వన్డే వరల్డ్ కప్-2023 సౌతాఫ్రికా టీమ్ అదరగొడుతోంది. మెగా టోర్నీ ఆరంభానికి ముందు ఈ జట్టుపై ఎవరికీ పెద్దగా ఎక్స్పెక్టేషన్స్ లేవు. సెమీస్కు చేరే ఫేవరెట్స్ లిస్టులో చాలా మంది వెటరన్ క్రికెటర్లు సౌతాఫ్రికాకు చోటివ్వలేదు. సెమీఫైనల్కు ఈ టీమ్ చేరడం కష్టమేనని కామెంట్స్ చేశారు. కానీ ఆ జట్టు అంచనాలకు మించి ఆడుతోంది. ఫస్ట్ మ్యాచులో శ్రీలంకను చిత్తు చేసిన సఫారీలు.. రెండో మ్యాచ్లో ఆస్ట్రేలియాను మట్టికరిపించారు. వరుసగా రెండు మ్యాచుల్లో భారీ విజయాలతో ప్రత్యర్థులకు హెచ్చరికలు పంపింది సౌతాఫ్రికా. శ్రీలంకతో తొలి మ్యాచ్లో సౌతాఫ్రికా బ్యాటర్లు ఆకాశమే హద్దుగా చెలరేగిపోయారు. ఏకంగా ముగ్గురు ప్లేయర్లు సెంచరీల మోత మోగించడంతో ఆ జట్టు 428 పరుగుల భారీ స్కోరు సాధించింది.
లంకపై ఓపెనర్ క్వింటన్ డికాక్తో పాటు ఎయిడెన్ మార్క్రమ్, వాండర్ డస్సెన్లు సెంచరీలు సాధించారు. ఫస్ట్ మ్యాచ్లో శతకం బాదిన డికాక్ ఆసీస్ మీదా మూడంకెల స్కోరును రీచ్ అయ్యాడు. తొలి మ్యాచ్లో 100 రన్స్, సెకండ్ మ్యాచ్లో 109 రన్స్ చేసిన డికాక్.. ఈ వరల్డ్ కప్ తనదే అంటున్నాడు. అయితే కంగారూ టీమ్పై సెంచరీతో అతడో స్పెషల్ ఫీట్ను సాధించాడు. వరల్డ్ కప్లో ఆస్ట్రేలియా మీద అతిపెద్ద ఇన్నింగ్స్ ఆడిన వికెట్ కీపర్ బ్యాట్స్మన్గా క్వింటన్ డికాక్ నిలిచాడు. ఇంతకుముందు లంక లెజెండ్ కుమార్ సంగక్కర పేరుపై ఉన్న రికార్డును అతడు బ్రేక్ చేశాడు. 2015 వరల్డ్ కప్లో సిడ్నీ వేదికగా జరిగిన మ్యాచ్లో ఆసీస్పై సంగక్కర 104 రన్స్ చేశాడు. లక్నో మ్యాచ్లో కంగారూ టీమ్పై 109 రన్స్ చేసిన డికాక్.. సంగక్కర రికార్డును అధిగమించాడు.
ప్రపంచ కప్ టోర్నీలో ఆసీస్పై సెంచరీలు బాదిన వికెట్ కీపర్ల లిస్టులో డికాక్, సంగక్కరతో పాటు బంగ్లాదేశ్ వికెట్ కీపర్ ముష్ఫికర్ రహీమ్ కూడా ఉన్నాడు. అయితే ఈ వరల్డ్ కప్లో ఆస్ట్రేలియాతో టీమిండియా ఆడిన ఫస్ట్ మ్యాచ్లో వికెట్ కీపర్ బ్యాట్స్మన్ కేఎల్ రాహుల్ (97 నాటౌట్) సెంచరీకి దగ్గరగా వచ్చి కొద్దిలో మిస్సయ్యాడు. ఆసీస్ఫై ఈ ఘనత సాధించడంలో టీమిండియా లెజెండ్ మహేంద్ర సింగ్ ధోని కూడా ఫెయిలయ్యాడు. 2019 వరల్డ్ కప్లో కంగారూలపై 65 రన్స్ చేశాడు ధోని. మెగా టోర్నీలో ఆ టీమ్పై ధోనీకి ఇదే బెస్ట్ స్కోరు. మరి.. ధోనీకి సాధ్యం కాని రికార్డును డికాక్ సాధించడంపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: ఇండో-పాక్ మ్యాచ్.. ఆ స్టార్ సింగర్ సహా ఆడిపాడనున్న సెలబ్రిటీస్ వీళ్లే..!
