నవీన్ పొలిశెట్టి.. తెలుగు సినీ ప్రేక్షకులకు పరిచయం అక్కర్లేని పేరు. ఆ మాటకొస్తే బాలీవుడ్ ఆడియెన్స్కు కూడా బాగా పరిచయం ఉన్న పేరిది. తన యాక్టింగ్ టాలెంట్తో టాలీవుడ్తో పాటు ఉత్తరాదిన కూడా ఫ్యాన్ బేస్ను పెంచుకున్నారీ యంగ్ హీరో. టాలీవుడ్లో ఆయన హీరోగా నటించిన ‘ఏజెంట్ సాయి శ్రీనివాస ఆత్రేయ’, ‘జాతిరత్నాలు’ సూపర్ హిట్స్గా నిలిచాయి. ఇందులో అనుదీప్ కేవీ తెరకెక్కించిన ‘జాతిరత్నాలు’ అయితే డబుల్ బ్లాక్బస్టర్గా నిలిచింది. హిందీలో ‘చిచ్చోరే’ సినిమాతో మంచి విజయాన్ని అందుకున్నారు. ఆ సినిమాలో నవీన్ పెర్ఫార్మెన్స్కు ప్రేక్షకుల నుంచి మంచి అప్లాజ్ వచ్చింది.
వరుస సక్సెస్లతో ఫుల్ జోష్ మీదున్న నవీన్ పొలిశెట్టి నటించిన కొత్త చిత్రం ‘మిస్ శెట్టి.. మిస్టర్ పొలిశెట్టి’. ఇందులో నవీన్ సరసన అనుష్క శెట్టి హీరోయిన్గా నటించారు. ‘జాతిరత్నాలు’ వంటి సూపర్ సక్సెస్ తర్వాత నవీన్ పొలిశెట్టి నుంచి వస్తున్న సినిమా కావడం, స్టార్ హీరోయిన్ అనుష్క యాక్ట్ చేస్తుండటంతో ‘మిస్ శెట్టి.. మిస్టర్ పొలిశెట్టి’పై ప్రేక్షకుల్లో మంచి అంచనాలు ఉన్నాయి. ఇటీవల ఈ మూవీ నుంచి రిలీజైన టీజర్, ట్రైలర్ సినిమా మీద ఎక్స్పెక్టేషన్స్ను మరింత పెంచేసింది. అయినా నవీన్ మాత్రం ఇంకా ప్రమోషన్స్ చేస్తూ.. సినిమాను ఆడియెన్స్కు మరింత చేరువ చేసేందుకు ప్రయత్నిస్తున్నారు.
‘మిస్ శెట్టి.. మిస్టర్ పొలిశెట్టి’ మూవీ ప్రమోషన్స్ను పరుగులు పెట్టిస్తున్నారు నవీన్ పొలిశెట్టి. ఇందులో భాగంగా తెలుగు రాష్ట్రాల్లోని ప్రధాన నగరాలను ఆయన చుట్టేస్తున్నారు. ఇలా ఆదివారం విశాఖపట్నంలో నవీన్ సందడి చేశారు. ఈ క్రమంలోనే ఈ యంగ్ హీరో.. ప్రముఖ నేత కేఏ పాల్ను కలవడం ఆసక్తికరంగా మారింది. వైజాగ్ బీచ్ రోడ్డులో నవీన్ కారులో వెళ్తుండగా.. అక్కడే ఒక కారులో కేఏ పాల్ షికారుకు వచ్చారు. దీంతో ఇంకో కారులో ఉన్న నవీన్ పొలిశెట్టి.. ఆయనకు హాయ్ చెప్పారు. కేఏ పాల్ కూడా నవీన్ను పలకరించారు. అలా కాసేపు దూరం నుంచే ఈ ఇద్దరు ప్రముఖులు మాట్లాడకున్న వీడియో ఇప్పుడు నెట్టింట వైరల్గా మారింది. దీనిపై నెటిజన్స్ ఫన్నీ కామెంట్స్ పెడుతున్నారు. వీళ్లతో ఒక ఇంటర్వ్యూ ప్లాన్ చేయాలని రిక్వెస్ట్ చేస్తున్నారు.
#KAPaul & #MrPolishetty pic.twitter.com/Pw5urprkka
— Matters Of Movies (@MattersOfMovies) August 28, 2023
