బాబర్ ఆజం.. బ్యాటర్గా, పాకిస్థాన్ కెప్టెన్గా అందరికీ సుపరిచితుడే. నిలకడగా ఆడుతూ తక్కువ టైమ్లోనే టీమ్ను లీడ్ చేసే స్థాయికి ఎదిగాడు బాబర్. ముఖ్యంగా వన్డే క్రికెట్లో బాబర్ ఆజం కన్సిస్టెంట్గా పెర్ఫార్మ్ చేస్తున్నాడు. దీంతో ప్రస్తుత తరంలో ఉన్న బెస్ట్ ప్లేయర్లతో బాబర్ను పోల్చడం మొదలైంది. టీమిండియా స్టార్ బ్యాటర్ విరాట్ కోహ్లీతో పాటు ఆస్ట్రేలియా బ్యాట్స్మన్ స్టీవ్ స్మిత్తో బాబర్ను కంపేర్ చేయడం స్టార్ట్ చేశారు పాక్ ఫ్యాన్స్. వీళ్లిద్దరి కంటే బాబర్ బెస్ట్ బ్యాట్స్మన్ అని పలు సందర్భాల్లో పాక్ అభిమానులతో పాటు ఆ దేశ సీనియర్ క్రికెటర్లు కామెంట్స్ చేయడం గురించి న్యూస్లో వింటూనే ఉన్నాం.
పాక్ సీనియర్లు, ఫ్యాన్స్ ఇస్తున్న బిల్డప్కు బాబర్ ఆజం ఆటకు ఏమాత్రం సంబంధం కనిపించడం లేదు. ఇటీవల జరిగిన ఆసియా కప్లో బాబర్ అట్టర్ ఫ్లాప్ అయ్యాడు. లంకతో పాటు పాక్ ఆతిథ్యం ఇచ్చిన ఆ టోర్నీలో అతడి ఫెయిల్యూర్ జట్టుకు శాపంగా మారింది. ఆ టోర్నీలో స్వదేశీ పిచ్ల పైనా అతడు రాణించలేకపోయాడు. అతడికి తోడు మిగిలిన వాళ్లూ సరిగ్గా ఆడకపోవడం, ఇంజ్యురీ కారణంగా ఒకరిద్దరు ప్లేయర్లు దూరం కావడంతో ఆసియా కప్లో సూపర్-4 దశలోనే పాక్ వెనుదిరిగింది. ఆ టోర్నీలో భారత్తో పాటు లంక చేతిలోనూ ఓటమిపాలైంది. అయితే వరల్డ్ కప్లో మాత్రం మంచి స్టార్ట్ చేసింది పాకిస్థాన్.
ప్రపంచ కప్-2023లో ఇప్పటిదాకా ఆడిన రెండు మ్యాచుల్లోనూ పాక్ గెలిచింది. పసికూన నెదర్లాండ్స్తో పాటు శ్రీలంకతో మంగళవారం జరిగిన మ్యాచ్లోనూ దాయాది జట్టు విజయం సాధించింది. అయితే ఈ రెండు మ్యాచుల్లోనూ పాక్ కెప్టెన్ బాబర్ ఆజం ఫెయిలయ్యాడు. రెండు ఇన్నింగ్స్ల్లో కలిపి అతడు 15 రన్స్ చేశాడు. ఇందులో ఒక ఫోర్ మాత్రమే ఉంది. దీంతో భారత ఫ్యాన్స్, నెటిజన్స్ అతడిపై ఫైర్ అవుతున్నారు. మెగా టోర్నీ ఆరంభానికి ముందు ఇండియన్ గ్రౌండ్స్పై బాబర్ ఆజం చేసిన కామెంట్సే దీనికి కారణం. భారత మైదానాల్లోని బౌండరీలు చాలా చిన్నగా ఉంటాయని అతడు వ్యాఖ్యానించాడు.
ఇండియన్ గ్రౌండ్స్ సైజ్ చిన్నగా ఉంటాయన్న బాబర్ ఆజం.. వరుసగా రెండు మ్యాచుల్లో ఫెయిలయ్యాడు. అంతేగాక ఈ రెండు మ్యాచుల్లో కలిపి కేవలం ఒకే బౌండరీ కొట్టాడు. దీంతో అతడిపై భారీగా ట్రోలింగ్ జరుగుతోంది. మాటలు కాదు బాబర్.. దమ్ముంటే ఆడి చూపించాలని నెటిజన్స్ అతడికి సవాల్ విసురుతున్నారు. పాక్ కెప్టెన్ నోటిని అదుపులో పెట్టుకోవాలని సోషల్ మీడియాలో కొందరు కామెంట్స్ చేస్తున్నారు. బాబర్.. వెల్కమ్ టు ఇండియా, ఇక్కడ ఆడటం అంత ఈజీ కాదని నెటిజన్స్ అంటున్నారు. అయితే తన మీద వస్తున్న విమర్శలకు బాబర్ బ్యాట్తో సమాధానం చెబుతాడా? లేదా మళ్లీ ఫెయిలై ట్రోలింగ్కు గురవుతాడా? అనేది చూడాలి. మరి.. బాబర్ ఆజం పెర్ఫార్మెన్స్పై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: CWC 2023: మరోసారి చీటింగ్ చేసిన పాక్.. లంకతో మ్యాచ్లోనూ రిపీట్!
View this post on Instagram
