వీడియో: ప్రాణాలకు తెగించి శునకాన్ని కాపాడిన యువకుడు!

సాధారణంగా అగ్ని ప్రమాదాలు సంభవించినపుడు అటు వైపు వెళ్లాలంటేనే భయంతో వణికిపోతారు. అన్ని విధాలుగా భద్రతలు పాటిస్తూ ఫైర్ సిబ్బంది మంటలను కంట్రోల్ చేస్తుంటారు. పెద్ద పెద్ద మాల్స్, ధియేటర్లు, ఫైర్ ఫ్యాక్టీరీలు, వస్త్ర సముదాయాలు, కెమికల్ ఫ్యాక్టరీల్లో ఫైర్ సెఫ్టీ ఖచ్చితంగా వాడాలని నిబంధన ఉంటుంది. కానీ కొంతమంది నిర్లక్ష్యంగా వ్యవహరిస్తుంటారు. తీరా అగ్ని ప్రమాదాలు సంభవిచినపుడు ఉరుకులు.. పరుగులు పెడుతుంటారు. ఇదిలా ఉంటే ఈ మధ్య కాలంలో వాహనాలు, బైకుల్లో అకస్మాత్తుగా మంటలు చెలరేగి ప్రమాదాలకు గురి అవుతున్నాయి. తాజాగా ఓ కుక్క కోసం యువకుడు చేసిన సాహసం సోషల్ మీడియాలో తెగ హల్ చల్ చేస్తుంది. వివరాల్లోకి వెళితే..

సోషల్ మీడియాలో వైరల్ అవుతున్న వీడియో ప్రకారం.. ఓ ఇంట్లో అగ్ని ప్రమాదం సంభవించింది.. దాంతో అక్కడే ఉన్న కారు కూడా మంటల్లో చిక్కుకుంది. సమాచారం అందుకున్న ఫైర్ సిబ్బంది అక్కడికి చేరుకొని మంటలను అదుపు చేసే పనిలో పడ్డారు. అంతలోనే ఓ వ్యక్తి అక్కడికి వచ్చి ఫైర్ సిబ్బంది వారిస్తున్నా ఇంట్లోకి ప్రవేశించాడు. మంటలు చుట్టుముట్టినా ఇంట్లోకి దూరి కొద్ది సేపటి తర్వాత ఓ శునకాన్ని బయటకు తీసుకు వచ్చాడు. ఆ శునకాన్ని కాపాడే యత్నం ఆ వ్యక్తికి చేతులకు స్వల్ప గాయాలు అయ్యాయి. మంటలు చుట్టు ముట్టినా ఒక మూగజీవాన్ని రక్షించేందుకు ప్రాణాలకు తెగించిన ఆ వ్యక్తిపై జంతు ప్రేమికులు ప్రశంసలు కురిపించారు.

ఈ వీడియో మైక్రో బ్లాగింగ్ ఫ్లాట్ ఫామ్ ఎక్స్ లో @HumansNoContext అనే ఖాతాలో షేర్ చేయబడింది. ఈ వీడియో తో పాటు ‘ తన పెంపుడు శునకాన్ని కాపాడుకోవడానికి ఓ యువకుడు చేసిన సాహసం ఎంతో గొప్పది’ అంటూ రాశారు. ఇప్పటి వరకు 2 లక్షల 85 వేల మంది ఈ వీడియోని వీక్షించారు. వీడియో తిలకించిన ప్రతి ఒక్కరూ ఆ యువకుడిని హీరో అంటూ తెగ పొగిడేస్తున్నారు. ప్రస్తుతం సోషల్ మీడియాలో వీడియో తెగ వైరల్ అవుతుంది. నిజంగా మనుషులు అపాయంలో ఉంటేనే కాపాడటానికి ఎవరూ రారు.. అలాంటిది ఓ శనకం కోసం తన ప్రాణాలు పణంగా పెట్టిన ఆ యువకుడు నిజంగా గ్రేట్ అంటున్నారు నెటిజన్లు. ఈ వీడియోపై మీ అభిప్రాయాలు కామెంట్స్ రూపంలో తెలియజేయండి.

Man runs into burning home to save his dog pic.twitter.com/BOMk1nBDiU

— NO CONTEXT HUMANS (@HumansNoContext) January 25, 2024