ఓటిటి లవర్స్ కి ప్రతీ వారం.. ముఖ్యంగా ప్రతీ శుక్రవారం పండగ వాతావరణమే అవుతుంది. ఎందుకంటే.. ఆల్రెడీ ఉన్న ఓటిటి ప్లాట్ ఫామ్స్ మాత్రమే కాకుండా కొత్తగా ఎన్నో ఓటిటి వేదికలు పుట్టుకొస్తున్నాయి. ప్రేక్షకులను అలరించడానికి ఆ రేంజ్ లో పోటీ పడుతున్నాయి ఓటిటిలు. శుక్రవారం వస్తే చాలు.. కొత్త సినిమాలు, వెబ్ సిరీస్ లు కుప్పలుగా వచ్చి వాలిపోతాయి. ఇంకేముంది.. వెయిట్ చేస్తున్న ఓటిటి ఫ్యాన్స్ అందరికీ బిర్యానీ దొరికినట్లే అనుకోవాలి. ప్రతీ వారం మాదిరే ఈసారి కూడా పదుల సంఖ్యలో ఓటిటి సినిమాలు స్ట్రీమింగ్ కి రెడీ అయిపోయాయి. సరే వారం మొత్తంలో అన్ని సినిమాలు అనుకుంటే పొరపాటే.
తాజా సమాచారం ప్రకారం.. కేవలం శుక్రవారం రోజునే ఏకంగా ఇరవైకి పైగా సినిమాలు, వెబ్ సిరీస్ లు డిజిటల్ స్ట్రీమింగ్ అవుతున్నాయి. అందుకోసం తెలిసినవి.. కొత్తగా పుట్టుకొచ్చిన ఓటిటిలు సైతం స్ట్రీమింగ్ చేసేందుకు సిద్ధం అయిపోయాయి. అయితే.. ఓటిటి సినిమాలకు ఆదరణ పెరిగిన తర్వాత.. సినిమా లవర్స్ భాషతో సంబంధం లేకుండా అన్ని సినిమాలు చూసేస్తున్నారు. కంటెంట్ ప్రధానంగా ఉండే సినిమాలు ఏ భాషలో విడుదలయినా.. స్ట్రీమింగ్ కి వచ్చాక మన భాషలో అందుబాటులోకి వస్తే.. ఖచ్చితంగా వదలకుండా చూస్తారు ప్రేక్షకులు. మరి ఈసారి ఏకంగా 22 సినిమాలు స్ట్రీమింగ్ కి కాచుకున్నాయి.
