస్టు 11.
• అబర్‌ ప్రోలీ ( బెంగాలీ, మూవీ) జీ5 ఆగస్టు 11.
• ది జంగబూరు కర్స్‌ (సోనీలివ్‌ ఒరిజినల్‌) సోనీలీవ్‌.. ఆగస్టు 9.
• పోర్‌ తొళిల్‌ (తమిళ్‌, తెలుగు) సోనీలివ్‌.. ఆగస్టు 11.
• మేడ్‌ ఇన్‌ హెవెన్‌ (వెబ్‌సిరీస్‌) అమెజాన్‌ ప్రైమ్‌ వీడియో.. ఆగస్టు 10.
• హిడింబ (తెలుగు) ఆహా.. ఆగస్టు 10.