వరల్డ్ కప్లో మరో ఇంట్రెస్టింగ్ మ్యాచ్కు రంగం సిద్ధమైంది. ఇండియా-న్యూజిలాండ్లు తాడోపేడో తేల్చుకునేందుకు రెడీ అయిపోయాయి. ఈ రెండు టీమ్స్ బలాబలాలు ఎలా ఉన్నాయో ఇప్పుడు చూద్దాం..
వరల్డ్ కప్లో మరో ఇంట్రెస్టింగ్ మ్యాచ్కు రంగం సిద్ధమైంది. ఇండియా-న్యూజిలాండ్లు తాడోపేడో తేల్చుకునేందుకు రెడీ అయిపోయాయి. ఈ రెండు టీమ్స్ బలాబలాలు ఎలా ఉన్నాయో ఇప్పుడు చూద్దాం..
వన్డే వరల్డ్ కప్-2023లో సమవుజ్జీల పోరుకు అంతా రెడీ అయిపోయింది. ఆ రెండు జట్లూ మెగా టోర్నీలో ఆడిన ప్రతి మ్యాచ్ గెలిచినవే. అందులో ఒకటి టీమిండియా అయితే.. మరొకటి న్యూజిలాండ్. ఓటమనేదే లేకుండా దూసుకెళ్తున్న ఈ రెండు టీమ్స్ మధ్య రసవత్తర మ్యాచ్కు ఇంకొన్ని గంటలే మిగిలి ఉంది. ఆడిన నాలుగుకు నాలుగు మ్యాచుల్లోనూ నెగ్గడమే గాక.. ఆయా మ్యాచుల్లో ప్రత్యర్థులపై తిరుగులేని ఆధిపత్యాన్ని ప్రదర్శించాయి భారత్, కివీస్. పవర్ఫుల్గా, మంచి స్ట్రెంగ్త్తో కనిపిస్తున్నాయి ఇరు టీమ్స్. ఈ నేపథ్యంలో ఈ ప్రపంచ కప్లో తొలి ఓటమిని రుచి చూసేదెవరోనని క్రికెట్ ఫ్యాన్స్ అందరూ ఆసక్తిగా ఎదురు చూస్తున్నారు.
మెగా టోర్నీలో ఆస్ట్రేలియా లాంటి పటిష్టమైన టీమ్ను తొలి మ్యాచ్లోనే ఢీకొన్న టీమిండియా.. ఆ మ్యాచ్లో కంగారూలను చిత్తు చేసింది. ఆ తర్వాత ఎదురుపడిన ఆఫ్ఘానిస్థాన్, పాకిస్థాన్, బంగ్లాదేశ్ను కూడా అలవోకగా ఓడించి సెమీస్ దిశగా దూసుకెళ్తోంది. ఇదే ఊపులో న్యూజిలాండ్ను కూడా చిత్తు చేయాలని భావిస్తోంది. మరోవైపు న్యూజిలాండ్ కూడా ఆడిన నాలుగు మ్యాచుల్లోనూ గెలిచి భారత్ను ఓడించాలనే కసి మీద కనిపిస్తోంది. ఈ మ్యాచ్లో నెగ్గిన టీమ్ వరల్డ్ కప్లో ఫేవరెట్ నుంచి హాట్ ఫేవరెట్గా అవతరిస్తుందని చెప్పొచ్చు. పెద్దగా అంచనాలు లేకుండా టోర్నీలో అడుగుపెట్టిన కివీస్ ఆడుతున్న తీరు, విలియమ్సన్ లేకపోయినా వరుసగా విజయాలు సాధించడం అందర్నీ షాక్కు గురిచేస్తోంది.
భారత్-న్యూజిలాండ్ మ్యాచ్కు ఆతిథ్యం ఇస్తున్న ధర్మశాల పిచ్ కివీస్ ఆడే తీరుకు బాగా సెట్ అవుతుంది. తన ఆల్రౌండ్ పెర్ఫార్మెన్స్తో జట్టులో పర్ఫెక్ట్ బ్యాలెన్స్ తీసుకొస్తున్న హార్దిక్ పాండ్యా ఈ మ్యాచ్కు దూరమవ్వడం భారత్కు ఎదురు దెబ్బే. కాబట్టి రోహిత్ సేనకు సవాల్ తప్పకపోవచ్చు. హిమాలయాల చెంతన ఉన్న ధర్మశాలలో చల్లటి వాతావరణం ఉంటుంది. అక్కడి పరిస్థితులు పేసర్లకు అనుకూలిస్తాయి. స్పిన్నర్లకు కూడా పిచ్ నుంచి సపోర్ట్ దొరికే ఛాన్స్ ఉంది. బ్యాటింగ్ అంత కష్టమేమీ కాదు. క్రీజులో సెటిలైతే రన్స్ చేయొచ్చు. మొత్తంగా ఇటు బౌలర్లకు, అటు బ్యాటర్లకు అనుకూలించే బ్యాలెన్స్ కలిగిన పిచ్గా అనలిస్టులు అంచనా వేస్తున్నారు.
