భారత టీమ్ వరుస విజయాలు సాధించడం, వరల్డ్ కప్ ఫైనల్కు చేరుకోవడంలో కెప్టెన్ రోహిత్ శర్మ పాత్ర ఎంత ఉందో స్పెషల్గా చెప్పనక్కర్లేదు. అయితే మనకే కాదు.. ఫైనల్కు చేరుకున్న ఆసీస్ టీమ్కూ ఓ హిట్మ్యాన్ ఉన్నాడు.
భారత టీమ్ వరుస విజయాలు సాధించడం, వరల్డ్ కప్ ఫైనల్కు చేరుకోవడంలో కెప్టెన్ రోహిత్ శర్మ పాత్ర ఎంత ఉందో స్పెషల్గా చెప్పనక్కర్లేదు. అయితే మనకే కాదు.. ఫైనల్కు చేరుకున్న ఆసీస్ టీమ్కూ ఓ హిట్మ్యాన్ ఉన్నాడు.
వన్డే వరల్డ్ కప్లో భారత్ వరుస విజయాల్లో కెప్టెన్ రోహిత్ శర్మ రోల్ గురించి ఎంత చెప్పినా తక్కువే. సారథిగా ప్లేయర్లకు అండగా ఉంటూ, కీలక సమయంలో సలహాలు, సూచనలు ఇస్తున్నాడు. టైమ్కు తగ్గట్లు అవసరమైతే డేరింగ్ డెసిజన్స్ కూడా తీసుకుంటున్నాడు. ఎవరైనా ఆటగాళ్లు ఫెయిలైనా వాళ్లకు సపోర్ట్గా ఉంటూ, బాగా పెర్ఫార్మ్ చేసేలా ప్రయత్నిస్తున్నాడు హిట్మ్యాన్. కెప్టెన్గానే గాక బ్యాటింగ్లోనూ జట్టును ముందుండి లీగ్ చేస్తున్నాడు రోహిత్. ఈ మెగా టోర్నీలో చెలరేగిపోతున్న ఈ స్టార్ బ్యాటర్.. ఇప్పటిదాకా 10 మ్యాచ్లు ఆడి 550 రన్స్ చేశాడు.
ఓపెనింగ్ చేస్తున్న రోహిత్ శర్మ ధనాధన్ ఇన్నింగ్స్లు ఆడుతూ టీమిండియాకు అదిరిపోయే స్టార్ట్స్ ఇస్తున్నాడు. ప్రెజర్ను అపోజిషన్ టీమ్పై పెట్టడంలో సక్సెస్ అవుతున్నాడు. దీంతో తర్వాత వచ్చే బ్యాటర్స్ స్వేచ్ఛగా బ్యాట్ను ఝళిపిస్తున్నారు. ఇప్పటి వరకు ఆడుతూ వచ్చినట్లుగానే ఫైనల్లోనూ ఆస్ట్రేలియాపై రోహిత్ ఇదే తీరులో ఆడితే భారత్ అకౌంట్లో మూడో వరల్డ్ కప్ వచ్చి చేరినట్లే. అయితే మనకే కాదు.. ఆసీస్ టీమ్లోనూ ఒక హిట్మ్యాన్ ఉన్నాడు. అతడు కూడా రోహిత్లాగే ఈ ప్రపంచ కప్లో బ్యాట్తో రెచ్చిపోతున్నాడు. అవసరమైనప్పుడు వికెట్లు కూడా తీస్తూ టీమ్ విజయాల్లో కీలక పాత్ర పోషిస్తున్నాడు.
ఆసీస్ హిట్మ్యాన్ మరెవరో కాదు.. ఓపెనర్ ట్రావిస్ హెడ్. ఇంజ్యురీ తర్వాత స్ట్రాంగ్గా కమ్బ్యాక్ ఇచ్చాడీ ప్లేయర్. వరల్డ్ కప్ మధ్యలో టీమ్తో జాయిన్ అయ్యాడు. లీగ్ దశలో న్యూజిలాండ్పై ఆడిన తొలి మ్యాచ్లోనే మెరుపు సెంచరీతో తన విలువ ఏంటో చాటాడు హెడ్. ఆ తర్వాత పలు మ్యాచుల్లో ఫెయిలైనప్పటికీ.. కీలకమైన నాకౌట్ మ్యాచ్లో మాత్రం ఆల్రౌండ్ మెరుపులతో జట్టును గెలిపించి ఫైనల్కు చేర్చాడు. సౌతాఫ్రికాతో సెమీస్లో 48 బంతుల్లో 62 రన్స్ చేసి టార్గెట్ ఛేజ్ చేయడంలో కీలక పాత్ర పోషించాడు. స్టార్టింగ్లో హెడ్ వేగంగా ఆడటం వల్లే ఆ తర్వాత వరుసగా వికెట్లు పడ్డా.. కిందా మీద పడి ఆసీస్ ఛేజ్ చేసింది.
పార్ట్ టైమర్ అయిన హెడ్ సెమీస్లో ఇద్దరు సఫారీ బ్యాటర్లను ఔట్ చేశాడు. మంచి ఊపు మీద ఉన్న హెన్రిచ్ క్లాసెన్ (47)తో పాటు ఆల్రౌండర్ మార్కో యాన్సెన్ (0)ను వరుస బంతుల్లో పెవిలియన్కు పంపాడు. వీళ్లిద్దరూ త్వరగా ఔటవ్వడంతో సౌతాఫ్రికా భారీ టార్గెట్ సెట్ చేయలేకపోయింది. గతంలో కంటే ఇప్పుడు మరింత అటాకింగ్ గేమ్ ఆడుతూ ప్రత్యర్థి జట్ల వెన్నులో వణుకు పుట్టిస్తున్నాడు హెడ్. గత సంవత్సరం వరల్డ్ టెస్ట్ ఛాంపియన్షిప్ ఫైనల్లో టీమిండియా ఓటమికి అతనే ప్రధాన కారణం. ఆ మ్యాచ్లో 169 పరుగుల మెరుపు ఇన్నింగ్స్తో మ్యాచ్ను మన టీమ్కు దూరం చేశాడు. హెడ్ మళ్లీ అదే పెర్ఫార్మెన్స్ రిపీట్ చేస్తాడేమోనని భారత ఫ్యాన్స్ భయపడుతున్నారు. మరి.. ఆసీస్ హిట్మ్యాన్ పెర్ఫార్మెన్స్పై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: ఆ ఒక్క లోటు అధిగమిస్తేనే ఇండియాకి వరల్డ్ కప్! లేకుంటే..!
