Venkateswarlu
Salaar And Guntur Kaaram: సలార్ సినిమా డిసెంబర్‌ 22న ప్రేక్షకుల ముందుకు రానుంది. గుంటూరుకారం సినిమా జనవరి 12వ తేదీన విడుదల కానుంది. ఈ రెండు సినిమాల్లోని పాటలు ఈ రోజున ప్రేక్షకుల ముందుకు రానున్నాయి.
Salaar And Guntur Kaaram: సలార్ సినిమా డిసెంబర్‌ 22న ప్రేక్షకుల ముందుకు రానుంది. గుంటూరుకారం సినిమా జనవరి 12వ తేదీన విడుదల కానుంది. ఈ రెండు సినిమాల్లోని పాటలు ఈ రోజున ప్రేక్షకుల ముందుకు రానున్నాయి.
Venkateswarlu
సంక్రాంతికి నెల రోజుల ముందు నుంచే చిత్ర పరిశ్రమలో సినిమాల సందడి మొదలైంది. భారీ చిత్రాలు విడుదలకు రెడీగా ఉన్నాయి. ముందుగా ప్యాన్‌ ఇండియా స్టార్‌ ప్రభాస్‌ ప్రధాన పాత్రలో నటించిన సలార్ సినిమా విడుదల కానుంది. డిసెంబర్‌ 22వ తేదీన ప్రేక్షకుల ముందుకు రానుంది. తెలుగుతో పాటు మొత్తం ఐదు భాషల్లో చిత్రం రిలీజ్‌ అవ్వనుంది. ఈ నేపథ్యంలో సలార్ నిర్మాతలు ఓ కీలక నిర్ణయం తీసుకున్నట్లు తెలుస్తోంది. ప్రమోషన్‌లకు దూరంగా ఉండాలని భావిస్తున్నారట.
చిత్ర బృందం మొత్తం ఇంగ్లీష్‌లో ఓ ప్రమోషన్‌ ఇంటర్వ్యూ మాత్రమే ఇవ్వనుందట. విడుదల గ్యాప్‌లో ఓ పాట, సెకండ్‌ ట్రైలర్‌ను విడుదల చేయనుంది. ఈ రోజు సలార్‌లోని ఓ పాట ప్రేక్షకుల ముందుకు రాబోతోంది. సలార్‌లో రొమాన్స్‌కు పెద్దగా స్కోప్‌ లేదు కాబట్టి.. ఫ్రెండ్షిప్‌ లేదా హీరో ఎలివేషన్‌కు సంబంధించిన పాట అయి ఉండొచ్చు. సలార్‌కు కేజీఎఫ్‌ చిత్రాలకు మ్యూజిక్‌ అందించిన రవి బస్రూర్‌ సంగీత దర్శకుడిగా పని చేస్తున్నారు. పాట ఏదైనా హిట్టు కావటం పక్కా అని చెప్పొచ్చు.
ఈ పాట రిలీజైన కొద్ది రోజుల తర్వాత సలార్ సెకండ్‌ ట్రైలర్‌ రిలీజ్‌ కానుంది. ఇక, మహేష్‌ హీరోగా నటించిన గుంటూరు కారం సినిమాలోని ఓ పాట కూడా ఈ రోజు ప్రేక్షకుల ముందుకు రానుంది. గుంటూరు కారం నుంచి ‘ ఓ మై బేబీ’ అనే రొమాంటిక్‌ సాంగ్‌ విడుదల కానుంది. గుంటూరుకారం సినిమాకు ఎస్‌ఎస్‌ థమన్‌ సంగీతం అందిస్తున్నారు. ఇప్పటికే రిలీజైన పాటలకు మంచి స్పందన వచ్చింది. కాగా, గుంటూరుకారం సినిమా జనవరి నెలలో విడుదల కానుంది. సంక్రాంతికి ప్రేక్షకుల ముందుకు రానుంది.
కాగా, గుంటూరుకారం మూవీలో మహేష్‌బాబుకు జంటగా శ్రీలీల నటించారు. టాలీవుడ్‌ స్టార్‌ డైరెక్టర్‌ త్రివిక్రమ్‌ శ్రీనివాస్‌ దర్శకత్వం వహించారు. మీనాక్షి చౌదరి, జగపతి బాబు, రమ్య కృష్ణ, జయరాం, ప్రకాశ్‌రాజ్‌, సునీల్‌, బ్రహ్మానందం తదితరులు కీలక పాత్రల్లో కనిపించనున్నారు. హారికా, హాసినీ క్రియేషన్స్‌ భారీ బడ్జెట్‌తో ఈ చిత్రాన్ని తెరకెక్కించింది. ఇప్పటికే ఈ చిత్రంపై భారీ అంచనాలు ఉన్నాయి. ఇక, సలార్ మూవీలో ప్రభాస్‌కు జంటగా.. శృతి హాసన్‌ నటిస్తున్నారు. కేజీఎఫ్‌ చిత్రాల దర్శకుడు ప్రశాంత్‌ నీల్‌ దర్శకత్వం వహించిన ఇందులో.. పృథ్వీరాజ్‌ సుకుమారన్‌, జగపతి బాబు, బాబీ సింహ తదితరులు కీలక పాత్రల్లో కనిపించనున్నారు. మరి, సంక్రాంతికి నెల రోజుల ముందునుంచే తెలుగు చిత్ర పరిశ్రమలో పాటల పండగ మొదలవ్వటంపై మీ అభిప్రాయాలను కామెం‍ట్ల రూపంలో తెలియజేయండి.
