Nidhan
యూత్తో పాటు ఫ్యామిలీ ఆడియెన్స్లోనూ మంచి క్రేజ్ కలిగిన హీరోలుగా నాని, రానాను చెప్పొచ్చు. రొటీన్కు భిన్నంగా ఉండే సినిమాల్లో నటించడం వీళ్లిద్దరికీ అలవాటు.
యూత్తో పాటు ఫ్యామిలీ ఆడియెన్స్లోనూ మంచి క్రేజ్ కలిగిన హీరోలుగా నాని, రానాను చెప్పొచ్చు. రొటీన్కు భిన్నంగా ఉండే సినిమాల్లో నటించడం వీళ్లిద్దరికీ అలవాటు.
Nidhan
యూత్తో పాటు ఫ్యామిలీ ఆడియెన్స్లోనూ మంచి క్రేజ్ కలిగిన హీరోలుగా నాని, రానాను చెప్పొచ్చు. రొటీన్కు భిన్నంగా ఉండే సినిమాల్లో నటించడం వీళ్లిద్దరికీ అలవాటు. జోనర్ ఏదైనా తమ యాక్టింగ్తో ప్రేక్షకులను థ్రిల్ చేస్తుంటారు. వీళ్లను స్క్రీన్ పై చూసేందుకు ఫ్యాన్స్ ఎంతగానో ఎదురు చూస్తుంటారు. ఈ ఇద్దరు స్టార్ల మధ్య మంచి ఫ్రెండ్షిప్ ఉంది. గతంలో కలసి ఓ అవార్డ్ ఫంక్షన్కు హోస్ట్లుగానూ అలరించారు. అలాంటోళ్ల మధ్య గొడవ అంటే అందరూ షాక్ అవుతున్నారు. ఈ ఇద్దరు హీరోల మధ్య వార్ మొదలవడం టాక్ ఆఫ్ ది టౌన్ అయిపోయింది. అయితే టెన్షన్ పడాల్సిందేమీ లేదు.
నాని-రానా విడివిడిగా తెర మీద కనిపిస్తేనే అభిమానులు తట్టుకోలేరు. అలాంటిది ఈ స్టార్లు ఇద్దరూ కలసి సిల్వర్స్క్రీన్ మీద సందడి చేస్తే ఎలా ఉంటుందో ఊహించుకోవచ్చు. అవును, ఇది నిజం కాబోతోంది. నాని-రానా కలసి స్క్రీన్ను షేర్ చేసుకోనున్నారు. దీన్ని ‘హిట్’ సిరీస్ డైరెక్టర్ శైలేష్ కొలను నిజం చేయనున్నాడని తెలిసింది. టాలీవుడ్లో బాగా ఫేమస్ అయిన ఫ్రాంచైజీల్లో ఒకటి ‘హిట్’. నాని నిర్మాణంలో, శైలేష్ కొలను దర్శకత్వంలో ఈ ఫ్రాంచైజీ నుంచి ఇప్పటివరకు రెండు సినిమాలు వచ్చాయి. ‘హిట్’లో యంగ్ హీరో విశ్వక్సేన్ నటించగా.. ‘హిట్ 2’లో మరో యువ కథానాయకుడు అడివి శేష్ అలరించారు. ఈ రెండు చిత్రాలు మంచి హిట్లుగా నిలిచాయి. గ్రిప్పింగ్ స్క్రీన్ ప్లే, చివరి వరకు కొనసాగే సస్పెన్స్ అంశాలతో ఈ థ్రిల్లర్స్ మంచి విజయాలు సాధించాయి. ‘హిట్ 2’ ఆఖర్లో నానీని చూపించి డైరెక్టర్ మెప్పించాడు. మూడో పార్ట్కు ఆయనే హీరో అని రివీల్ చేశాడు. ఈ సిరీస్లో మరిన్ని సినిమాలు ఉంటాయని శైలేష్ కొలను ఇప్పటికే ప్రకటించాడు. దీంతో థర్డ్ పార్ట్ అనౌన్స్మెంట్ గురించి అందరూ ఆసక్తిగా ఎదురుచూస్తున్నారు. ఈ తరుణంలో ఓ క్రేజీ న్యూస్ బయటకు వచ్చింది. ‘హిట్ 3’లో నాని-రానా కలసి యాక్ట్ చేయనున్నారని సమాచారం.
‘హిట్ 3’లో హీరోగా నాని, విలన్గా రానా కనిపించడం దాదాపుగా కన్ఫర్మ్ అయిందని తెలుస్తోంది. ఇద్దరి మధ్య స్క్రీన్పై ఫైట్ తప్పదట. ఇప్పటికే ఈ ప్రాజెక్ట్కు సంబంధించిన పూర్తి కథను శైలేష్ రెడీ చేశాడని.. దానికి నాని గ్రీన్ సిగ్నల్ కూడా ఇచ్చారని టాలీవుడ్ సర్కిల్స్లో వినిపిస్తోంది. రానాతోనూ స్టోరీ సిట్టింగ్స్ జరిగాయని.. నానితో కలసి నటించేందుకు ఆయన ఓకే చెప్పారని టాక్ నడుస్తోంది. అయితే ఇందులో ఎంత నిజం ఉందో తెలియాలంటే మూవీ టీమ్ నుంచి అఫీషియల్ అనౌన్స్మెంట్ వచ్చే వరకు ఆగాలి. ఇక, సైకోలను పట్టుకునేందుకు హీరో రంగంలోకి దిగడం.. ఒక్కో ఫజిల్ను దాటుకుంటూ కేసును సాల్వ్ చేయడం ‘హిట్’ సిరీస్ కథ. ఈ ఫార్మాట్ ప్రకారం చూస్తే మూడో పార్ట్లో రానా సైకో కిల్లర్గా యాక్ట్ చేసే అవకాశాలు కనిపిస్తున్నాయి. మరి.. నాని-రానాను తెర మీద చూసేందుకు మీరెంతగా ఎదురు చూస్తున్నారో కామెంట్ చేయండి.
