ఏపీలో ఘోర రోడ్డు ప్రమాదం.. విద్యార్థులపైకి దూసుకెళ్లిన ప్రైవేట్ బస్సు!

ఏపీలోని చిలకలూరిపేటలో శనివారం ఘోర రోడ్డు ప్రమాదం చోటు చేసుకుంది. ఉదయం బస్సు కోసం బస్టాండ్ వద్ద నిలుచున్న విద్యార్థులపైకి ఓ ప్రైవేట్ బస్సు దూసుకెళ్లింది. ఈ ప్రమాదంలో చాలా మంది ప్రయాణికులకు తీవ్ర గాయాలయ్యాయి. ఇంతే కాకుండా ఈ ప్రమాదంలో షేక్ మసీదా అనే విద్యార్థిని అక్కడికక్కడే మరణించగా మరో విద్యార్థిని పరిస్థితి విషమంగా మారింది. దీంతో వెంటనే స్పందించిన కొందరు స్థానికులు పోలీసులకు సమాచారం అందించారు.

హుటాహుటిన ఘటనా స్థలానికి చేరుకున్న పోలీసులు ఆ యువతి మృతదేహాన్ని స్వాధీనం చేసుకుని, గాయపడ్డ యువతిని స్థానిక ఆస్పత్రికి తరలించి చికిత్స అందిస్తున్నారు. అయితే షేక్ మసీదా మరణవార్త తెలియడంతో ఆమె తల్లిదండ్రులు, బంధువులు గుండెలు పగిలేలా ఏడుస్తున్నారు. అనంతరం పోలీసులు ఈ ఘటనపై కేసు నమోదు చేసుకుని దర్యాప్తు చేస్తున్నారు. మాకు న్యాయం చేయాలని మృతురాలి కుటుంబ సభ్యులు డిమాండ్ చేస్తున్నారు. తాజాగా చోటు చేసుకున్న ఈ ఘటన స్థానికంగా తీవ్ర విషాదంగా మారింది.

• ఇది కూడా చదవండి: గణేష్‌ నిమజ్జనంలో అపశృతి.. భక్తులపై దాడి చేసిన చేప!