భారత స్టార్ బ్యాటర్ విరాట్ కోహ్లీ మరో అరుదైన ఘనత సాధించాడు. బ్యాటింగ్ గ్రేట్ సచిన్ టెండూల్కర్తో సమానంగా నిలిచాడు కింగ్ కోహ్లీ.
భారత స్టార్ బ్యాటర్ విరాట్ కోహ్లీ మరో అరుదైన ఘనత సాధించాడు. బ్యాటింగ్ గ్రేట్ సచిన్ టెండూల్కర్తో సమానంగా నిలిచాడు కింగ్ కోహ్లీ.
వన్డే వరల్డ్ కప్-2023లో టీమిండియా విజయాల పరంపర కొనసాగుతోంది. వరుసగా విక్టరీలు కొడుతూ కప్పు తమదే అని భారత్ టీమ్ ప్రత్యర్థులకు హెచ్చరికలు పంపుతోంది. ఎదురొచ్చిన ప్రతి టీమ్ను చిత్తుగా ఓడిస్తూ మెగా టోర్నీలో రోహిత్ సేన ఫుల్ డామినేషన్ చూపిస్తోంది. టీమిండియాతో మ్యాచ్ అంటేనే అవతలి జట్టు భయపడేలా ప్రస్తుతం పరిస్థితులు ఉన్నాయి. బౌలింగ్, బ్యాటింగ్, ఫీల్డింగ్.. ఇలా ఏ విభాగంలోనూ మన ప్లేయర్లు తగ్గేదేలే అనేలా పెర్ఫార్మ్ చేస్తున్నారు. దీంతో వాళ్ల జోరును అడ్డుకోవడం ఎవరి వల్లా కావడం లేదు.
మెగా టోర్నీలో డబుల్ హ్యాట్రిక్ విజయాలు సాధించిన భారత టీమ్ మొత్తం 12 పాయింట్లతో ఈసారి సెమీఫైనల్కు చేరుకున్న తొలి జట్టుగా నిలిచింది. మరో మూడు మ్యాచ్లు మిగిలి ఉండగానే రోహిత్ సేన సెమీస్కు క్వాలిఫై అయిపోయింది. దీంతో ఈ మ్యాచుల్లో కెప్టెన్ రోహిత్ శర్మ, కోచ్ రాహుల్ ద్రవిడ్ ప్రయోగాలు చేసే ఛాన్స్ ఉంది. వరుసగా విఫలమవుతున్న శుబ్మన్ గిల్, శ్రేయస్ అయ్యర్ల్లో ఒకర్ని తప్పించి యంగ్ బ్యాటర్ ఇషాన్ కిషన్కు అవకాశం ఇచ్చే సూచనలు కనిపిస్తున్నాయి. అలాగే జస్ప్రీత్ బుమ్రాకు రెస్ట్ ఇచ్చి శార్దూల్ ఠాకూర్ను మరోమారు టెస్ట్ చేసే వీలు కూడా ఉంది.
గాయంతో ఇబ్బంది పడుతున్న ఆల్రౌండర్ హార్దిక్ పాండ్యా మరో మూడు మ్యాచులు అందుబాటులో ఉండడని క్రికెట్ వర్గాల సమాచారం. సెమీస్ కల్లా హార్దిక్ కోలుకుంటే భారత్ మరింత డేంజరస్గా మారుతుంది. సో, మిగిలిన లీగ్ మ్యాచెస్ను తీసేస్తే.. కప్పు కొట్టాలంటే టీమిండియాకు సెమీస్, ఫైనల్స్ మాత్రమే కీలకం. ఆ రెండు మ్యాచుల్లోనూ గెలిస్తే కోట్లాది మంది భారతీయుల కలలు నెరవేరినట్లే. ఇదిలా ఉంటే.. ఇంగ్లండ్తో మ్యాచ్లో భారత స్టార్ బ్యాటర్ విరాట్ కోహ్లీ పెద్దగా రాణించలేదు. అతడు గోల్డెన్ డక్గా వెనుదిరిగాడు. బ్యాట్తో కాంట్రిబ్యూషన్ ఇవ్వకున్నా ఫీల్డింగ్లో అద్భుతంగా రాణించాడు. కెప్టెన్ రోహిత్కు, బౌలర్లకు విలువైన సూచనలు ఇస్తూ కనిపించాడు.
ఇంగ్లీష్ టీమ్తో మ్యాచ్లో వికెట్లు పడగానే బౌలర్లలో ఫుల్ జోష్ నింపాడు కోహ్లీ. అలాంటి విరాట్ ఈ మ్యాచ్తో మరో అరుదైన ఘనత సాధించాడు. వరల్డ్ కప్స్లో కోహ్లీకిది 27వ గెలుపు కావడం విశేషం. దీంతో అతడు లెజెండ్ సచిన్ టెండూల్కర్ సరసన నిలిచాడు. మెగా టోర్నీలో సచిన్ ప్రాతినిధ్యంలో భారత్ 27 మ్యాచుల్లో గెలుపొందింది. ఇప్పుడీ రికార్డును కింగ్ కోహ్లీ సమం చేశాడు. మరో మ్యాచ్లో నెగ్గితే సచిన్ రికార్డును కోహ్లీ అధిగమిస్తాడు. మరి.. కోహ్లీ అరుదైన ఘనతపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: రోహిత్, కోహ్లీతో పాటు బౌలర్లకే క్రెడిట్.. అతడ్ని ఎందుకు మర్చిపోతున్నారు?
Most wins in World Cups for India:
Virat Kohli – 27*
Sachin Tendulkar – 27
Two GOAT’s….!!!! pic.twitter.com/Zfdk17kMme
— Johns. (@CricCrazyJohns) October 29, 2023
