స్టార్ ఆల్రౌండర్ హార్దిక్ పాండ్యా పేరు ఇప్పుడు వార్తల్లో బాగా వినిపిస్తోంది. గుజరాత్ టైటాన్స్ ఫ్రాంచైజీ అతడ్ని వదులుకోవాలని డిసైడ్ అవ్వడమే దీనికి కారణంగా చెప్పొచ్చు.
స్టార్ ఆల్రౌండర్ హార్దిక్ పాండ్యా పేరు ఇప్పుడు వార్తల్లో బాగా వినిపిస్తోంది. గుజరాత్ టైటాన్స్ ఫ్రాంచైజీ అతడ్ని వదులుకోవాలని డిసైడ్ అవ్వడమే దీనికి కారణంగా చెప్పొచ్చు.
వరల్డ్ కప్-2023 ముగియడంతో ఇప్పుడు ఇండియన్ ప్రీమియర్ లీగ్ (ఐపీఎల్) ఫీవర్ పట్టుకుంది. ఈ మెగా లీగ్ కొత్త సీజన్ మొదలయ్యేందుకు మరో 4 నెలల టైమ్ ఉంది. కానీ ఆటగాళ్లను పరస్పరం మార్చుకునే ట్రేడింగ్ విండో కూడా ముగుస్తుండటంతో ఇప్పుడంతా ఐపీఎల్ గురించే మాట్లాడుకుంటున్నారు. ఏయే ప్లేయర్లను ఫ్రాంచైజీలు వదులుకుంటాయి? ఏ ఆటగాళ్లను ఎవరు రీటేన్ చేసుకుంటారనేది ఇంట్రెస్టింగ్గా మారింది. ఈసారి ట్రేడింగ్ విండో ఇంతగా వార్తల్లో నిలవడానికి కారణం హార్దిక్ పాండ్యా అనే చెప్పాలి. ఐపీఎల్లో గుజరాత్ టైటాన్స్కు పాండ్యా కెప్టెన్గా ఉన్న విషయం తెలిసిందే. అయితే ఈసారి రిటెన్షన్లో భాగంగా అతడు తిరిగి ముంబై ఇండియన్స్ గూటికి చేరడం దాదాపుగా ఖాయమైందని క్రికెట్ వర్గాలు అంటున్నాయి.
హార్దిక్ పాండ్యా రిటెన్షన్కు సంబంధించి అటు గుజరాత్ టైటాన్స్ గానీ ఇటు ముంబై ఇండియన్స్ గానీ ఎలాంటి ప్రకటన చేయలేదు. అయితే ప్లేయర్లను మార్చుకోవడానికి ఫ్రాంచైజీలకు ఆదివారం వరకు గడువు ఉంది. దీంతో అప్పటిలోగా దీని మీద క్లారిటీ వచ్చే ఛాన్స్ లేనట్లే. కానీ హార్దిక్ గురించి ముంబైతో గుజరాత్ చర్చలు జరిపిందట. అతడు ఫ్రాంచైజీ మారడం దాదాపుగా ఓకే అయిందట. ఇంకా అగ్రిమెంట్ కానప్పటికీ ఈ విషయంపై రెండు ఫ్రాంచైజీలు పాజిటివ్గా ఉన్నాయని.. పాండ్యా ముంబైకి వెళ్లడం ఫిక్స్ అని సమాచారం. అయితే హార్దిక్ సొంతగూటికి తిరిగొస్తే రోహిత్ శర్మ కెప్టెన్సీలో ఆడతాడా? లేదంటే అతడ్నే కెప్టెన్ చేస్తారా? అన్నది ఇంట్రెస్టింగ్గా మారింది.
