Exclusive: రావిపూడి-బాలయ్య సినిమా

వారానికి వెయ్యి..నెలకోసారి హాయి అన్నట్లుగా ఏడాదికి ఒక సినిమా తీస్తారు అనిల్ రావిపూడి. కానీ ఆ సినిమాతో నిర్మాతలకు ఫుల్ ప్రాఫిట్ వుంటుంది. నిర్మాత దిల్ రాజు మూడు సినిమాలతో ఈ లాభాలు చవిచూసారు. నిర్మాత సాహు రెండు సినిమాలు చేసారు. అంత లాభాలు చవి చూడలేదు కానీ ఫరవాలేదు. ఇప్పుడు ముచ్చటగా మూడో సినిమా చేస్తున్నారు. దాంట్లో మంచి లాభాలు కళ్ల చూసే అవకాళం వుంది.

మరి ఇంతకీ ఈ సినిమా తరువాత అనిల్ రావిపూడి సినిమా ఎవరితో? 2028 సంక్రాంతికి రావిపూడి కాంబినేషన్ ఎవరితో? సింపుల్ ఆన్సర్. నందమూరి బాలకృష్ణతోనే. భగవంత్ కేసరి తరువాత మరోసారి రిపీట్. ఆ మేరకు ఫిక్స్ అయిపోయింది. గోపీచంద్ మలినేని, కొరటాల శివ సినిమాల తరువాత అనిల్ తో సినిమా వుంటుంది.కొరటాల సినిమా 2027 సమ్మర్ కు అయిపోతుంది. ఆ టైమ్ కు అనిల్ రెడీ.

అంతా బాగుంది. మరి ఈ ప్రాజెక్ట్ కు నిర్మాత ఎవరు? ఇంకెవరు అనిల్ తో బోలెడు అనుబంధం వున్న సాహు గారపాటి లేదా దిల్ రాజు కావచ్చు. నిజానికి బాలయ్య ఓ సినిమాను సాహు గారపాటికి చేయాల్సి వుంది. వృద్ధి సినిమాస్-మలినేని ప్రాజెక్ట్ సాహు దే. కానీ అటు వెళ్లింది. ఆ డ్యూ వుండనే వుంది. కానీ దిల్ రాజుకు ఓ సినిమా చేయాలని రావిపూడి అనుకుంటున్నారు.

కానీ బాలయ్య అటు సాహు అంటారో ఇటు దిల్ రాజు అంటారో. ఆ పేరు ఫిక్స్ అవుతుంది.