David Warner: టెస్టులకు వార్నర్ గుడ్​బై.. షాకింగ్ డెసిజన్ తీసుకున్న ఆస్ట్రేలియా!

క్రికెట్​లో ఓపెనర్లకు చాలా ఇంపార్టెన్స్ ఉంటుంది. ఏ ఫార్మాట్ అయినా సరే గెలుపోటముల్లో వీళ్లదే ప్రధాన పాత్ర. మంచి పార్ట్​నర్​షిప్స్ అందించే ఓపెనర్లు ఉంటే విజయాలు అలవోకగా వస్తాయి. అయితే ఓపెనింగ్ పొజిషన్​కు ఫేమ్ తెచ్చిన కొందరు క్రికెటర్లు ఉన్నారు. వారిలో ఒకడు డేవిడ్ వార్నర్. క్రీజులోకి అడుగు పెట్టింది మొదలు బాదుడే మంత్రంగా బౌలర్లపై విరుచుకుపడటంలో అతను సిద్ధహస్తుడు. అపోజిషన్ బౌలర్ల రిథమ్​ను దెబ్బతీసి మానసికంగా పైచేయి సాధించడం డేవిడ్ భాయ్ స్ట్రాటజీ. దశాబ్ద కాలం పాటు తన అద్భుత ప్రదర్శనలతో ఆసీస్​కు ఎన్నో విక్టరీలు అందించిన వార్నర్ రీసెంట్​గా టెస్టులు, వన్డేలకు గుడ్​బై చెప్పేశాడు. టీ20ల్లో మాత్రం కంటిన్యూ అవుతానని తెలిపాడు. దీంతో కొత్త ఓపెనర్ వేటలో పడింది కంగారూ టీమ్. వార్నర్ లాంటి మరో ఓపెనర్ ఎక్కడ దొరుకుతాడా అని వెతకసాగింది. అయితే టీమ్​లోనే ఉన్న ఓ 34 ఏళ్ల సీనియర్ ప్లేయర్​ను ఆ పొజిషన్​కు సెలక్ట్ చేసింది.

వార్నర్ ప్లేస్​లో కొత్త ఓపెనర్​ కోసం జల్లెడ పడుతున్న క్రికెట్ ఆస్ట్రేలియా కీలక నిర్ణయం తీసుకుంది. డేవిడ్ భాయ్​కు రీప్లేస్​మెంట్​గా స్టార్ బ్యాట్స్​మన్​ స్టీవ్ స్మిత్​ను ఎంపిక చేసింది. ఇక మీదట టెస్టుల్లో కంగారూల తరఫున స్మిత్ ఓపెనర్​గా బరిలోకి దిగనున్నాడు. ఒకప్పుడు 8వ నంబర్​లో బ్యాటింగ్​కు దిగే స్మిత్​కు ఓపెనింగ్ చేసే అవకాశం దొరకడం గొప్ప విషయమనే చెప్పాలి. అది కూడా ఎంతో ఒత్తిడి ఉండే టెస్టు క్రికెట్​లో ఇన్నింగ్స్​ను ఆరంభించే ఛాన్స్ దక్కడాన్ని ప్రశంసించకుండా ఉండలేం. అయితే ఇందులో లక్​ కంటే స్మిత్ పడిన కష్టానికి ప్రతిఫలమం దక్కిందని చెప్పొచ్చు. అవును, ఒకప్పుడు అతడు అనామకుడిగా ఉండేవాడు. స్మిత్ పేరు చెబితే ఎవరూ గుర్తుపట్టేవారు కాదు. ఇంటర్నేషనల్ కెరీర్​ను లెగ్​ స్పిన్నర్​గా స్టార్ట్ చేశాడతను. ఆ టైమ్​లో ఎనిమిదో నంబర్​లో బ్యాటింగ్​కు దిగేవాడు. కానీ తక్కువ సమయంలోనే తానేంటో ప్రూవ్ చేసుకున్నాడు. బౌలింగ్ కంటే స్మిత్ బ్యాటింగ్ చేస్తున్న తీరు టీమ్ మేనేజ్​మెంట్​ను అట్రాక్ట్ చేసింది.

డిఫరెంట్ ఫుట్​వర్క్​తో, ప్రత్యేకమైన శైలితో స్మిత్ బ్యాటింగ్​ చేస్తున్న తీరు అందర్నీ ఆకట్టుకుంది. మంచి బంతుల్ని డిఫెన్స్ చేస్తూ, లూజ్​ బాల్స్​ను బౌండరీలకు తరలిస్తూ ఇన్నింగ్స్ చివర్లో విలువైన రన్స్ జోడించడంతో అతడికి ప్రమోషన్ లభించింది. కంటిన్యూస్​గా బ్యాట్​తో పెర్ఫార్మ్ చేస్తుండటంతో టాపార్డర్​లో అతడికి చోటు దక్కింది. దీంతో బౌలింగ్​ను పక్కన పెట్టి పూర్తిస్థాయి బ్యాట్స్​మన్​ అవతారం ఎత్తాడు స్మిత్. జట్టు అవసరాన్ని బట్టి అప్పుడప్పుడు బౌలింగ్ కూడా చేస్తుంటాడు. ఇప్పుడు వార్నర్ టీమ్​ను వీడటంతో ఆ పొజిషన్​లో ఆడే మరో ప్లేయర్ కనిపించకపోవడం, ఏ స్థానంలోనైనా ఆడగల సత్తా ఉండటం, అనుభవమూ తోడవడంతో స్మిత్​ను ఓపెనర్​గా నియమించింది ఆసీస్. ఈ నిర్ణయాన్ని ఫ్యాన్స్ స్వాగతిస్తున్నారు. ఆసీస్​ జట్టులో ఓపెనింగ్​ పొజిషన్​కు స్మిత్​ను మించినోడు లేడని అంటున్నారు. మరి.. స్మిత్​ ఓపెనింగ్ పొజిషన్​కు న్యాయం చేయగలడని మీరు భావిస్తే కామెంట్ చేయండి.

ఇదీ చదవండి: ఆ తప్పు కారణంగా ఇషాన్ ను జట్టు నుంచి తీసేసిన BCCI?

Steve Smith, started his career as number 8, bowling leg spin then backbone of Australian batting & now as a Test opener at the age of 34.

– What a great journey, The best Test batter in modern Era. 🫡 pic.twitter.com/fwbbJ3qtIy

— Johns. (@CricCrazyJohns) January 10, 2024