Rohit Sharma: IPL స్ట్రాటజీని అప్లై చేయనున్న రోహిత్.. ఇక ఆఫ్ఘాన్​కు దబిడిదిబిడే!

సౌతాఫ్రికా టూర్ ముగించుకొని స్వదేశానికి చేరుకున్న టీమిండియా మరో కీలక సిరీస్​కు సిద్ధమైంది. ఆఫ్ఘానిస్థాన్​తో మూడు టీ20ల సిరీస్​లో ఆడనుంది రోహిత్ సేన. ఆఫ్ఘాన్​తో మ్యాచులకు అంత ఇంపార్టెన్స్ ఏంటని అనుకోకండి. ఈ ఏడాది జూన్​లో టీ20 వరల్డ్ కప్ జరగనున్న నేపథ్యంలో ఈ సిరీస్​ను టీమిండియా కీలకంగా భావిస్తోంది. ఈ సిరీస్ తర్వాత ఇంగ్లండ్​తో 5 టెస్టుల సిరీస్.. అనంతరం ఐపీఎల్ స్టార్ట్ అవుతుంది. కాబట్టి వరల్డ్ కప్​ ప్రిపరేషన్స్​లో ఆఫ్ఘాన్​ సిరీస్ కీలకంగా మారింది. మెగాటోర్నీకి ముందు ఆడే ఆఖరి టీ20 సిరీస్ ఇదే కావడంతో ప్రయోగాలు చేసేందుకు రెడీ అవుతోంది భారత్. టీమ్ కాంబినేషన్​ మీద క్లారిటీ రావాలంటే ఈ సిరీస్​ను అన్ని విధాలుగా ఉపయోగించుకోవాలని అనుకుంటోంది. ఇందులో భాగంగా ఐపీఎల్ తరహా స్ట్రాటజీని అవలంబించేందుకు టీమిండియా కెప్టెన్ రోహిత్ శర్మ రెడీ అవుతున్నాడని తెలుస్తోంది.

ఆఫ్ఘాన్​తో టీ20 సిరీస్​లో స్టార్ బ్యాటర్ విరాట్ కోహ్లీతో ప్రయోగం చేసేందుకు రోహిత్ శర్మ సిద్ధమవుతున్నాడట. ఈ సిరీస్​లో తనతో పాటు మరో ఓపెనర్​గా కోహ్లీని దింపాలని ఫిక్స్ అయ్యాడట. ఐపీఎల్​లో రాయల్​ ఛాలెంజర్స్ బెంగళూరు తరఫున ఆడే విరాట్.. అక్కడ ఓపెనింగ్ స్లాట్​లోనే ఆడుతున్నాడు. క్యాష్ రిచ్​ లీగ్​లో ఓపెనర్​గా బాగా సక్సెస్ అయ్యాడు. ఫస్ట్ బాల్ నుంచి బౌండరీలు, సిక్సులతో విరుచుకుపడుతున్నాడు. దీంతో అతడ్ని భారత్ తరఫున కూడా టీ20ల్లో ఓపెనర్​గా బరిలోకి దింపాలని రోహిత్​తో పాటు కోచ్ రాహుల్ ద్రవిడ్ ప్లాన్ చేస్తున్నారని క్రికెట్ వర్గాల్లో వినిపిస్తోంది. అలవాటైన స్వదేశీ పిచ్​లపై ఓపెనర్​గా రాణిస్తే జూన్​లో జరిగే టీ20 వరల్డ్ కప్​లోనూ అదే పొజిషన్​లో పంపాలని భావిస్తున్నారట. ఈ విషయాన్ని విరాట్​తోనూ డిస్కస్ చేశారని.. అతడు దీనికి ఓకే చెప్పాడని నెట్టింట పుకార్లు వస్తున్నాయి.

ఒకవేళ రోహిత్​కు జతగా కోహ్లీ ఓపెనర్​గా దిగితే ఆఫ్ఘాన్​కు దబిడిదిబిడేనని సోషల్ మీడియాలో నెటిజన్స్ అంటున్నారు. హిట్​మ్యాన్ తనదైన శైలిలో అటాకింగ్ గేమ్ ఆడతాడు. కోహ్లీ పిచ్ కండీషన్స్​ను బట్టి ఇన్నింగ్స్​ను ముందుకు తీసుకెళ్తాడని చెబుతున్నారు. సింగిల్స్, డబుల్స్​తో స్ట్రైక్ రొటేట్ చేయడంతో పాటు బౌండరీలు, సిక్స్ హిట్టింగ్ ఎబిలిటీస్ పుష్కలంగా ఉన్న కోహ్లీని ఓపెనర్​గా ప్రమోట్ చేస్తే బాగుంటుందని నెటిజన్స్ కామెంట్స్ చేస్తున్నారు. అయితే మరికొందరు మాత్రం ఈ డెసిజన్​ను తప్పుబడుతున్నారు. కోహ్లీని ఫస్ట్ డౌన్​లోనే కంటిన్యూ చేయాలని.. ఒకవేళ ఓపెనర్​గా దిగి ఫెయిలైతే మొదటికే ముప్పు వస్తుందని హెచ్చరిస్తున్నారు. ఓపెనింగ్ స్లాట్​కు యశస్వి జైస్వాల్, శుబ్​మన్ గిల్ రూపంలో ప్రత్యామ్నాయాలు ఉన్నాయని.. కోహ్లీని ఆడిస్తారనేది సాధ్యమయ్యే విషయం కాదని కొందరు కొట్టిపారేస్తున్నారు. మరి.. కోహ్లీతో రోహిత్ ప్రయోగాలు చేయనున్నాడనే ఊహాగానాలపై మీరేం అనుకుంటున్నారో కామెంట్ చేయండి.

ఇదీ చదవండి: టెస్టులకు వార్నర్ గుడ్​బై.. షాకింగ్ డెసిజన్ తీసుకున్న ఆస్ట్రేలియా!

Talks are going to make Virat Kohli open the innings with Rohit Sharma in the T20i series against Afghanistan. (Telegraph). pic.twitter.com/FgtkAyiw2F

— Mufaddal Vohra (@mufaddal_vohra) January 10, 2024