మెగా టోర్నీలో టీమిండియాకు తొలి నలుగురైదురుగు బ్యాటర్లే పని పూర్తి చేస్తూ వచ్చారు. మిడిలార్డర్కు పెద్దగా బ్యాటింగ్ ఛాన్స్ రాలేదు. రోహిత్ శర్మ, విరాట్ కోహ్లీ, కేఎల్ రాహుల్ భీకర ఫామ్లో ఉన్నారు. శుబ్మన్ గిల్ కూడా రిథమ్ అందుకున్నాడు. అవకాశం వచ్చినప్పుడు శ్రేయస్ అయ్యర్ సత్తా చాటుతున్నాడు. అయితే పేస్కు అనుకూలించే పిచ్పై బాల్ కాస్త స్వింగ్ అయినా భారత బ్యాటర్లకు సవాల్ తప్పదు. అలాగే మిచెల్ శాంట్నర్ లాంటి క్వాలిటీ స్పిన్నర్ను మన బ్యాట్స్మెన్ ఎలా ఎదుర్కొంటారో కూడా కీలకం కానుంది. ఒకవేళ టాపార్డర్ ఫెయిలైతే, మిడిలార్డర్ ఎలా నిలబడుతుందో.. వాళ్లకు లోయరార్డర్ ఎంత మేర సహకరిస్తుందో చూడాలి.
హార్దిక్ పాండ్యా లేడు కాబట్టి రవీంద్ర జడేజా బ్యాటింగ్లోనూ సత్తా చాటాలి. బౌలింగ్లో జస్ప్రీత్ బుమ్రా, మహ్మద్ సిరాజ్, కుల్దీప్ యాదవ్, జడేజాలు అదే జోరును కంటిన్యూ చేస్తే సరిపోతుంది. ఒక్క ఛాన్స్ కోసం ఎదురు చూస్తున్న వెటరన్ పేసర్ మహ్మద్ షమీకి శార్దూల్ ప్లేస్లో అవకాశం దక్కొచ్చు. దాన్ని అతడు ఎలా వినియోగించుకుంటాడో చూడాలి. ఐసీసీ టోర్నీల్లో కివీస్పై భారత్కు మంచి రికార్డు లేదు. వరల్డ్ కప్-2019 సెమీస్లో న్యూజిలాండ్ మీద టీమిండియా ఓటమిని ఎవరూ మర్చిపోలేరు. వరల్డ్ టెస్ట్ సిరీస్ ఫైనల్-2021లోనూ భారత్కు కివీస్ చేతిలో ఓటమి తప్పలేదు.
రోహిత్ శర్మ, విరాట్ కోహ్లీ, జస్ప్రీత్ బుమ్రా, కుల్దీప్ యాదవ్ లాంటి ప్లేయర్లు భీకర ఫామ్లో ఉండటం, ఈ మధ్య కాలంలో ఎన్నడూ లేనంత జోష్లో జట్టు ఉండటం, కివీస్ కంటే అన్ని విభాగాల్లోనూ మరింత బలంగా ఉండటం, స్వదేశంలో మెగా టోర్నీ జరుగుతుండటం లాంటి విషయాలు టీమిండియాకు కలిసొచ్చే అంశాలు. వరుసగా విజయాలు దక్కుతుండటం, ఒత్తిడి మొత్తాన్ని కెప్టెన్ హిట్మ్యాన్ తీసుకొని ఇతరుల మీద పడకుండా చూసుకోవడం, సొంత ఫ్యాన్స్ ఫుల్ సపోర్ట్ చేస్తుండటం మన టీమ్కు బిగ్ ప్లస్. వీటన్నింటినీ లెక్కలోకి తీసుకుంటే ఇవాళ్టి మ్యాచ్లో భారత్ గెలవడం పక్కా. ఎక్స్పెక్టేషన్స్కు తగ్గట్లు ఆడితే టీమిండియా అకౌంట్లో మరో విక్టరీ పడ్డట్లే. మరి.. ఈ మ్యాచ్లో ఎవరు గెలుస్తారని మీరు భావిస్తున్నారో కామెంట్ల రూపంలో తెలియజేయండి.
ఇదీ చదవండి: కివీస్తో మ్యాచ్కు ముందు భారత్కు భారీ షాక్.. ఇద్దరు ప్లేయర్లకు ఇంజ్యురీ!
