Nidhan
Mathu Vadalara 2 Movie Trailer Out: చిన్న చిత్రంగా విడుదలైన ‘మత్తు వదలరా’ బ్లాక్బస్టర్గా నిలిచింది. ఈ క్రైమ్ కామెడీ మూవీ ఊహించని రీతిలో అద్భుతమైన వసూళ్లు సాధించింది. ఇప్పుడీ సినిమాకు సీక్వెల్ వచ్చేస్తోంది. ‘మత్తు వదలరా 2’ మూవీ నుంచి తాజాగా ట్రైలర్ రిలీజ్ అయింది.
Mathu Vadalara 2 Movie Trailer Out: చిన్న చిత్రంగా విడుదలైన ‘మత్తు వదలరా’ బ్లాక్బస్టర్గా నిలిచింది. ఈ క్రైమ్ కామెడీ మూవీ ఊహించని రీతిలో అద్భుతమైన వసూళ్లు సాధించింది. ఇప్పుడీ సినిమాకు సీక్వెల్ వచ్చేస్తోంది. ‘మత్తు వదలరా 2’ మూవీ నుంచి తాజాగా ట్రైలర్ రిలీజ్ అయింది.
Nidhan
పెద్ద సినిమాలకే కాదు.. మంచి విజయం సాధించిన పలు చిన్న చిత్రాలకు కూడా సీక్వెల్స్ వస్తున్నాయి. ఈ క్రమంలోనే ఆడియెన్స్ను అలరించేందుకు వస్తోంది ‘మత్తు వదలరా 2’. ఫస్ట్ పార్ట్ బ్లాక్బస్టర్గా నిలవడంతో రెండో పార్ట్ మీద కూడా భారీగా అంచనాలు నెలకొన్నాయి. స్వర మాంత్రికుడు ఎంఎం కీరవాణి కుమారుడు శ్రీ సింహా, కమెడియన్ సత్య, హీరోయిన్ ఫరియా అబ్దుల్లా కీలక పాత్రల్లో నటిస్తున్న ఈ మూవీని రితేశ్ రానా డైరెక్ట్ చేస్తున్నారు. పాన్ ఇండియా స్టార్ ప్రభాస్ తాజాగా ఈ ఫిల్మ్ ట్రైలర్ను రిలీజ్ చేశారు. ఫుల్ కామెడీ, యాక్షన్ ప్యాక్డ్గా ఉన్న ఈ ట్రైలర్ ఎంటర్టైనింగ్గా సాగుతూ ఆడియెన్స్ను ఆకట్టుకుంటోంది. ముఖ్యంగా సత్య పండించిన కామెడీ పొట్టచెక్కలయ్యేలా నవ్విస్తోంది.
‘మత్తు వదలరా 2’ ట్రైలర్ ఆసాంతం ఫన్నీగా అలరిస్తోంది. 2 నిమిషాల 13 సెకన్ల ఈ ట్రైలర్ ఆద్యంతం కడుపుబ్బా నవ్విస్తోంది. ట్రైలర్ నిండా అదిరిపోయే పంచులు, ఫన్నీ డైలాగ్స్తో నింపేశారు మేకర్స్. ‘హీ’ టీమ్ ఏజెంట్లుగా ఉన్న శ్రీ సింహా, సత్య అనుకోని సమస్యలో ఇరుక్కోవడం? అనేది ఇందులో ఇంట్రెస్టింగ్గా చూపించారు. పోలీసు ఆఫీసర్ అయిన సునీల్.. శ్రీ సింహా, సత్యను హంతకులుగా భావించడం, వారిని పట్టుకునేందుకు ప్రయత్నించడం.. మరో ఏజెంట్ అయిన ఫరియా ఆ ఇద్దరికీ సాయం చేయడం అంతా ఎంటర్టైనింగ్గా ప్రెజెంట్ చేశారు. ‘మత్తు వదలరా’కు సీక్వెల్ పూర్తి వైవిధ్యంగా ఉండబోతున్నట్లు అర్థమవుతోంది. సెకండ్ పార్ట్ను హిలేరియస్ ఎంటర్టైనర్గా మలచినట్లు అనిపిస్తోంది. కామెడీతో పాటు ఇందులో యాక్షన్ పాళ్లు కూడా పుష్కలంగా ఉండటంతో ప్రేక్షకులకు డిఫరెంట్ ఎక్స్పీరియెన్స్ ఖాయంగా కనిపిస్తోంది.
ఇక, టీజర్, ట్రైలర్స్తో అందరి అటెన్షన్ను తమ వైపునకు తిప్పుకుంటున్న ‘మత్తు వదలరా 2’ ఈ నెలలోనే రిలీజ్ కానుంది. సెప్టెంబర్ 13న మూవీని గ్రాండ్గా రిలీజ్ చేయనున్నారు. విడుదలకు ఎక్కువ సమయం లేకపోవడంతో ప్రమోషనల్ కంటెంట్ను వరుసగా రిలీజ్ చేస్తూ పోతోంది మూవీ టీమ్. వీటి ద్వారా ఇప్పటికే మంచి బజ్ నెలకొంది. తాజాగా వచ్చిన ట్రైలర్లో కామెడీ డోస్ డబుల్గా ఉండటంతో హైప్ మరింత పెరిగే ఛాన్సులు కనిపిస్తున్నాయి. ఇక, ఈ సినిమాలో భారీ కాస్టింగ్ ఉన్నారు. శ్రీ సింహా, సత్య, ఫరియాతో పాటు వెన్నెల కిషోర్, సునీల్, అజయ్, రోహిణి, ఝాన్సీ, శ్రీనివాస్ రెడ్డి, గుండు సుదర్శన్ తదితరులు కీలక పాత్రల్లో కనిపించనున్నారు. ఈ మూవీకి కీరవాణి మరో తనయుడు కాల భైరవ సంగీతం అందిస్తున్నారు. క్లాప్ ఎంటర్టైన్మెంట్, మైత్రీ మూవీ మేకర్స్ సంయుక్తంగా నిర్మిస్తున్న ఈ సినిమా ఫస్ట్ పార్ట్ను మించిన సక్సెస్ సాధిస్తుందేమో చూడాలి. మరి.. ‘మత్తు వదలరా 2’ ట్రైలర్ మీకెలా అనిపించిందో కామెంట్ చేయండి.
ః
