వీడియో: గిల్​ను ఏడిపించిన పంత్.. బౌలర్​గా మారి భయపెట్టాడు!

బంగ్లాదేశ్​తో సెకండ్ టెస్ట్​కు సిద్ధమవుతోంది టీమిండియా. చెన్నైలోని చెపాక్ వేదికగా జరిగిన తొలి టెస్ట్​లో ఆ జట్టును చిత్తు చేసిన రోహిత్ సేన.. కాన్పూర్​లో కథ ముగించి సిరీస్​ను చేత పట్టాలని చూస్తోంది. అందుకోసం ఆటగాళ్లంతా నెట్స్​లో తీవ్రంగా శ్రమిస్తున్నారు. బుధవారం ఇక్కడికి చేరుకున్న ప్లేయర్లు.. కోచ్ గౌతం గంభీర్ పర్యవేక్షణలో చెమటలు చిందిస్తున్నారు. బ్యాటర్లు గంటల కొద్దీ బ్యాటింగ్ ప్రాక్టీస్ చేశారు. పేస్​ కంటే స్పిన్​ను ఫేస్ చేయడం మీద ఫోకస్ చేశారు. బౌలర్లు కూడా రిథమ్ కంటిన్యూ అయ్యేలా కష్టపడ్డారు. అయితే నెట్స్​లో యంగ్​స్టర్స్ శుబ్​మన్ గిల్, రిషబ్ పంత్ ప్రాక్టీస్ స్పెషల్ హైలైట్​గా నిలిచింది. నెట్ సెషన్​లో గిల్​తో ఆడుకున్నాడు పంత్. బౌలర్​గా మారి అతడ్ని భయపెట్టాడు. షాట్స్ కొట్టమంటూ ఏడిపించాడు.

బ్యాట్ పట్టుకొని గ్రౌండ్​లోకి దిగిన గిల్.. భారీ షాట్లు బాదుతానని రవీంద్ర జడేజాకు ప్రామిస్ చేశాడు. డ్రైవ్స్​తో పంత్​ మీద విరుచుకుపడతానని అన్నాడు. బాల్స్ పట్టాల్సిందిగా జడ్డూకు రిక్వెస్ట్ చేశాడు. దీంతో బాల్ చేతపట్టిన పంత్ తాడోపేడో తేల్చుకోవడానికి రెడీ అయ్యాడు. అప్పుడే అక్కడికి వచ్చిన రాహుల్.. పంత్​ను ఎంకరేజ్ చేశాడు. ఢిల్లీ ప్రీమియర్ లీగ్​లో బౌలింగ్ చేశావ్ కదా అన్నాడు. అయితే రిషబ్ తనదైన స్టైల్​లో ఆన్సర్ ఇచ్చాడు. ‘ఔను చేశా. అపోజిషన్ టీమ్ ఒక్క రన్ మాత్రమే చేయాల్సి ఉంది. అందుకే బౌలింగ్ చేశా’ అన్నాడు. ఈ జవాబుకు నవ్వును కంట్రోల్ చేసుకున్నాడు రాహుల్. ఆ తర్వాత బ్యాటింగ్​కు దిగిన గిల్​ను లెగ్ స్పిన్ డెలివరీస్​తో ఇబ్బంది పెట్టాడు పంత్.

పంత్ వేసిన ఓ బాల్​ను గిల్ సరిగ్గా ఆడలేకపోయాడు. ఆ బాల్ అతడి బ్యాట్​ను దాటుకొని వెళ్లిపోయింది. భలేగా బీట్ చేశాను అంటూ శుబ్​మన్​ను ఏడిపించాడు పంత్. నవ్వుతూ అతడ్ని ఆటపట్టించాడు. రిషబ్​తో పాటు ఇతరుల బౌలింగ్​లోనూ ఆడిన గిల్.. సూపర్బ్​గా ప్రాక్టీస్ చేయించావంటూ పంత్​ను పొగిడాడు. దీనికి సంబంధించిన వీడియో సోషల్ మీడియాలో వైరల్ అవుతోంది. ఇది చూసిన నెటిజన్స్.. ఇద్దరి మధ్య ఫ్రెండ్​షిప్ ఎంత బలంగా ఉందో చెప్పడానికి ఈ ఫన్నీ ఇన్సిడెంట్ బిగ్ ఎగ్జాంపుల్ అని అంటున్నారు. ఇక, చెన్నై టెస్ట్​లో ఈ ఇద్దరు యంగ్ బ్యాటర్స్ సెంచరీలతో మోత మోగించారు. భారీ ఇన్నింగ్స్​లతో బంగ్లాదేశ్​కు వణుకు పుట్టించారు. కాన్పూర్ టెస్ట్​లోనూ ఆ జట్టు బౌలర్లతో ఆడుకోవాలని చూస్తున్నారు. వీళ్ల ప్రాక్టీస్​ చూస్తుంటే.. అపోజిషన్ టీమ్​కు దబిడిదిబిడేనని అనిపిస్తోంది.

• ఇదీ చదవండి: టీమిండియాకు కొత్త వైస్ కెప్టెన్? క్లారిటీ ఇచ్చిన అసిస్టెంట్ కోచ్ అభిషేక్ నాయర్!

Spin bowling practice anyone? 🤔

We have a new spinner in town 😎@RishabhPant17 rolls his arm over 👌👌#TeamIndia | #INDvBAN | @ShubmanGill | @klrahul | @IDFCFIRSTBank pic.twitter.com/nlifAHo9Qu

— BCCI (@BCCI) September 26, 2024