రామ్‌ చరణ్‌ ‘గేమ్‌ ఛేంజర్‌’ వీడియోలు, ఫొటోలు లీక్‌!

మెగా పవర్‌ స్టార్‌ రామ్‌ చరణ్‌, దేశ దిగ్గజ దర్శకుడు శంకర్‌ కాంబోలో ‘గేమ్‌ ఛేంజర్‌’ అనే సినిమా తెరకెక్కుతున్న సంగతి తెలిసిందే. ఈ సినిమాలో రామ్‌ చరణ్‌కు జతగా కియారా అద్వానీ నటిస్తోంది. ప్రముఖ తెలుగు నిర్మాత దిల్‌ రాజు ప్రొడ్యూసర్‌గా వ్యవహరిస్తున్నారు. ఈ సినిమా షూటింగ్‌ తుది దశకు చేరుకుంది. తాజాగా, సినిమాకు సంబంధించిన ఓ పాట చిత్రీకరణ జరిగినట్లు తెలుస్తోంది. అయితే, ఈ పాటకు సంబంధించిన కొన్ని ఫొటోలు, వీడియోలు సోషల్‌ మీడియాలో లీక్‌ అయ్యాయి.

పాట చిత్రీకరణలో రామ్‌ చరణ్‌, కియారా అద్వానీ ఉన్న దృశ్యాలవి. బీచ్‌లో పాట చిత్రకరణ జరుగుతుండగా.. రామ్‌ చరణ్‌ నల్ల కోటు, తెల్ల బట్టలు ధరించి ఉన్నారు. కియారా అద్వానీ నల్ల దుస్తుల్లో ఉంది. చిత్ర నృత్య దర్శకుడు బోస్కో మార్టిస్‌ అందరికీ సూచనలు ఇస్తూ ఉన్నారు. కేవలం ఈ సీన్‌ మాత్రమే కాదు.. రామ్‌ చరణ్‌ బీచ్‌లో గుర్రపు స్వారీ చేస్తున్న దృశ్యాల తాలూకా వీడియో కూడా సోషల్‌ మీడియాలో వైరల్‌గా మారింది. అయితే, సినిమా షూటింగ్‌కు సంబంధించిన వీడియోలు, ఫొటోలు లీక్‌ అవుతున్నా..

దర్శకుడు శంకర్‌ గానీ, నిర్మాత దిల్‌ రాజు గానీ, వాటిపై స్పందించకపోవటం గమనార్హం. ఇక, సినిమా విడుదల, ఇతర విషయాల గురించి నిర్మాత దిల్‌ రాజు గోప్యత పాటిస్తున్నట్లు తెలుస్తోంది. ఆయనను సినిమా గురించి ఏ ప్రశ్న అడిగినా.. దర్శకుడు శంకర్‌ను అడగమంటూ మాట దాటేస్తున్నారట. ఇక, ఈ సినిమా విడుదలపై క్లారిటీ లేదు. 2024లోనే విడుదల అవుతుందా.. వచ్చే ఏడాది సంక్రాంతికి పోస్ట్‌ పోన్‌ అవుతుందా అన్నది దర్శక, నిర్మాతలకే తెలియాలి. మరి, ఇండస్ట్రీని పట్టి పీడిస్తున్న ఈ లీకుల వ్యవహారంపై మీ అభిప్రాయాలను కామెంట్ల రూపంలో తెలియజేయండి.

#KiaraAdvani and #RamCharan‘s leaked photo from the sets of upcoming blockbuster #GameChanger pic.twitter.com/TmK5xJLclJ

— Bolly Update (@UpdateBolly) August 24, 2023