శ్రీకాంత్.. తెలుగు ప్రేక్షకులకు పరిచయం అక్కర్లేని పేరు. తనదైన నటనతో ఎంతో మంది ఆడియెన్స్ మనసులను ఆయన గెలుచుకున్నారు. శ్రీకాంత్ నుంచి ఒక మూవీ వస్తోందంటే ప్రేక్షకులు ఎంతో ఆసక్తిగా ఎదురు చూసేవారు. ముఖ్యంగా ఫ్యామిలీ ఆడియెన్స్లో శ్రీకాంత్కు ఫ్యాన్ బేస్ ఎక్కువ. పలు కుటుంబ కథా చిత్రాలతో ఆయన వారి హృదయాల్లో ప్రత్యేక స్థానాన్ని దక్కించుకున్నారు. అయితే ఈమధ్య హీరోగా సినిమాలు చేయడం తగ్గించారాయన. ప్రత్యేక పాత్రలతో పాటు విలన్ రోల్స్లో ఎక్కువగా యాక్ట్ చేస్తున్నారాయన. అలాంటి శ్రీకాంత్ తనయుడు రోషన్ కూడా టాలీవుడ్లో దూసుకెళ్తున్నారు.
పోలికల పరంగా చూస్తే అచ్చం శ్రీకాంత్లాగే ఉండే రోషన్.. మ్యాన్లీ లుక్స్తో అందర్నీ ఆకట్టుకుంటున్నారు. ఆయన చేసింది తక్కువ సినిమాలే అయినా నటుడిగా తన ప్రత్యేకతను చాటుకున్నారు. ‘పెళ్లిసందD’ చిత్రంతో కెరీర్లో తొలి హిట్ను కొట్టారు రోషన్. అయితే తర్వాతి ప్రాజెక్టు కోసం చాలా టైమ్ తీసుకుంటున్నారు. అలాంటి రోషన్కు ఒక బంపర్ ఆఫర్ దక్కింది. మలయాళ సూపర్ స్టార్ మోహన్లాల్ సినిమాలో నటించే ఛాన్స్ను దక్కించుకున్నారీ యంగ్ హీరో. మోహన్లాల్ హీరోగా తెరకెక్కుతున్న ‘వృషభ’లో ఒక కీలక పాత్రలో రోషన్ కనిపించనున్నారు. మోహన్లాల్కు కొడుకుగా ఈ మూవీలో రోషన్ యాక్ట్ చేయనున్నారు.
‘వృషభ’ చిత్రాన్ని నందకిషోర్ డైరెక్ట్ చేయనున్నారు. ఈ ఫిల్మ్లో మోహన్లాల్, రోషన్కు నడుమ వచ్చే సీన్స్ సినిమాకే హైలెట్ అవుతాయని తెలుస్తోంది. తెలుగు, మలయాళంలో బైలింగ్యువల్గా ఈ మూవీని తీస్తున్నారు. యాక్షన్ థ్రిల్లర్గా రూపొందుతున్న ఈ సినిమాను పాన్ ఇండియా లెవల్లో భారీ ఎత్తున రిలీజ్ చేయాలని మేకర్స్ భావిస్తున్నారు. ‘వృషభ’లో రోషన్ లుక్, పెర్ఫార్మెన్స్ అదిరిపోతుందనే టాక్ వినిపిస్తోంది. మోహన్లాల్ లాంటి స్టార్ హీరో సరసన నటించే ఛాన్స్ దక్కడం రోషన్ అదృష్టమని సోషల్ మీడియాలో నెటిజన్స్ కామెంట్స్ చేస్తున్నారు. ఈ మూవీతో తానేంటో రోషన్ మరోమారు ప్రూవ్ చేసుకుంటారని ఆయన ఫ్యాన్స్ అంటున్నారు.
TELUGU ACTOR ROSHANN MEKA TO PORTRAY MOHANLAL’S SON IN PAN-INDIA FILM ‘VRUSHABHA’… #RoshannMeka – who has acted in several #Telugu films – will essay the part of #Mohanlal’s son in #Vrushabha.
Directed by #NandaKishore, the film – an epic action-entertainer transcending… pic.twitter.com/WEEjf2JKwR
— taran adarsh (@taran_adarsh) July 13, 2023
