ఇటలీలో జరిగిన రోడ్డు ప్రమాదంలో బాలీవుడ్ హీరోయిన్ గాయత్రీ జోషితో పాటు ఆమె భర్త వికాస్ ఒబెరాయ్ తీవ్రంగా గాయపడ్డారు. వీళ్ల పరిస్థితి ప్రస్తుతం నిలకడగా ఉందని వికాస్ ఆఫీస్ సిబ్బంది తెలిపారు. గాయత్రి, వికాస్లు కొద్దిలో ప్రాణాలతో బయటపడ్డారని తెలుస్తోంది. ఇదే యాక్సిడెంట్లో మరో కారులో ప్రయాణిస్తున్న ఇద్దరు వ్యక్తులు మృతి చెందారు. వెకేషన్ కోసం గాయత్రి తన భర్త వికాస్తో కలసి ఇటలీలోని సార్డీనియాకు వెళ్లారు. అదే సమయంలో అక్కడ జరుగుతున్న లగ్జరీ కార్ల పరేడ్లో వీళ్లు కూడా పాల్గొన్నారు.
లగ్జరీ కార్ల పరేడ్లో భాగంగా టెయిలెడా నుంచి ఓల్బీయాకు వెళ్తున్న క్రమంలో గాయత్రి, ఆమె భర్త వికాస్ ప్రయాణిస్తున్న లంబోర్గిని కారు అదుపు తప్పి పక్కనే ఉన్న ఫెరారీ కారును, వ్యాన్ను ఢీకొట్టింది. దీంతో ఫెరారీ కారులో ఒక్కసారిగా మంటలు చెలరేగాయి. ఈ కారులో ఉన్న స్విట్జర్లాండ్కు చెందిన మెలీసా, మార్కస్ జంట మరణించారు. ఈ ప్రమాదంలో గాయత్రి, ఆమె భర్త తీవ్రంగా గాయపడ్డారు. ఈ యాక్సిడెంట్కు సంబంధించిన దృశ్యాలు వెనుక వస్తున్న మరో కారు డాష్ కెమెరాలో రికార్డ్ అయ్యాయి. ఈ ప్రమాదానికి సంబంధించిన వీడియోలు సోషల్ మీడియాలో ప్రస్తుతం వైరల్గా మారాయి.
ఈ యాక్సిడెంట్పై నటి గాయత్రి స్పందించారు. దేవుడి దయ వల్ల తాను, వికాస్ స్వల్ప గాయాలతో క్షేమంగా బయటడ్డామని వెల్లడించారు. కాగా, గాయత్రి జోషి నటి అనే విషయం తెలిసిందే. కింగ్ ఖాన్ షారుక్ ఖాన్ చిత్రం ‘స్వదేశ్’లో ఆమె హీరోయిన్గా యాక్ట్ చేశారు. 2004లో విడుదలైన ఈ మూవీకి అశుతోష్ గోవారికర్ దర్శకత్వం వహించారు. ఈ సినిమాలో అద్భుతమైన యాక్టింగ్కు గానూ గాయత్రి ఆడియెన్స్తో పాటు విమర్శకుల నుంచి కూడా ప్రశంసలు అందుకున్నారు. ఈ చిత్రం తర్వాత ఫిల్మ్ ఇండస్ట్రీకి దూరంగా ఉండాలని ఆమె డిసైడ్ అయ్యారు. 2005లో వికాస్ ఒబెరాయ్ను పెళ్లాడారు. అనంతరం ఛానెల్ వీ ఇండియాలో వీడియో జాకీగా వర్క్ చేశారు. ఆ తర్వాత మోడలింగ్ వైపునకు వెళ్లారు.
ఇదీ చదవండి: ‘లియో’కి బజ్ పెంచుతున్నారా? పోగొడుతున్నారా?
Two deaths on a Ferrari in Sardina, Italy pic.twitter.com/skT3CaXg0T
— Globe Clips (@globeclip) October 3, 2023
