ఈ ఫొటోలో అమ్మాయిని గుర్తుపట్టారా? ఇప్పుడు ఓ స్టార్‌ హీరోయిన్‌!

పై ఫొటోలో ఉన్న అమ్మాయిని గుర్తు పట్టారా?.. ఇప్పుడా అమ్మాయి టాలీవుడ్‌ టు బాలీవుడ్‌ చాలా ఫేమస్‌. మొన్నీమధ్య ఆమె హీరోయిన్‌గా నటించిన ఓ సినిమా టాలీవుడ్‌లో సంచలన విజయం సాధించింది. ఆ సినిమాలో ఆమె నటనకు యువకులు ఫిదా అయిపోయారు. తమ మదిలో ఆమెకు ఏకంగా గుడి కట్టేశారు. ఆ సినిమా సాధించిన విజయంతో ఆమెకు తెలుగుతో పాటు ఇతర భాషల్లో కూడా అవకాశాలు పెరిగిపోయాయి. ప్రస్తుతం ఆ హీరోయిన్‌ టాలీవుడ్‌ స్టార్‌ హీరో నానితో ఓ సినిమాలో నటిస్తోంది.

ఇప్పటికే మీకు అ‍ర్థమైపోయి ఉంటుంది. ఆ ఫొటోలో ఉన్నది ఎవరా అన్నది. అవును మీరు గెస్‌ చేసింది నిజమే.. ఆమె టాలీవుడ్‌ సీత మృణాల్‌ ఠాకూర్‌.  ఆ ఫొటో 2018లో వచ్చిన లవ్‌ సోనియా అనే ఓ సినిమాలోది. ఈ సినిమాలో ఆమె డీగ్లామరస్‌ పాత్రలో నటించారు. ఇప్పుడు ఆమె పాపులారిటీ దేశ వ్యాప్తం కావటంతో ఆ చిత్రంలోని ఫొటో వైరల్‌గా మారింది. ఆ ఫొటో చూస్తున్న నెటిజన్లు ఆమెను వెంటనే గుర్తు పట్టడానికి చాలా కష్టపడుతున్నారు. తెలుగు ప్రేక్షకులైతే ‘ఏంటి మన సీతా?’ అంటూ ఆశ్చర్యపోతున్నారు.

కాగా, మృణాల్‌ ఠాకూర్‌ తెలుగు ప్రేక్షకులకు కొత్తేమీ కాదు. ‘కుంకుమ భాగ‍్య’ అనే సీరియల్‌తో ఆమె తెలుగు ప్రేక్షకులకు చేరువయ్యారు. తర్వాత హీందీ టు తెలుగు డబ్‌ అయిన చాలా సీరియళ్లతో తెలుగు ప్రేక్షకులను పలకరించారు. 2014లో వచ్చిన ‘విట్టి దండు’ అనే మరాఠీ సినిమాతో సినిమాల్లోకి ఎంట్రీ ఇచ్చారు. లవ్‌ సోనియా సినిమాతో హీరోయిన్‌గా మారారు. ప్రస్తుతం తెలుగులో నానితో ‘హాయ్‌ నాన్న’ అనే సినిమాలో నటిస్తున్నారు. ఈ సినిమాతో పాటు విజయ్‌ దేవరకొండతో కలిసి మరో సినిమా చేస్తున్నారు. ఈ రెండు సినిమాలు ప్రస్తుతం షూటింగ్‌ జరుపుకుంటున్నాయి. మరి, గుర్తు పట్టలేనట్లుగా ఉన్న మృణాల్‌ ఠాకూర్‌ పాత ఫొటోపై మీ అభిప్రాయాలను కామెంట్ల రూపంలో తెలియజేయండి.