Nidhan
Kill Telugu Remake Rights: పాన్ ఇండియా మూవీ కల్చర్ పెరిగాక రీమేక్ సినిమాలు తగ్గిపోయాయి. దాదాపుగా ప్రతి పెద్ద చిత్రం బహు భాషల్లో డబ్ అయి విడుదలవడం చూస్తూనే ఉన్నాం. అయితే ఈ ట్రెండ్లోనూ కొన్ని సూపర్హిట్ సినిమాలు రీమేక్ అవడం విశేషం.
Kill Telugu Remake Rights: పాన్ ఇండియా మూవీ కల్చర్ పెరిగాక రీమేక్ సినిమాలు తగ్గిపోయాయి. దాదాపుగా ప్రతి పెద్ద చిత్రం బహు భాషల్లో డబ్ అయి విడుదలవడం చూస్తూనే ఉన్నాం. అయితే ఈ ట్రెండ్లోనూ కొన్ని సూపర్హిట్ సినిమాలు రీమేక్ అవడం విశేషం.
Nidhan
పాన్ ఇండియా మూవీ కల్చర్ పెరిగాక రీమేక్ సినిమాలు తగ్గిపోయాయి. దాదాపుగా ప్రతి పెద్ద చిత్రం బహు భాషల్లో డబ్ అయి విడుదలవడం చూస్తూనే ఉన్నాం. అయితే ఈ ట్రెండ్లోనూ కొన్ని సూపర్హిట్ సినిమాలు రీమేక్ అవడం విశేషం. ఇప్పటికీ కొన్ని సౌత్ మూవీస్ను బాలీవుడ్ మేకర్స్ రీమేక్స్ చేస్తున్నారు. హిందీలో వచ్చిన మంచి సబ్జెక్ట్స్ను ఇక్కడి దర్శకులు తీసుకొని రీమేక్ చేయడం కూడా చూస్తూనే ఉన్నాం. అయితే ఈ మధ్య చూసుకుంటే దక్షిణాది సినిమాల రీమేక్స్కు ఉన్నంత డిమాండ్ బాలీవుడ్ ఫిల్మ్స్కు లేదు. కానీ ఓ హిందీ చిత్రం హక్కుల కోసం మాత్రం భారీ పోటీ నెలకొంది. ఒకరు, ఇద్దరు కాదు.. ఏకంగా నలుగురు హీరోల పేర్లు ఆ మూవీ తెలుగు రీమేక్ కోసం వినిపిస్తున్నాయి.
తెలుగు దర్శకనిర్మాతలు, హీరోలను అంతగా ఎట్రాక్ట్ చేస్తున్న ఆ సినిమానే ‘కిల్’. బాలీవుడ్లో విడుదలై సూపర్హిట్గా నిలిచిందీ ఫిల్మ్. స్టార్ ప్రొడ్యూసర్ కరణ్ జోహర్ నిర్మించిన ఈ మూవీ బాక్సాఫీస్ వద్దకు వచ్చినప్పుడు ఎవరూ పెద్దగా పట్టించుకోలేదు. కానీ మౌత్ టాక్తో బ్లాక్బస్టర్ అయిపోయింది. ‘కిల్’లోని యాక్షన్ ఎపిసోడ్స్ యూత్ ఆడియెన్స్కు విపరీతంగా నచ్చేశాయి. ఈ సినిమా తెలుగు రైట్స్ కోసం పోటీ ఎక్కువైంది. టాలీవుడ్ నుంచి ప్రముఖ నిర్మాణ సంస్థలు హక్కులు చేజిక్కించుకునేందుకు పోటీపడుతున్నాయి. ఈ సినిమా తెలుగు వెర్షన్ హీరోగా రానా దగ్గర నుంచి వరుణ్ తేజ్, బెల్లంకొండ సాయి శ్రీనివాస్, విశ్వక్సేన్ వరకు పలువురు స్టార్ల పేర్లు వినిపిస్తున్నాయి.
‘కిల్’ తెలుగు రైట్స్ కోసం సురేష్ బాబు తీవ్రంగా ప్రయత్నిస్తున్నారని సమాచారం. రానాతో ఈ చిత్రాన్ని రూపొందించాలని ఆయన చూస్తున్నారట. సురేష్ బాబుతో పాటు పలువురు స్టార్ ప్రొడ్యూసర్స్ కర్చీఫ్ వేసేందుకు ట్రై చేస్తుండటంతో ‘కిల్’ ఒరిజినల్ మేకర్స్ భారీగా సొమ్ము చేసుకోవడం ఖాయమని ఎక్స్పర్ట్స్ అంటున్నారు. హక్కులు ఎవరికి దక్కుతాయనేది ఎంత ముఖ్యమో హీరోగా ఎవరు నటిస్తారనేది కూడా అంతే ఆసక్తికరంగా మారింది. రానా, విశ్వక్, బెల్లంకొండ శ్రీనివాస్, వరుణ్లో ఎవరు యాక్ట్ చేసినా అదిరిపోతుందని సోషల్ మీడియాలో నెటిజన్స్ అంటున్నారు. తెలుగు వెర్షన్ కోసం ఎదురు చూస్తున్నామని చెబుతున్నారు. ఇంత డిమాండ్ ఉన్న ఈ ఫిల్మ్ రీమేక్లో ఎవరు నటిస్తారనేది త్వరలో తేలిపోతుంది. మరి.. ‘కిల్’ తెలుగు వెర్షన్లో హీరోగా ఎవరు నటిస్తే చూడాలని మీరు కోరుకుంటున్నారో కామెంట్ చేయండి.