హార్దిక్ పాండ్యా స్థానంలో గుజరాత్ టైటాన్స్కు యంగ్ క్రికెటర్ శుబ్మన్ గిల్ కెప్టెన్గా సెలక్ట్ అయ్యే ఛాన్స్ ఉంది. అయితే రిటెన్షన్లో భాగంగా హార్దిక్ కోసం ముంబై చెల్లిస్తున్న వ్యయం ఎంతో తెలిస్తే మాత్రం షాకవ్వాల్సిందే. ఈ స్టార్ ఆల్రౌండర్ కోసం ఏకంగా రూ.15 కోట్లు ఖర్చు పెట్టేందుకు సిద్ధమైనట్లు సమాచారం. హార్దిక్ను తమకు ఇచ్చినందుకు గుజరాత్కు పదిహేను కోట్లు ఇవ్వడానికి ముంబై ఇండియన్స్ ఓకే చెప్పిందట. అయితే పాండ్యాకు బదులు ముంబై నుంచి డబ్బులు మాత్రమే తీసుకుంటున్న గుజరాత్.. బదులుగా అటు నుంచి మరో ప్లేయర్ను తీసుకునేందుకు మాత్రం నో చెప్పిందట. హార్దిక్ను ఇస్తున్నందుకు బదులుగా తమకు డబ్బులు ఇస్తే చాలని చెప్పిందని క్రికెట్ వర్గాలు అంటున్నాయి.
హార్దిక్ పాండ్యా విషయంలో గుజరాత్ టైటాన్స్ వ్యవరిస్తున్న తీరు కాస్త వింతగా అనిపిస్తోందని చెప్పాలి. ఐపీఎల్లో గుజరాత్కు కెప్టెన్గా ఉన్న అతను.. ఒకసారి టీమ్కు కప్ అందించాడు. మరోమారు జట్టును ఫైనల్కు తీసుకెళ్లాడు. బ్యాటింగ్, బౌలింగ్లో రాణిస్తూ జట్టును ముందుండి లీడ్ చేశాడు. అద్భుతమైన పెర్ఫార్మెన్స్, ఇంత సక్సెస్ రేట్ ఉన్న పాండ్యాను గుజరాత్ ఎందుకు వదులుకుంటోందో ఎవరికీ అర్థం కావడం లేదు. అందునా టీమ్కు కెప్టెన్ అయిన ప్లేయర్ను ఎందుకు ముంబైకి ఇస్తోందో అంతు చిక్కడం లేదు. కేవలం డబ్బుల కోసమే అతడ్ని వదులుకుంటోందా అనే ప్రశ్నలు తలెత్తుతున్నాయి. గిల్ను కెప్టెన్ చేసి.. హార్దిక్ రిటెన్షన్తో వచ్చే డబ్బులతో మరో ఇద్దరు స్టార్ ప్లేయర్లను తీసుకోవాలనేది ఆ జట్ట ప్లాన్ అని కొందరు అనలిస్టులు అంటున్నారు. గుజరాత్ యాజమాన్యానికి పాండ్యాకు పొసగట్లేదని.. అందుకే ఈ రిటెన్షన్ తెర మీదకు వచ్చిందని సోషల్ మీడియాలో రూమర్స్ వస్తున్నాయి. మరోవైపు టీమ్ కెప్టెన్సీని కాదనుకొని గుజరాత్ నుంచి ముంబైకి హార్దిక్ ఎందుకు వెళ్లిపోతున్నాడనేదీ అర్థం కావడం లేదు. మరి.. పాండ్యా గుజరాత్ను వదిలి వెళ్తున్నాడనే వార్తలపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: రిటైర్మెంట్ ప్రకటించిన పాకిస్థాన్ ఆల్రౌండర్.. బాబర్తో ఫైటే కారణమా?
IPL retention updations. [Espn Cricinfo]
– Hardik Pandya set to join Mumbai Indians.
– Mumbai Indians will be paying 15 crore to Gujarat Titans.
– Gujarat Titans will not take any player from Mumbai Indians in this trade. pic.twitter.com/qqt14Bnzlo
— Johns. (@CricCrazyJohns) November 24, 2023
