Nidhan
NTR31: టాలీవుడ్లో మరో బ్లాస్టింగ్ మాస్ కాంబో మూవీ స్టార్ట్ అయింది. యంగ్ టైగర్ జూనియర్ ఎన్టీఆర్తో పాన్ ఇండియా డైరెక్టర్ ప్రశాంత్ నీల్ తెరకెక్కిస్తున్న సినిమా ఇవాళ పూజా కార్యక్రమాలతో మొదలైంది.
NTR31: టాలీవుడ్లో మరో బ్లాస్టింగ్ మాస్ కాంబో మూవీ స్టార్ట్ అయింది. యంగ్ టైగర్ జూనియర్ ఎన్టీఆర్తో పాన్ ఇండియా డైరెక్టర్ ప్రశాంత్ నీల్ తెరకెక్కిస్తున్న సినిమా ఇవాళ పూజా కార్యక్రమాలతో మొదలైంది.
Nidhan
టాలీవుడ్లో మరో బ్లాస్టింగ్ మాస్ కాంబో మూవీ స్టార్ట్ అయింది. యంగ్ టైగర్ జూనియర్ ఎన్టీఆర్తో పాన్ ఇండియా డైరెక్టర్ ప్రశాంత్ నీల్ తెరకెక్కిస్తున్న సినిమా ఇవాళ పూజా కార్యక్రమాలతో మొదలైంది. రామానాయుడు స్టూడియోస్లో ఓపెనింగ్ సెర్మనీ ఘనంగా జరిగింది. ఈ వేడుకకు తారక్, ప్రశాంత్ నీల్ కుటుంబసభ్యులు హాజరయ్యారు. సినిమాను ప్రారంభించిన రోజే రిలీజ్ డేట్ను కూడా మేకర్స్ అనౌన్స్ చేశారు. 2026, జనవరి 9వ తేదీన ఈ ఫిల్మ్ను వరల్డ్ వైడ్గా గ్రాండ్గా విడుదల చేయనున్నట్లు తెలిపారు. ఎన్టీఆర్-ప్రశాంత్ నీల్ కాంబో మూవీ ఎప్పుడెప్పుడు స్టార్ట్ అవుతుందా అని ఎదురుచూసిన అభిమానులు, మూవీ లవర్స్కు ఇది సూపర్ న్యూస్ అనే చెప్పాలి.
‘ఎన్టీఆర్ 31’ స్టార్ట్ అవడంతో ఫ్యాన్స్ ఖుష్ అవుతున్నారు. తారక్ వరుసబెట్టి ప్రాజెక్ట్లను లైన్లో పెట్టడం, ‘ఆర్ఆర్ఆర్’ తర్వాత వచ్చిన గ్యాప్ను భర్తీ చేసేందుకు ప్రయత్నించడం అభిమానులకు ఎనలేని సంతోషాన్ని ఇస్తోంది. ఎన్టీఆర్తో ప్రశాంత్ నీల్ తెరకెక్కించే సినిమా ఎలా ఉంటుంది? దీని కథ ఏంటి? ఎక్స్పెక్టేషన్స్ను అందుకుంటారా? లాంటి చర్చలు ఇప్పుడు జోరుగా నడుస్తున్నాయి. అయితే ఈ మూవీ కోసం ప్రశాంత్ నీల్ అంచనాలకు అందని రీతిలో ప్రయోగం చేస్తుండటం గమనార్హం. సాధారణంగా నీల్ బలం యాక్షన్ మూవీస్ తీయడం. సింపుల్ స్టోరీ లైన్ను డిఫరెంట్ స్క్రీన్ప్లేతో విజువల్ వండర్గా తీర్చిదిద్దడం ఆయన స్టైల్. ఫ్రెండ్షిప్, మదర్ సెంటిమెంట్ లాంటివి థ్రెడ్గా తీసుకొని కథలు అల్లుకుంటారు నీల్. అయితే తన బలమైన యాక్షన్ జోనర్ను వదిలి తారక్తో సరికొత్త ప్రయోగం చేయనున్నట్లు స్వయంగా ఆయనే రివీల్ చేశారు.
‘ఎన్టీఆర్ 21’ స్టోరీ గురించి ఒక ఇంటర్వ్యూలో ప్రశాంత్ నీల్ మాట్లాడుతూ.. ఇది యాక్షన్ మూవీ అని భావిస్తారని తనకు తెలుసునని.. కానీ ఆ జోనర్లోకి వెళ్లాలనుకోవడం లేదన్నారు. డిఫరెంట్ ఎమోషన్స్తో కూడిన వైవిధ్యభరితమైన సినిమా అన్నారు. ప్రశాంత్ నీల్ ఎంత చెప్పినా గానీ ఎన్టీఆర్తో కాంబో అనగానే కచ్చితంగా యాక్షన్ మూవీనే ఆడియెన్స్, ఫ్యాన్స్ ఎక్స్పెక్ట్ చేస్తారు. కొత్త కథ అని చెప్పి యాక్షన్ పాళ్లు తగ్గిస్తే వాళ్లు ఒప్పుకోకపోవచ్చు. అయితే తారక్కు మంచి కథ దొరికితే నట విశ్వరూపం చూపిస్తారు. సీట్లకు ఆడియెన్స్ను కట్టిపడేస్తారు. ఒకవేళ యాక్షన్ లాంటివి తగ్గినా తన నటనాపటిమతో దాన్ని భర్తీ చేసేస్తారనే నమ్మకం, భరోసా ఉండబట్టే నీల్ ఈ ప్రాజెక్ట్ను ముందుకు తీసుకెళ్తున్నాడని వినిపిస్తోంది.
