వన్డే వరల్డ్ కప్ ఫైనల్కు ముందు స్టార్ బ్యాటర్ విరాట్ కోహ్లీపై కొన్ని విమర్శలు రావడంపై రోహిత్ శర్మ సీరియస్ అయ్యాడు. విరాట్ను విమర్శిస్తున్న వారికి గట్టి కౌంటర్ ఇచ్చాడు హిట్మ్యాన్.
వన్డే వరల్డ్ కప్ ఫైనల్కు ముందు స్టార్ బ్యాటర్ విరాట్ కోహ్లీపై కొన్ని విమర్శలు రావడంపై రోహిత్ శర్మ సీరియస్ అయ్యాడు. విరాట్ను విమర్శిస్తున్న వారికి గట్టి కౌంటర్ ఇచ్చాడు హిట్మ్యాన్.
వన్డే వరల్డ్ కప్లో లాస్ట్ ఫేజ్కు చేరుకుంది. మెగా టోర్నీలో ఇంకా ఒకే ఒక్క మ్యాచ్ మాత్రమే మిగిలి ఉంది. అహ్మదాబాద్లోని నరేంద్ర మోడీ స్టేడియంతో జరిగే ఫైనల్ మ్యాచ్తో టోర్నీ ముగియనుంది. టైటిల్ ఫైట్లో ఇండియా, ఆస్ట్రేలియా తాడోపేడో తేల్చుకోనున్నాయి. ఇరు టీమ్స్ ఫుల్ స్ట్రాంగ్గా ఉండటంతో మ్యాచ్ ఇంట్రెస్టింగ్గా సాగడం ఖాయంగా కనిపిస్తోంది. తమ బలాబలాలకు తగ్గట్లు రెండు జట్లు ఆడితే ఇది మరో సీట్ ఎడ్జ్ థ్రిల్లర్గా మారే అవకాశం ఉంది. భారత్ తరఫున ఈ మ్యాచ్లో కెప్టెన్ రోహిత్ శర్మతో పాటు స్టార్ బ్యాటర్ విరాట్ కోహ్లీ, మహ్మద్ షమి, జస్ప్రీత్ బుమ్రా రాణించడం కీలకంగా మారింది. బ్యాటింగ్లో మూలస్థంభాలైన హిట్మ్యాన్, కోహ్లీలు బాగా పెర్ఫార్మ్ చేయాలి.
బౌలింగ్లో బుమ్రా, షమి రాణిస్తే టీమిండియాకు తిరుగుండదు. మెగా టోర్నీలో ఇప్పటిదాకా ఎలాగైతే ఆడుతూ వచ్చారో అదే విధంగా ఆడితే ఫైనల్లో ఆసీస్ను చిత్తు చేయొచ్చు. కొత్తగా ఏదీ ట్రై చేయకుండా తమకు వచ్చిన గేమ్ను కంటిన్యూ చేయాలని, అవే స్కిల్స్ను మరింత బెటర్గా ప్రొజెక్ట్ చేస్తే భారత్ అకౌంట్లో మూడో వరల్డ్ కప్ చేరుతుందని సీనియర్ క్రికెటర్లు అంటున్నారు. మన జట్టులో బ్యాటింగ్ భారం రోహిత్, కోహ్లీపై ఉంది. ఇప్పటివరకు వీళ్లిద్దరిలో ఎవరు ఒకరు బాగా ఆడుతూ వస్తున్నారు. ఒక మ్యాచ్లో హిట్మ్యాన్ సక్సెస్ అయితే.. మరో మ్యాచ్లో విరాట్ రాణిస్తున్నాడు. ఇద్దరూ బాగా ఆడిన సందర్భాలూ ఉన్నాయి. ఒకవేళ రోహిత్ ఫెయిలైతే.. కోహ్లీ మ్యాచ్ను నిలబెడుతున్నాడు. అదే విరాట్ విఫలమైతే హిట్మ్యాన్ ఆఖరి వరకు ఆడుతున్నాడు.
కోహ్లీ ఉన్నాడనే భరోసాతో రోహిత్ స్టార్టింగ్లో హిట్టింగ్కు దిగుతున్నాడు. రోహిత్ మొదట్లోనే బౌలర్లను బాదుతుండటంతో తర్వాత విరాట్ స్వేచ్ఛగా బ్యాటింగ్ చేస్తున్నాడు. ఈ దిగ్గజ బ్యాటర్లు ఇలా ఆడుతుండటం వల్లే టీమిండియాకు వరుస విజయాలు వచ్చాయి. ఇదే ఊపును ఫైనల్ మ్యాచ్లోనూ కంటిన్యూ చేయాలని ఫ్యాన్స్ కోరుకుంటున్నారు. ముఖ్యంగా 10 మ్యాచులు ఆడి 711 రన్స్ చేసిన కోహ్లీని ప్లేయర్ ఆఫ్ ది టోర్నమెంట్ అవార్డు వరించాలని అనుకుంటున్నారు. అయితే ఇంత బాగా ఆడుతున్నా విరాట్ను కొందరు విమర్శించడం హాట్ టాపిక్గా మారింది. రికార్డుల కోసం ఆడుతున్నాడని.. కావాలనే మెళ్లిగా బ్యాటింగ్ చేస్తున్నాడని అతడిపై నెట్టింట ట్రోలింగ్ జరుతోంది.
మొదట్లో నెమ్మదిగా ఆడటం.. సింగిల్స్, డబుల్స్తో స్ట్రైక్ రొటేట్ చేస్తూ ఇన్నింగ్స్ను బిల్డ్ చేయడం కోహ్లీ స్టైల్. ఆఖర్లో బౌండరీలు, సిక్సులతో మ్యాచ్ను ముగించడం, స్ట్రైక్ రేట్ హైలో ఉండగా ఫినిష్ చేయడం విరాట్కు వెన్నతో పెట్టిన విద్య. వరల్డ్ కప్లోనూ ఇదే శైలిలో ఆడుతున్నా అతడ్ని విమర్శకులు వదలడం లేదు. ఈ నేపథ్యంలో కోహ్లీని ట్రోల్ చేస్తున్న వారికి కెప్టెన్ రోహిత్ గట్టి కౌంటర్ ఇచ్చాడు. ప్రెస్ కాన్ఫరెన్స్లో మాట్లాడిన హిట్మ్యాన్.. టీమ్లోని 7 మంది బ్యాటర్లు ఒకేలా ఆడలేరన్నాడు. హిట్టింగ్కు వెళ్తూ బ్యాట్ను స్వింగ్ చేయడం అందరి పని కాదన్నాడు. ఒక్కో ప్లేయర్కు ఒక్కో రోల్ను ఇచ్చామని స్పష్టం చేశాడు. జట్టులో వాతావరణం చాలా బాగుందని.. దీన్ని ఇలాగే మెయింటెయిన్ చేస్తామని స్పష్టం చేశాడు. మరి.. కోహ్లీని విమర్శించే వారికి రోహిత్ కౌంటర్ ఇవ్వడంపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: టీమిండియా కప్ గెలిస్తే రూ.100 కోట్లు ఇస్తానంటున్న CEO
Rohit Sharma said, “all 7 batters can’t go wild and swing their bats, we’ve given roles to each individual”. pic.twitter.com/H8upVMCLWJ
— Mufaddal Vohra (@mufaddal_vohra) November 18, 2023
